Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

ପ୍ରେମରେ ପ୍ରତାରଣା : ପ୍ରେମିକ ଦୁଆରେ ପ୍ରେମିକା, ନ୍ୟାୟ ପାଇଁ ଦେଇଛି ଧାରଣା

13/04/2021 at 11:58 AM

ନୟାଗଡ ୧୩।୪: ନ୍ୟାୟ ପାଇଁ ପ୍ରେମିକ ଦୁଆରେ ଦୁଇ ଦିନ ହେଲା ଧାରଣାରେ ବସିଛି ପ୍ରେମିକା । ପ୍ରେମିକର ପରିବାର ଘରେ ପୁରାଇ ଦେବେନାହିଁ ବୋଲି ଜିଦ୍‌ ଧରିଥିବାବେଳେ ଗ୍ରାମବାସୀ ସମାଧାନ କରିବାକୁ ଚେଷ୍ଟା କରି ବିଫଳ ହୋଇଛି । ଏଭଳି ଏକ ଘଟଣା ଦେଖିବାକୁ ମିଳିଛି ନୟାଗଡ ଜିଲ୍ଲା ଓଡଗାଁ ଥାନା ଭାଡିକିଳା ଗାଁରେ ।

ସୂଚନାଯୋଗ୍ୟ ଯେ, ଭାଡିକିଳା ଗାଁର ଯୁବକ ପୁରୀ ଜିଲ୍ଲା ବ୍ରହ୍ମଗିରି ଅଞ୍ଚଳରେ ଏକ ଫାଇନାନ୍ସ କମ୍ପାନୀରେ କାମ କରୁଥିଲେ । ସେଠାରେ ଶିଶୁପୁର ଗାଁର ଯୁବତୀଙ୍କ ସହ ତାଙ୍କର ପ୍ରେମ ସମ୍ପର୍କ ଗଢିଉଠିଥିଲା । ବିବାହର ପ୍ରଲୋଭନ ଦେଖାଇ ଯୁବକ ଜଣଙ୍କ ଯୁବତୀଙ୍କ ସହ ଶାରୀରିକ ସମ୍ପର୍କ ମଧ୍ୟ ରଖିଥିଲେ । ଯୁବକଙ୍କ ପରିବାର ଲୋକ ଏ ସମ୍ପର୍କରେ ଜାଣିବା ପରେ ତାଙ୍କର ରାଉରକେଲାକୁ ବଦଳି କରାଇଦେଇଥିଲେ । ଏହାପରେ ଯୁବତୀଙ୍କ ସହ ସମ୍ପର୍କ ରଖିନଥିଲା । ଏପରିକି ଯୁବତୀଙ୍କ ଫୋନ୍‌ ନମ୍ବରକୁ ବ୍ଲକ୍ କରିଦେଇଥିଲା ବୋଲି ଯୁବତୀ ଜଣଙ୍କ କହିଛନ୍ତି ।

ତେବେ ଯୁବକଙ୍କ ଆଧାର କାର୍ଡରୁ ଠିକଣା ପାଇ ଗତ ଦୁଇ ଦିନ ତଳେ ଯୁବତୀଜଣଙ୍କ ସାନଭଉଣୀ ସହିତ ଭାଡିକିଳା ଗାଁକୁ ଆସି ଯୁବକଙ୍କୁ ଭେଟିବାକୁ ଚାହିଁଥିଲେ । ଘରେ ଥିଲେ ମଧ୍ୟ ପରିବାର ଲୋକ ତାଙ୍କୁ ଦେଖାଇନଦେବାରୁ ବାଧ୍ୟ ହୋଇ ଯୁବତୀ ଜଣଙ୍କ ତାଙ୍କ ଦୁଆରେ ବସିରହିଥିଲେ । ଗ୍ରାମବାସୀ ଏ ସମ୍ପର୍କରେ ଜାଣିବା ପରେ ଏହାର ସମାଧାନ କରିବାକୁ ଚେଷ୍ଟା କରିଥିଲେ ମଧ୍ୟ ଯୁବକଙ୍କ ପରିବାର ସଦସ୍ୟ ଏଥିରେ ରାଜି ହୋଇନଥିଲେ । ଗାଁ ସଭାପତିଙ୍କ ପରାମର୍ଶ ପରେ ସୋମବାର ଯୁବତୀ ଜଣଙ୍କ ଓଡଗାଁ ଥାନାକୁ ଯାଇ ଏ ସମ୍ପର୍କରେ ଅଭିଯୋଗ କରିଥିଲେ । ତେବେ ରାତି ସୁଦ୍ଧା ପୋଲିସ ଗାଁରେ ପହଞ୍ଚିନଥିଲା ।

ମଙ୍ଗଳବାର ସକାଳୁ ପୋଲିସ ଗାଁକୁ ଯାଇ ଉଭୟ ପୁଅ ଏବଂ ଝିଅକୁ ଆଣି ଥାନାରେ ବସାଇଥିବା ସୂଚନା ମିଳିଛି । ନ୍ୟାୟ ନମିଳିଲେ ଯୁବକଙ୍କ ଘର ସାମ୍ନାରେ ଆତ୍ମାହୁତି ଦେବେ ବୋଲି ଯୁବତୀ ଜଣଙ୍କ କହିଥିବାବେଳେ ତାକୁ ଘରେ ପୁରାଇବେ ନାହିଁ ବୋଲି ଯୁବକଙ୍କ ବାପା କହିଛନ୍ତି । ସେପଟେ ଝିଅକୁ ନ୍ୟାୟ ମିଳିବା ଦରକାର ବୋଲି ଗ୍ରାମବାସୀ କହିଛନ୍ତି ।

   Related Posts