Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଗସ୍ତି ନୂଆଗାଁ ଓ ଚମାଖଣ୍ଡି ପଞ୍ଚାୟତର ସରପଞ୍ଚ ଏବଂ ସମିତି ସଭ୍ୟ ପ୍ରାର୍ଥୀ ନିର୍ଦ୍ବନ୍ଦରେ ନିର୍ବାଚିତ
  • ||
  • ରାଜ୍ୟରେ ବୁଧବାର ସୁସ୍ଥହେଲେ ଆଉ ୧୦ହଜାର ୭୮ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୭୩ ଜଣ ଡିସଚାର୍ଜ
  • ||
  • ପାଟ୍ରୋଲିଂ ଗାଡିକୁ ଚକ୍‌ମା ଦେଇ ଖସିଯିବା ବେଳେ ଗୋଡାଇ ଗୋଡାଇ କାବୁ କଲା ପୋଲିସ: ଅଟୋରୁ ବିପୁଳ ଗଞ୍ଜେଇ ଜବତ, ୫ ଗିରଫ
  • ||
  • ମାତ୍ର ୬୦ ସେକେଣ୍ଡରେ ଜଣାପଡିବ ଶରୀରର ରକ୍ତ ସର୍କରା, ଛୁଞ୍ଚିର ଭୟ ରହିବନି… ଆସିଗଲା ନୂଆ ମେସିନ୍
  • ||
  • ଖଲ୍ଲିକୋଟ : ପଞ୍ଚାୟତ ନିର୍ବାଚନ ପାଇଁ ଗଞ୍ଜାମ ଜିଲ୍ଲାର ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ, ମୈଦାନରେ ୧୩ ହଜାର ୬୭୫ ପ୍ରାର୍ଥୀ
  • ||
  • ସମ୍ବଲପୁର : ଭୀମସାର ଡାକ୍ତରୀ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ, ଗୋଡ ଭାଙ୍ଗିବା ସହ ଶରୀରରେ ଲାଗିଛି ଆଘାତ
  • ||
  • ଭୁବନେଶ୍ବର : ଜାଲ୍‌ ପ୍ରମାଣପତ୍ର ଦେଇ ୩କୋଟି ୬୮ଲକ୍ଷ ଟଙ୍କା ଠକେଇ ଅଭିଯୋଗ, ପିଏନବି ପୂର୍ବତନ ମୁଖ୍ୟ ପରିଚାଳକ ସମେତ ୩ ଗିରଫ
  • ||
  • ଭୁବନେଶ୍ବର : କୋଭିଡ୍‌ର କେବେ ବି ଅନ୍ତ ହେବନାହିଁ : ସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ କମିବା ନେଇ ମିଳିଲାଣି ସଂକେତ : SRC
  • ||
  • ପୁରୀ : ମହିଳାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ ପଡିଲା ମହଙ୍ଗା, ଅଭିଯୁକ୍ତ ଗିରଫ
  • ||

ନୀଳଗିରି ଅଂଚଳରୁ ଉଲଗ୍ନ ଅଣ ଓଡିଆ ଯୁବତୀ ଉଦ୍ଧାର ; ଘର ରାଂଚିରେ, କିଏ କଲା ଉଲଗ୍ନ ?

25/10/2018 at 4:25 PM

ବାଲେଶ୍ବର ୨୫|୧୦: ବାଲେଶ୍ବର ଜିଲ୍ଲା ନୀଳଗିରି ଅଂଚଳରେ ଆଜି ଜଣେ ଅଣ ଓଡିଆ ଯୁବତୀଙ୍କୁ ଉଲଗ୍ନ ଅବସ୍ଥାରେ ଉଦ୍ଧାର କରାଯାଇଛି । ଜଡିଦା ପଂଚାୟତ ପୋଡାସୁଲ ନିକଟ ଦେଇ ସିଆଡିମାଳ ଯାଇଥିବା ରାସ୍ତା କଡରେ ଉଲଗ୍ନ ଅବସ୍ଥାରେ ଏହି ଯୁବତୀ ପଡିରହିଥିଲେ। ସ୍ଥାନୀୟ ଅଞ୍ଚଳର ଜଣେ ବ୍ୟକ୍ତି ଏହା ଦେଖିବାପରେ ଯୁବତୀଙ୍କୁ ଏକ ପୋଷାକ କିଣି ପିନ୍ଧିବାକୁ ଦେଇଥିଲେ । ତାଙ୍କ ଖାଇବା ପିଇବା ବ୍ୟବସ୍ଥା ମଧ୍ୟ କରିଦେଇଥିଲେ । ତେବେ ଯୁବତୀ ଜଣକ ଗୁମସୁମ ହୋଇ ରାସ୍ତାକଡରେ ବସି ରହିଥିବା ଦେଖିବାକୁ ମିଲିଛି ।  ସେ ରାଞ୍ଚି ଅଂଚଳର ଓ ତାଙ୍କ ନାମ ସୁସ୍ମିତା ବୋଲି ଯୁବତୀ  କହିଛନ୍ତି । ପୂଜା ସମୟରେ ପାରିବାରିକ ଅଶାନ୍ତି ଘଟିବା ଯୋଗୁଁ ସେ ଘର ଛାଡି ଆସିଥିବା ସୂଚନା ଦେଇଛନ୍ତି । ତାଙ୍କ ମୁଣ୍ଡ ମଧ୍ୟ ବେଳେ ବେଳେ ଖରାପ ହେଉଥିବା ସେ କହିଛନ୍ତି । ଯୁବତୀଙ୍କ ସମ୍ପର୍କରେ ସ୍ଥାନୀୟ ଲୋକ ପୁଲିସକୁ ଖବର ଦେଇଛନ୍ତି । କିନ୍ତୁ ଏ ପର୍ଯ୍ୟନ୍ତ ପ୍ରଶାସନ କିମ୍ବା ପୋଲିସ ଯୁବତୀଙ୍କୁ ନିରାପଦ ସ୍ଥାନକୁ ନେବା ପାଇଁ ବ୍ୟବସ୍ଥା କରିନାହିଁ । ଗତ କାଲି ରାତିଠାରୁ ଯୁବତୀ ଏଠାରେ ଥିବା ଅନୁମାନ କରାଯାଉଛି । ତେବେ ସେ କେଉଁ ପରିସ୍ଥିତିରେ ଉଲଗ୍ନ ହୋଇପଡିଥିଲେ ସେ ସମ୍ପର୍କରେ କିଛି ଜଣାପଡି ନାହିଁ । ଯୁବତୀ ମଧ୍ୟ ଏ ସମ୍ପର୍କିତ କୌଣସି ପ୍ରଶ୍ନର ଉତ୍ତର ଦେଉନାହାଁନ୍ତି । ନିଶା ପରବର୍ତ୍ତୀ ପ୍ରଭାବରେ ଥିଲା ଭଳି ଯୁବତୀଙ୍କ ଅବସ୍ଥା ରହିଛି । ସେଥିପାଇଁ ତାଙ୍କ ସହ କୌଣସି ଅଘଟଣ ଘଟିଥିବା ଆଶଂକାକୁ ମଧ୍ୟ ଏଡାଇଦେଇ ହେବ ନାହିଁ । ଖୁବଶୀଘ୍ର ତାଙ୍କୁ ସୁରକ୍ଷା ଯୋଗାଇ ତାଙ୍କ ବାସସ୍ଥଳକୁ ପଠାଇବାକୁ ଅଞ୍ଚଳବାସୀ ଦାବି କରିଛନ୍ତି।

   Related Posts