Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚିନ୍ତା ଘାରୁଛି କରୋନା ମୃତ୍ୟୁ, ସେପଟେ ଆଜି ସୁସ୍ଥ ହୋଇ ଘରକୁ ଫେରିଲେ ଆଉ ୯୧୩ ସଂକ୍ରମିତ
  • ||
  • ଚାଷୀଙ୍କୁ କେନ୍ଦ୍ର ସରକାରଙ୍କ ସହାୟତା ନେଇ କେନ୍ଦ୍ରମନ୍ତ୍ରୀଙ୍କ ଟ୍ୱିଟ୍: ଲେଖିଲେ, ଗତ ୬ ବର୍ଷରେ ଓଡ଼ିଶାର ଚାଷୀଙ୍କୁ ୬୦ ହଜାର ୮୩୬ କୋଟି ଟଙ୍କା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ରାଜ୍ୟର ୬ ବିଶ୍ବବିଦ୍ୟାଳୟରେ ନୂଆ କୁଳପତି ନିଯୁକ୍ତି: ଜାଣନ୍ତୁ କିଏ, କେଉଁଠି
  • ||
  • ବରଗଡ଼: ‘ନୋ କ୍ଲାସ୍ ନୋ ଫି’ ଦାବିରେ ଜିଲ୍ଲାପାଳଙ୍କୁ ଘେରିଲେ କଲେଜ ଛାତ୍ରଛାତ୍ରୀ
  • ||
  • ନାବାଳିକାକୁ ଦୁଷ୍କର୍ମ ପରେ ବିଷ ଦେଇ ହତ୍ୟା କରିଥିଲା ସଂପର୍କୀୟ କକା: ଏମିତି ଅଭିଯୋଗ ନେଇ ଜିଲ୍ଲାପାଳଙ୍କୁ ଘେରିଲେ ମହିଳା
  • ||
  • ମାଲକାନଗିରି :ପଡିଆ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ମେଡିକାଲ ଅଫିସରଙ୍କୁ ଗିରଫ କଲା ଭିଜିଲାନ୍ସ
  • ||
  • ମାଲକାନଗିରି : ଜମିବାଡି ବିବାଦରୁ ହତ୍ୟାକାଣ୍ଡ ! ହତ୍ୟା କରି ଫିଙ୍ଗିଦେଲେ ଘର ଆଗରେ
  • ||
  • ଝାରସୁଗୁଡା : ଟେଣ୍ଟ ହାଉସ୍ ଗୋଦାମରେ ଅଗ୍ନିକାଣ୍ଡ, ୫୦ଲକ୍ଷରୁ ଅଧିକ ଟଙ୍କାର ସମ୍ପତ୍ତି ପୋଡି ଭସ୍ମୀଭୂତ
  • ||
  • ଭୁବନେଶ୍ବର : ଓଟିଭିରୁ ଇସ୍ତଫା ଦେଲେ ନିହାର ରଞ୍ଜନ ଭୂୟାଁ
  • ||
  • କଟକ : ଘରୋଇ ସ୍କୁଲ ଫି’ କମାଇବା ମାମଲା : ଫି’ କେତେ କମିବ ସତ୍ୟପାଠ ଦେବାକୁ ହାଇକୋର୍ଟଙ୍କ ନିର୍ଦ୍ଦେଶ
  • ||

ସ୍ତ୍ରୀର ଗଳାଚିପି ହତ୍ୟା କରିବା ପରେ ନିଜ ଯୌନାଙ୍ଗ କାଟିଲା ସ୍ବାମୀ, ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି

7/07/2019 at 11:59 AM

ସିଦ୍ଧାର୍ଥନଗର ୭|୭:  ଉତ୍ତରପ୍ରଦେଶର ସିଦ୍ଧାର୍ଥନଗରରେ ଏକ ଅଭାବନୀୟ ଘଟଣା ଘଟିଛି । ସିଦ୍ଧାର୍ଥନଗର ପଥରା ସ୍ଥିତ କକରାପୋଖର ଗାଁରେ ଗତ ଶନିବାର ଜଣେ ଯୁବକ ନିଜ ସ୍ତ୍ରୀର ଗଳାଚିପି ହତ୍ୟା କରିଛି । ସ୍ତ୍ରୀକୁ ହତ୍ୟା କରିବା ପରେ ନିଜ ଯୌନାଙ୍ଗ କାଟିଦେଇଛି । ପୋଲିସ ସଂପୃକ୍ତ ଯୁବକଙ୍କୁ ଜିଲ୍ଲା ହସ୍ପିଟାଲରେ  ଭର୍ତ୍ତି କରିଥିଲା । ପରେ ସେଠାରୁ ଯୁବକଙ୍କୁ ଗୋରଖପୁର ମେଡିକାଲ କଲେଜକୁ ସ୍ଥାନାନ୍ତର କରାଯାଇଛି । ପୋଲିସ ଯୁବକଙ୍କ ବିରୋଧରେ ଯୌତୁକଜନିତ ହତ୍ୟା ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।

ସୂଚନାଯୋଗ୍ୟ ଯେ, ସିଦ୍ଧାର୍ଥନଗର ପଥରା ସ୍ଥିତ କକରାପୋଖର ଗାଁର ଖରକୁଲାହ ହସନଙ୍କ ପୁଅ ୨୨ବର୍ଷ ବୟସ୍କ ଅନଓ୍ବାରୁଲ ହସନଙ୍କ ବିବାହ ୧୦ମାସ ପୂର୍ବରୁ ପଡୋଶୀ ଅମିରଉଲ୍ଲାହଙ୍କ ଝିଅ ୨୧ବର୍ଷ ବୟସ୍କ ମେହନାଜଙ୍କ ସହ ହୋଇଥିଲା । ଗତ ଶୁକ୍ରବାର ଦିନ ଉଭୟ ରାତିରେ ଖାଇପିଅ ନିଜ ରୁମ୍ ରେ ଶୋଇଥିଲେ । ଶନିବାରର ଦିନ ମେହନାଜଙ୍କ ମା ତାଙ୍କ ରୁମ୍ କୁ ଯାଇ ଦେଖିଥିଲେ ଯେ, ତାଙ୍କ ରୁମ୍ ର କବାଟ ଖୋଲାଥିଲା । ସେ ରୁମ୍ ଭିତରକୁ ଯାଇ ଦେଖିଲେ ଯେ, ମେହନାଜଙ୍କ ମୃତଦେହ ତଳେ ପଡିଥିଲା ଏବଂ ଅନଓ୍ବାରୁଲ ରକ୍ତ ଜୁଡୁବୁଡୁ ଅବସ୍ଥାରେ ପଡିଥିଲେ ।  ଏହା ଦେଖି ସେ ଜୋରରେ ପାଟି କରିଥିଲେ । ଫଳରେ ପାଖ ପଡିଶା ଆସି ସେଠାରେ ରୁଣ୍ଡ ହୋଇଯାଇଥିଲେ ।  ଅନଓ୍ବାରୁଲ ସ୍ତ୍ରୀ ମେହନାଜର ଗଳାଚିପି ହତ୍ୟା କରିବା ପରେ ନିଜ ଯୌନାଙ୍ଗ କାଟି ଦେଇଥିଲେ ଏବଂ ସ୍ତ୍ରୀର ମୃତଦେହ ନିକଟରେ ହିଁ ବସିରହିଥିଲେ । ଘଟଣା ସଂପର୍କରେ ପୋଲିସକୁ ଖବର ଦେବାପରେ ଘଟଣାସ୍ଥଳରେ ପୋଲିସ ଆସି ପହଞ୍ଚିଥିଲା । ପୋଲିସ ମେହନାଜଙ୍କ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ମେଡିକାଲକୁ ପଠାଇବା ସହ ଅନଓ୍ବାରୁଲଙ୍କୁ ଜିଲ୍ଲା ହସ୍ପିଟାଲରେ  ଭର୍ତ୍ତି କରିଥିଲା । ପରେ ସେଠାରୁ ଯୁବକଙ୍କୁ ଗୋରଖପୁର ମେଡିକାଲ କଲେଜକୁ ସ୍ଥାନାନ୍ତର କରାଯାଇଛି ।

ମୃତ ମେହନାଜଙ୍କ ମା କହିଛନ୍ତି ଯେ, ବିବାହ ପରଠାରୁ ହିଁ ଉଭୟ ସ୍ବାମୀ ଓ ସ୍ତ୍ରୀଙ୍କ ମଧ୍ୟରେ ଝଗଡା ହେଉଥିଲା । କେତେଥର ସେ ମଧ୍ୟ ଉଭୟଙ୍କୁ ବୁଝାଇଥିଲେ । ମାତ୍ର ସେ ବୁଝିନଥିଲେ ।  ଝଗଡା କାରଣରୁ ହିଁ ଅନଓ୍ବାରୁଲ ତାଙ୍କ ଝିଅର ଗଳାଚିପି ହତ୍ୟା କରିଦେଇଛି ।

ଅମିରଉଲ୍ଲାହଙ୍କ ଅଭିଯୋଗ ଅନୁସାରେ ପୋଲିସ ଯୌତୁକ ଜନିତ ହତ୍ୟା ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।

   Related Posts