ହଜାରିବାଗ ୧୭/୧୨- ବରହି ଜିଲ୍ଲା ଅନ୍ତର୍ଗତ କରିମାଟି ଗାଁର ଘଟଣା । ଦୁଇଟି ଛୁଆଥିବା ଜଣେ ବିବାହିତ ଯୁବକକୁ ବିବାହକରିବାକୁ ରାଜି ନହେବାରୁ ଯୁବତୀଙ୍କୁ ଜୀଅନ୍ତା ଜାଳିଦେଲା ଯୁବକ । ସ୍ଥାନୀୟଅଂଚଳରେ ଏହିଘଟଣା ଚର୍ଚ୍ଚାର ବିଷୟ ପାଲଟିଛି । ଗୁରୁତର ଅବସ୍ଥାରେ ଯୁବତୀ ଜଣକ ସଦର ହସପିଟାଲରେ ଚିକିତ୍ସା ହେଉଛନ୍ତି ।
ଘଟଣାଟି ଏମିତି ; ଅଭିଯୁକ୍ତ ଶଂକର ଯାଦବ ନିଜ ଶଳା ରାହୁଲ କୁମାର ପାଇଁ ଯୁବତୀଙ୍କ ସହିତ ବିବାହ ପ୍ରସ୍ତାବ ସ୍ଥିର କରିଥିଲେ । ସେଥିପାଇଁ ଯୁବତୀଙ୍କ ମାଆକୁ ୩ ଲକ୍ଷ ଟଂକା ମଧ୍ୟଶଂକର ଯାଦବ ଦେଇଥିବା କଥା ପ୍ରକାଶ କରିଛନ୍ତି । ଶଂକର ଯାଦବର ଶଳା ରାହୁଲଅନ୍ୟତ୍ର ବିବାହ କରିବା କଥା କହିବାରୁ ଏହି ବିବାହ ପ୍ରସ୍ତାବ ଭାଙ୍ଗି ଯାଇଥିଲା ।
{"id":64630,"width":586,"height":347}
ଯୁବତୀଙ୍କ ସହିତ ରାହୁଲ କୁମାରର ବିବାହଭାଙ୍ଗିଯିବା ପରେ ନିଜେ ବାହାହେବାକୁ ଶଂକର ଯାଦବ ଯୁବତୀ ଜଣକୁ ପ୍ରସ୍ତାବ ଦେଇଥିଲେ । ଶଂକର ଯାଦବ ବିବାହିତ ଥିଲା ଓ ତା ର ଦୁଇଟି ପିଲା ଥିବାରୁ ଯୁବତୀ ଜଣକ ରାଜି ହୋଇ ନ ଥିଲେ । ଏହି ବିବାହ ପାଇଁ ସେ ଯୁବତୀଙ୍କ ମାଆକୁ ୩ଲକ୍ଷ ଟଂକା ଦେଇଛନ୍ତି ମାନେ ତାଙ୍କ ଶଳା ବାହା ନ ହେଲେ ସେ ନିଜେ ବାହା ହେବେ ବୋଲି ଜିଦ ଧରି ବସିଥିଲେ । ଯାହା ଫଳରେ ଯୁବତୀଙ୍କ ସହିତ ଶଂକର ଯାଦବଙ୍କ ଯୁକ୍ତିତର୍କ ହୋଇଥିଲା । ଫଳରେ ଶଂକର ଯାଦବ ରାଗିଯାଇ ଯୁବତୀଙ୍କୁ କିରୋସିନି ଢ଼ାଳି ନିଆଁ ଲଗାଇଦେଇଥିଲେ ।
ଏହି ଘଟଣା ଘଟିବା ପରେ ଗାଁ ଲୋକେ ଅଭିଯୁକ୍ତ ଶଂକର ଯାଦକକୁ କାବୁ କରି ପୋଲିସରେ ଦେଇଛନ୍ତି । ପୋଲିସ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି ।
ସେପଟେ ଯୁବତୀଙ୍କୁ ଗୁରୁତର ଅବସ୍ଥାରେ ଉଦ୍ଧାରକରି ଡ଼ାକ୍ତରଖାନାରେ ଭର୍ତ୍ତି କରାଯାଇଛି ।