ଭୁବନେଶ୍ବର ୧୦।୧: ସାରା ରାଜ୍ୟରେ ଜାରି ରହିଛି ଶୀତ ଲହରି । କୋହଲା ପାଗ ସାଙ୍ଗକୁ କିଛି କିଛି ସ୍ଥାନରେ ଝିପ ଝିପ ବର୍ଷା ଲାଗି ରହିଛି । ୧୩ଟି ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ । ତେବେ ଆସନ୍ତାକାଲିଠାରୁ ବର୍ଷା କମିବା ସହ ପାଗରେ ପାଗରେ ପରିବର୍ତ୍ତନ ହୋଇପାରେ । ବିଭିନ୍ନ ସ୍ଥାନରେ କୁହୁଡି ଦେଖାଯିବା ସହ ଥଣ୍ଡା ବଢିବ ।
କେନ୍ଦୁଝରରେ ୧୨.୬ ମିଲିମିଟର ବର୍ଷା ରେକର୍ଡ କରାଯାଇଛି । ସେହିଭଳି ବାରିପଦାରେ ୮.୬, ସମ୍ବଲପୁରରେ ୩.୮ ମିମି ବର୍ଷା ରେକର୍ଡ କରାଯାଇଛି । ସୁନ୍ଦରଗଡରେ ସର୍ବନିମ୍ନ ତାପମାତ୍ରା ୧୦.୫ ଡିଗ୍ରୀ ସେଲସିୟସ ରେକର୍ଡ କରାଯାଇଛି । କେନ୍ଦୁଝର, ବାରିପଦା, ଭବାନୀପାଟଣା, ପାରାଦୀପରେ କୁହୁଡି ପରିଲକ୍ଷିତ ହୋଇଛି ।
