ଗ୍ଲାସଗୋ ୦୨।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସିଓପି ୨୬ ଜଳବାୟୁ ଶିଖର ସମ୍ମିଳନୀରେ ଯୋଗ ଦେବା ପାଇଁ ଗ୍ଲାସଗୋରେ ଅଛନ୍ତି। ଜଳବାୟୁ ଶିଖର ସମ୍ମିଳନୀ ପୂର୍ବରୁ ପ୍ରଧାନମନ୍ତ୍ରୀ ମୋଦୀ ସମଗ୍ର ଦୁନିଆର ଅନେକ ନେତାଙ୍କୁ ସାକ୍ଷାତ କରିଛନ୍ତି। ହେଲେ ପ୍ରଧାନମନ୍ତ୍ରୀ ମୋଦୀ ଓ ଇସ୍ରାଏଲ ପ୍ରଧାନମନ୍ତ୍ରୀ ନେଫଟାଲି ବେନେଟଙ୍କ ସାକ୍ଷାତକାର ସବୁଠୁ ଚର୍ଚ୍ଚାର ବିଷୟ ପାଲଟିଛି। ଏହି ସମୟରେ ଇସ୍ରାଏଲର ପ୍ରଧାନମନ୍ତ୍ରୀ ବେନେଟ୍ ପ୍ରଧାନମନ୍ତ୍ରୀ ମୋଦୀଙ୍କୁ କହିଛନ୍ତି, ଆପଣ ଇସ୍ରାଏଲରେ ବହୁତ ଲୋକପ୍ରିୟ। ଆପଣ ମୋ ପାର୍ଟିରେ ସାମିଲ ହୋଇ ଯାଆନ୍ତୁ। ଏହି ସାକ୍ଷାତକାରର ଭିଡିଓ ଏବେ ସାମ୍ନାକୁ ଆସିଛି।
ଗ୍ଲାସଗୋରେ ସିଓପି ୨୬ ଜଳବାୟୁ ଶିଖର ସମ୍ମିଳନୀ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଇସ୍ରାଏଲର ପ୍ରଧାନମନ୍ତ୍ରୀ ନେଫଟାଲି ବେନେଟଙ୍କ ସହିତ ଦୁଇ ଦେଶର ଦ୍ଵିପାକ୍ଷିକ ସମ୍ବନ୍ଧର ସମୀକ୍ଷା ସହ କ୍ଷେତ୍ରୀୟ ସହଯୋଗ ଉପରେ ଆଲୋଚନା କରିଛନ୍ତି। ସାକ୍ଷାତ ସମୟରେ ଦୁଇ ନେତାଙ୍କ ମଧ୍ୟରେ ବେଶ ନିବିଡତା ଦେଖିବାକୁ ମିଳିଛି। ପ୍ରଧାନମନ୍ତ୍ରୀ ବେନେଟ୍ ଭାରତ ଓ ଇସ୍ରାଏଲ ମଧ୍ୟରେ ମଜବୁତ ସଂପର୍କ ପାଇଁ ପ୍ରଧାନମନ୍ତ୍ରୀ ମୋଦୀଙ୍କୁ ଧନ୍ୟବାଦ ଦେଇଛନ୍ତି।
wp:html/wp:htmlExcellent meeting with @NarendraModi at @COP26.
— Prime Minister of Israel (@IsraeliPM) November 2, 2021
Narendra, I want to thank you for your historic role in shaping the ties between our countries.
Together, we can bring India-Israel relations to a whole new level and build a better & brighter future for our nations.
????? pic.twitter.com/sfRk7cNA7d
ଏହି ସମୟରେ ନେଫଟାଲି ବେନେଟ୍ କହିଛନ୍ତି, ଆପଣ ଇସ୍ରାଏଲରେ ବହୁତ ଲୋକପ୍ରିୟ, ଆପଣ ମୋ ପାର୍ଟିରେ ସାମିଲ୍ ହୋଇ ଯାଆନ୍ତୁ। ଏହା ପରେ ପ୍ରଧାନମନ୍ତ୍ରୀ ମୋଦୀ ହସିଥିଲେ ଏବଂ ଦୁଇ ନେତା ପରସ୍ପରକୁ ଅଭିବାଦନ ଜଣାଇଛନ୍ତି। ମୋଦୀ କହିଛନ୍ତି, ଭାରତର ଜନତା ଇସ୍ରାଏଲ ସହିତ ବନ୍ଧୁତାର ନିବିଡିତାକୁ ମହତ୍ଵ ଦିଅନ୍ତି। ଦୁଇ ଦେଶ ମଧ୍ୟରେ ଦ୍ଵିପାକ୍ଷିକ ସଂପର୍କ ଆହୁରି ମଜବୁତ କରିବା ନେଇ ଦୁଇ ନେତା ଆଲୋଚନା କରିଛନ୍ତି।