କଟକ, ୨୯/୦୪: କଟକ ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ ସଫା ଗ୍ରାମ ନିକଟରେ ଜଣେ ଯୁବକ ଜଳନ୍ତା ଅବସ୍ଥାରେ ରାସ୍ତାରେ ଦୌଡୁଥିବା ବେଳେ ସ୍ଥାନୀୟ ଲୋକେ ଯୁବକ ଜଣଙ୍କୁ ଉଦ୍ଧାର କରିଥିବା ଜଣାପଡ଼ିଛି । ପରେ ତାଙ୍କୁ ୧୦୮ ଆମ୍ବୁଲାନ୍ସ ଯୋଗେ ଟାଙ୍ଗୀ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତି କରିବା ପରେ ସେଠାରୁ କଟକ ବଡ ମେଡିକାଲ କୁ ପଠାଇ ଦିଆଯାଇଛି ।
ସୂଚନା ମପତାବକ, ଯୁବକ ଜଣକ କେଉଁ ସ୍ଥାନର ଜଣା ପଡ଼ିନଥିବା ବେଳେ ଯୁବକଙ୍କ ଦେହରେ ନିଆଁ ଲାଗିଥିବା ସଫା ଗ୍ରାମର କିଛି ଯୁବକ ଦେଖିବାକୁ ପାଇଥିଲେ । ତୁରନ୍ତ ଯୁବକଙ୍କ ଏପରି ଅବସ୍ଥା ଦେଖି ସ୍ଥାନୀୟ ଲୋକେ ଆମ୍ବୁଲାନ୍ସକୁ ଖଵର ଦେଇଥିଲେ । ସବୁଠାରୁ ଆଶ୍ଚର୍ଯ୍ୟ କଥା ହେଲା ଯୁବକଙ୍କ ଦେହରେ ନିଆଁ ଲାଗି ୪୦ ପ୍ରତିଶତ ପୋଡି ଯାଇଥିଲେ ମଧ୍ୟ ସେ ନିଜେ ରାସ୍ତାରେ ଚାଲି ଚାଲି ଯିବା ଏବଂ ଆମ୍ବୁଲାନ୍ସରେ ଚଢ଼ିବା ଅଞ୍ଚଳ ବାସୀଙ୍କୁ ଚକିତ କରିଛି । ତେବେ ଯୁବକଙ୍କ ଦେହରେ ନିଆଁ କେମିତି ଲାଗିଲା ଏଭଳି ଅବସ୍ଥା କିପରି ହେଲା ତାହା ଏପର୍ଯ୍ୟନ୍ତ ଜଣାପଡ଼ିନାହିଁ l