Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୫୭୩ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୦ ଡିସଚାର୍ଜ
  • ||
  • ଡ୍ରଗ୍ସ ଲିଙ୍କ୍ ମାମଲାରେ NCBରେ ହାଜର ହେଲେ ଅନନ୍ୟା ପାଣ୍ଡେ, ଆର୍ଯ୍ୟନ ସହ ହ୍ବାଟସଆପ୍‌ ଚାଟ୍‌କୁ ନେଇ ମାରାଥନ୍‌ ଜେରା
  • ||
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

କେବଳ ଜାମ୍ମୁ-କାଶ୍ମୀର ନୁହେଁ , ଭାରତର ଏହି ରାଜ୍ୟଗୁଡ଼ିକରେ ମଧ୍ୟ ଆପଣ କିଣି ପାରିବେ ନାହିଁ ସମ୍ପତ୍ତି

6/08/2019 at 4:09 PM

ନୂଆଦିଲ୍ଲୀ ୬/୮: ଜାମ୍ମୁ-କାଶ୍ମୀରରୁ ୩୭୦ ଧାରା ଉଚ୍ଛେଦ କରିବା ପରେ ଏବେ ସେଠା​‌ରେ ଯେ କୈାଣସି ବ୍ୟକ୍ତି ଜମି ବାଡ଼ି କିମ୍ବା ସମ୍ପତ୍ତି କିଣି ପାରିବେ। କିନ୍ତୁ ପୂର୍ବରୁ ସେକଥା ନଥିଲା ।

କିନ୍ତୁ ଜାମ୍ମୁ-କାଶ୍ମୀର ବ୍ୟତୀତ ଭାରତର ଏପରି ଅନେକ ରାଜ୍ୟ ରହିଛି ଯେଉଁଠାରେ ଆପଣ ଜମି କିଣି ପାରିବେ ନାହିଁ।

ହିମାଚଳ ପ୍ରଦେଶ : ଯଦି ଆପଣ ହିମାଚଳ ପ୍ରଦେଶର ବାସିନ୍ଦା ନୁହନ୍ତି ତେବେ ସେଠାକୁ ଯାଇ ଆପଣ କୌଣସି ସମ୍ପତ୍ତି କିମ୍ବା ଘର କିଣିପାରିବେ ନାହିଁ। ଏପରିକି ଅନ୍ୟ ଚାଷୀମାନେ ମଧ୍ୟ ସେଠାରେ ଜମି କିଣିପାରିବେ ନାହିଁ। ୧୯୭୨ମସିହାର ମୁଜାରା ଆଇନର ଧାରା ୧୧୮ଅନୁସାରେ କୌଣସି ଅନ୍ୟ କୃଷକ କିମ୍ବା ବାହାର ବାସିନ୍ଦା ହିମାଚଳ ପ୍ରଦେଶରେ ଜମି କିଣି ପାରିବେ ନାହିଁ।

ଉତ୍ତର-ପୂର୍ବ ରାଜ୍ୟ : ଉତ୍ତର-ପୂର୍ବ ଭାଗର ଅନେକ ରାଜ୍ୟ ଏପରି ରହିଛି ଯେଉଁଠି ଯେକୌଣସି ଭାରତୀୟ ଯାଇ ଜମି କିଣି ପାରିବେ ନାହିଁ। ନାଗାଲାଣ୍ଡ, ମିଜୋରାମ,ସିକିମ୍, ଅରୁଣାଚଳ ପ୍ରଦେଶ, ମେଘାଳୟ ଆଦି ରାଜ୍ୟକୁ ଯାଇ କୌଣସି ସାର୍ବଜନିକ ସମ୍ପତ୍ତି କିମ୍ବା ଜମି କିଣି ପାରିବେ ନାହିଁ।

ସିକିମରେ କେବଳ ସିକିମର ବାସିନ୍ଦାଙ୍କୁ ଜମି କିଣିବାକୁ ଅନୁମତି ରହିଛି। ଭାରତର ସମ୍ବିଧାନର ଧାରା ୩୭୧ଏଫ,ଯାହା ସିକିମକୁ ବିଶେଷ ମାନ୍ୟତା ଦେଇଥାଏ,ବାହାର ଲୋକଙ୍କୁ ଏଠାରେ ଭୂମି କିମ୍ବା ସମ୍ପତ୍ତିକିଣା ଉପରେ ପ୍ରତିବନ୍ଧକ ଜାରି କରିଥାଏ। ଏହି ରାଜ୍ୟରେ କେବଳ ଆଦିବାସୀ ହିଁ ଭୂମି ଏବଂ ସମ୍ପତ୍ତି କିଣି ପାରିବେ।

ଜାମ୍ମୁ କାଶ୍ମୀର ଭଳି ନାଗାଲାଣ୍ଡରେ ଏକ ବିଶେଷ ବ୍ୟବସ୍ଥା ରହିଛି। ୧୯୬୩ମସିହାରେ ରାଜ୍ୟ ହେବା ସହ ବିଶେଷ ଅଧିକାର ଭାବେ ଆର୍ଟିକଲ୍ ୩୭୧(ଏ)ର ସୁବିଧା ମିଳିଥିଲା। ଏଠାରେ ମଧ୍ୟ ଏପରି ଅନେକ ପ୍ରସଂଗରେ କେନ୍ଦ୍ର ସରକାର ହସ୍ତକ୍ଷେପ କରିପାରିବେ ନାହିଁ । ସେଗୁଡ଼ିକ ହେଲା ଧାର୍ମିକ ଏବଂ ସାମାଜିକ ବ୍ୟବସ୍ଥା, ନାଗା ସମ୍ପ୍ରଦାୟର ନିଜସ୍ବ ନିୟମ,ନାଗା ଆଇନ ଆଧାରରେ ସାଧାରଣ ଏବଂ ଫୌଜଦାରୀ ମାମଲାର ବିଚାର, ଜମିର ମାଲିକାନା ଏବଂ କିଣାବିକା।

   Related Posts