Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ନଖରା ସ୍ଥିତ ରିଲାଏନ୍ସ ପେଟ୍ରୋଲ ପମ୍ପ୍ ନିକଟ‌ରେ ଅଗ୍ନିକାଣ୍ଡ
  • ||
  • ରାଉରକେଲା : ଭାରସାମ୍ୟ ହରାଇ ଘାଟିରେ ଓଲଟିଲା ବରଯାତ୍ରୀ ବସ୍, ଦୁଇ ଜଣଙ୍କ ମୃତ୍ୟୁ
  • ||
  • ବଲାଙ୍ଗୀର : ନିଜ ସର୍ଭିସ୍ ବନ୍ଧୁକରୁ ଗୁଳି ଫୁଟାଇ ଆତ୍ମହତ୍ୟା କଲେ ଯବାନ !
  • ||
  • ଟାଙ୍ଗୀ : ମାନସିକ ପୂରଣ ପାଇଁ ବେକ କାଟିଦେଲେ ଭକ୍ତ, ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୧୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୮୯ କୋଭିଡ୍ ପଜିଟିଭ୍, ୩୩୬୯୨୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ତେଲକୋଇ : କାଞ୍ଜିପାଣି ଘାଟିରେ ଓଲଟିଲା ବରଯାତ୍ରୀ ବସ୍, ଜଣେ ମୃତ, ୨୬ ଆହତ
  • ||
  • ମୁମ୍ବାଇ : ଭୟଙ୍କର ହେଲାଣି କରୋନା, ସ୍କୁଲ ହଷ୍ଟେଲର ୧୯୦ ଛାତ୍ର କୋଭିଡ୍ ପଜିଟିଭ୍
  • ||
  • ରାୟପୁର : ନକ୍ସଲଙ୍କ ଲ୍ୟାଣ୍ଡମାଇନ ବିସ୍ଫୋରଣ, ୨ ଯବାନ ସହିଦ
  • ||
  • ଆଠଗଡ଼ : ସମ୍ପର୍କରେ କଳଙ୍କ ଛିଟା, ଦିବ୍ୟାଙ୍ଗ ଝିଅକୁ ସମ୍ପର୍କୀୟ ମାମୁର ଦୁଷ୍କର୍ମ ! ଥାନାରେ ଏତଲା
  • ||

ୟେସ୍ ବ୍ୟାଙ୍କର ପୂର୍ବତନ ଭାଇସ ପ୍ରେସିଡେଣ୍ଟ୍ ଧିରଜ ଅଲଓ୍ୱାଟଙ୍କ ମୃତ୍ୟୁର ତଦନ୍ତ ହାତକୁ ନେଲା ସିବିଆଇ, ଗତ ଅଗଷ୍ଟରେ ନିଖୋଜ ପରେ ମିଳିଥିଲା ଧିରଜଙ୍କ ମୃତଦେହ

23/01/2021 at 1:45 PM

ଚଣ୍ଡିଗଡ, ୨୩।୦୧ :   କେନ୍ଦ୍ରୀୟ ତଦନ୍ତକାରୀ ସଂସ୍ଥା ବା ସିବିଆଇ ୟେସ୍ ବ୍ୟାଙ୍କର ପୂର୍ବତନ ଭାଇସ ପ୍ରେସିଡେଣ୍ଟ୍ ବା ଉପସଭାପତି ଧିରଜ ଅଲଓ୍ୱାଟଙ୍କ ହତ୍ୟା ମାମଲା ହାତକୁ ନେଇଛି । ପୂର୍ବରୁ ଏହି ମାମଲାର ତଦନ୍ତ ହରିୟାଣା ପୋଲିସ କରୁଥିଲା । ଧିରଜ ୫ ମାସ ପୂର୍ବରୁ ଗୁରୁଗ୍ରାମରେ ଥିବା ନିଜ ଘରୁ ନିଖୋଜ ହୋଇଯାଇଥିଲେ । ୨ ଦିନ ପରେ ତାଙ୍କ ମୃତଦେହ ଉଦ୍ଧାର ହୋଇଥିଲା ।

ଧିରଜ ଗୁରୁଗ୍ରାମର ସେକ୍ଚର ୪୬ରେ ରହୁଥିଲେ । ୩୮ ବର୍ଷୀୟ ଧିରଜ ଗତ ବର୍ଷ ଅଗଷ୍ଟ ୫ ତାରିଖରେ ଘରୁ ବାହାରକୁ ଯାଉ ଆଉ ଫେରିନଥିଲେ । ୨ଦିନ ପରେ ରୋହିଣୀ ଅଞ୍ଚଳରେ ତାଙ୍କର ମୃତଦେହ ଠାବ ହୋଇଥିଲା । ପରିବାର ଲୋକେ ହତ୍ୟା ଅଭିଯୋଗ ଆଣିଥିଲେ । ଧିରଜ ୟେସ୍ ବ୍ୟାଙ୍କର କର୍ପୋରେଟ ବିଭାଗର ଉପ ସଭାପତି ଭାବେ କାମ କରୁଥିଲେ । ପରିବାର ଲୋକେ ତାଙ୍କ ହାତରେ ବନ୍ଧାଥିବା ରାକ୍ଷୀରୁ ହିଁ ତାଙ୍କୁ ଚିହ୍ନିଥିଲେ ।

ହରିୟାଣା ପୋଲିସ ମାମଲାର ତଦନ୍ତ କରୁଥିଲା । କିନ୍ତୁ ତଦନ୍ତରେ କୌଣସି ଅଗ୍ରଗତି ଦେଖିବାକୁ ମିଳିନଥିଲା । ପରିବାର ଲୋକେ ଏଥିପାଇଁ ମୁଖ୍ୟମନ୍ତ୍ରୀ ମନୋହରଲାଲ ଖଟ୍ଟରଙ୍କୁ ଭେଟିଥିଲେ । ଏହାସହ ସିବିଆଇ ତଦନ୍ତ ପାଇଁ ଅନୁରୋଧ କରିଥିଲେ ।

ହରିୟାଣା ସରକାର ଅକ୍ଟୋବର ୧୭ରେ ମାମଲାର ତଦନ୍ତ ପାଇଁ ସିବିଆଇକୁ ସୁପାରିଶ କରିଥିଲେ । ଏହି ସୁପାରିଶକୁ ଜାନୁଆରୀ ୬ ତାରିଖରେ ମଞ୍ଜୁରି ମିଳିଥିଲା । ସିବିଆଇ ଏବେ ତଦନ୍ତ ଆରମ୍ଭ କରିଛି ।

   Related Posts