Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ‘ଡୋମିନସ୍ ଇଣ୍ଡିଆ’ ଉପରେ ସାଇବର୍ ଆଟାକ୍, ବିପଦରେ ୧୦ ଲକ୍ଷ କ୍ରେଡିଟ୍ କାର୍ଡ ଡାଟା
  • ||
  • ପିପିଲି ଉପନିର୍ବାଚନ : ପ୍ରକାଶ ପାଇଲା ସାନି ବିଜ୍ଞପ୍ତି, ମେ ୧୩ରେ ମତଦାନ
  • ||
  • ମାଲକାନଗିରି : ରକ୍ତ ମୁଖା ଲାଲ୍‌ବାହିନୀ , ପୋଲିସ ଇନଫର୍ମର ସନ୍ଦେହରେ ୨ଛାତ୍ରଙ୍କୁ ଗଳାକାଟି ହତ୍ୟା
  • ||
  • କରୋନା ଭୟରେ କଠୋର ହେଲା ହଂକଂ: ଭାରତକୁ ବିମାନ ଚଳାଚଳ ବନ୍ଦ, ୩ ମେ ଯାଏଁ ଲାଗିଲା କଟକଣା
  • ||
  • କଳାହାଣ୍ଡି : ନଳକୂପ ଅଛି ହେଲେ ପାଣି ବାହାରୁନି, ପାନୀୟ ଜଳ ଯୋଗାଣ ଦାବିରେ ସରପଞ୍ଚ, ପଞ୍ଚାୟତ ଓ ବ୍ଲକ୍ ଯନ୍ତ୍ରୀଙ୍କୁ ଅଟକ ରଖିଲେ ଗ୍ରାମବାସୀ
  • ||
  • କଳାହାଣ୍ଡି : ଲଡୁଗାଁରେ ବଢିଲା ସଟ୍ ଡାଉନ୍ ଅବଧି, ଆଉ ୪ଦିନ ରହିବ ବଳବତ୍ତର
  • ||
  • ରାଜ୍ୟରେ ୪ହଜାର ଟପିଲା କରୋନା ସଂକ୍ରମଣ, ୨୪ ଘଣ୍ଟାରେ ୪୪୪୫ ପଜିଟିଭ୍ ଚିହ୍ନଟ
  • ||
  • କରୋନା ନେଲା ଜୀବନ: ପରଲୋକରେ ଜେଡିୟୁ ବିଧାୟକ ମେଓ୍ୱାଲାଲ ଚୌଧୁରୀ
  • ||
  • ଆଜିଠୁ ଶ୍ରୀମନ୍ଦିରରେ ନୂଆ SOP ଲାଗୁ, ରାଜ୍ୟ ବାହାରର ଦର୍ଶନାର୍ଥୀଙ୍କ ପାଇଁ କୋଭିଡ୍ ନେଗେଟିଭ ରିପୋର୍ଟ ବାଧ୍ୟତାମୂଳକ
  • ||
  • ଚଣ୍ଡିଖୋଲ : ଟ୍ରେନ୍ ଲାଇନ୍‌ରୁ ମିଳିଲା ମୃତଦେହ, ନିକଟରେ ପଡିଛି ଏକ ସାଇକେଲ
  • ||

ବିଧାନସଭା ନିର୍ବାଚନ ପୂର୍ବରୁ ରାଜସ୍ଥାନରେ ବିଜେପିକୁ ବଡ ଝଟକା: ମାନବେନ୍ଦ୍ର ସିଂ ସପରିବାର କଂଗ୍ରେସ ମୁହାଁ

17/10/2018 at 12:05 PM

ନୂଆଦିଲ୍ଲୀ ୧୭|୧୦: ରାଜସ୍ଥାନ ବିଧାନସଭା ନିର୍ବାଚନ ପୂର୍ବରୁ ବିଜେପିକୁ ବଡ ଧରଣର ଝଟକା ଲାଗିଛି । ବିଜେପିର ସଂସ୍ଥାପକ ସଦସ୍ୟ ତଥା ପୂର୍ବତନ ବୈଦେଶିକ ମନ୍ତ୍ରୀ ଯଶବନ୍ତ ସିଂଙ୍କ ପରିବାର କଂଗ୍ରେସରେ ଯୋଗଦେବାକୁ ଯାଉଛନ୍ତି | ଯଶବନ୍ତ ସିଂଙ୍କ ପୁଅ ମାନବେନ୍ଦ୍ର ସିଂ ଏହି ସୂଚନା ଦେଇଛନ୍ତି |

ଆଜି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ଉପସ୍ଥିତିରେ ଦିଲ୍ଲୀରେ ମାନବେନ୍ଦ୍ର ସିଂ, ତାଙ୍କ ପତ୍ନୀ ଚିତ୍ରା ସିଂ, ଜୀବନ୍ତ ସିଂଙ୍କ ଅନ୍ୟ ପୁଅ ଭୁପେନ୍ଦ୍ର ସିଂ ଏବଂ ଯଶବନ୍ତ ସିଂଙ୍କ ପତ୍ନୀ ଶୀତଲ କବର ପ୍ରମୁଖ ଆଜି କଂଗ୍ରେସରେ ଯୋଗଦେବେ | ଏହି ଅବସରରେ କଂଗ୍ରେସର ମହାସଚିବ ଅଶୋକ ଗେହଲଟ ଏବଂ ରାଜସ୍ଥାନ ପ୍ରଦେଶ କଂଗ୍ରେସର ଅଧ୍ୟକ୍ଷ ସଚିନ ପାଇଲଟ ମଧ୍ୟ ଉପସ୍ଥିତ ରହିବେ |

ସୂଚନାଯୋଗ୍ୟ ଯେ, ଗତମାସରେ ବାଡ଼ମେରରେ ହୋଇଥିବା ସ୍ୱାଭିମାନ ରାଲିରେ ମାନବେନ୍ଦ୍ର ସିଂ କହିଥିଲେ ‘ ଏକ ହି ଭୁଲ କମଲ କା ଫୁଲ’ ନର ଦେଇ ବିଜେପି ଛାଡିଥିଲେ | ସେବେଠାରୁ ଆଶଙ୍କା କରାଯାଉଥିଲା ଯେ, ମାନବେନ୍ଦ୍ର ସିଂ କଂଗ୍ରେସରେ ସାମିଲ ହୋଇପାରନ୍ତି | କିନ୍ତୁ ଏବେ ସେ ନିଜେ ଏହା ସୂଚନା ଦେଇଛନ୍ତି ଯେ ତାଙ୍କର ପୁରା ପରିବାର କଂଗ୍ରେସରେ ସାମିଲ ହେବାକୁ ଯାଉଛନ୍ତି |

ବାଡ଼ମେରର କଂଗ୍ରେସ ନେତାମାନେ ମଧ୍ୟ ତାଙ୍କର ଏହି ପଦକ୍ଷେପକୁ ସ୍ୱାଗତ କରିଛନ୍ତି | ତେବେ କଂଗ୍ରେସ ସଚିବ ହରିଶ ଚୌଧୁରୀ କହିଛନ୍ତି ଯେ, ମାନବେନ୍ଦ୍ର କଂଗ୍ରେସରେ ସାମିଲ ହେଲେ ଦଳ ଆହୁରି ମଜବୁତ ହେବ |

ଶୁଣିବାକୁ ମିଳୁଛି ଯେ, କଂଗ୍ରେସ ଅଭିମାନ କରିଥିବା ରାଜପୁତମାନଙ୍କୁ କଂଗ୍ରେସ ଦଳରେ ସାମିଲ କରେଇବା ପାଇଁ ଚେଷ୍ଟା ଚଳେଇଛି | ବିଜେପି ମଧ୍ୟ ପଛରେ ନାହିଁ | ପାରମ୍ପରିକ ଭୋଟର ଜାଠ୍‌ମାନଙ୍କୁ ନିଜ ପକ୍ଷକୁ ଆଣିବା ପାଇଁ ବିଜେପି ମଧ୍ୟ ଚେଷ୍ଟା କରୁଛି | ଏପଟେ କଂଗ୍ରେସ ମଧ୍ୟ ନିଜ ଜାଠ୍‌ ନେତାମାନଙ୍କୁ ଭରସା ଯୁଟାଇ ରାଜପତମାନଙ୍କୁ ନିଜ ଦଳରେ ସାମିଲ କରେଇବା ପାଇଁ ରାଜନୀତି ଚଳେଇଛି |

ଯଶବନ୍ତ ସିଂ ପୂର୍ବରୁ ବାଡ଼ମେର ଲୋକସଭା ସାଂସଦ ଥିଲେ | ତେବେ ଗତଥର ବିଜେପି ତାଙ୍କୁ ଟିକେଟ ନଦେବାରୁ ସେ ନିଜ ଦଳ ତରଫରୁ ନିର୍ବାଚନ ଲଢ଼ିଥିଲେ | କିନ୍ତୁ ତାଙ୍କୁ ସଫଳତା ମିଳିନଥିଲା | ସେ ନିର୍ବାଚନରେ ହାରିଯାଇଥିଲେ |

ଗତ ୫ ବର୍ଷ ହେଲା ରାଜସ୍ଥାନରେ ବିଜେପି ସରକାର ଶାସନ କରୁଛି | ବସୁନ୍ଧରା ରାଜେ ସିନ୍ଧିଆ ଗତ ୨୦୧୩ ମସିହା ଡିସେମ୍ବର ୧୩ ତାରିଖରୁ ରାଜସ୍ଥାନର ମୁଖ୍ୟମନ୍ତ୍ରୀ ଅଛନ୍ତି | ତେବେ ନିର୍ବାଚନ କମିଶନ ରାଜସ୍ଥାନର ନିର୍ବାଚନ ତାରିଖ ଘୋଷଣା କରିଛନ୍ତି | ୨୦୧୮ ମସିହା ନଭେମ୍ବର ୧୯ ତାରିଖରେ ରାଜସ୍ଥାନରେ ବିଧାନସଭା ନିର୍ବାଚନ ହେବ ଏବଂ ଭୋଟ ଗଣତି ଡିସେମ୍ବର ୧୧ ତାରିଖରେ ହେବ ବୋଲି ନିର୍ବାଚନ କମିଶନ ଘୋଷଣା କରିଥିଲେ | ତେବେ ଆସନ୍ତା ରାଜସ୍ଥାନ ନିର୍ବାଚନରେ ବିଜେପି ଓ କଂଗ୍ରେସ ମଧ୍ୟରେ କଡା ଟକ୍କର ହେବାକୁ ଯାଉଛି | ତେବେ ଦେଖିବାକୁ ବାକି ରହିଲା ଗତ ୫ ବର୍ଷ ଧରି ରାଜସ୍ଥାନରେ ରାଜତ୍ୱ କରୁଥିବା ବିଜେପି ବିଜୟୀ ହେବ ନା ବିଜୟୀ ଆଶା ରଖିଥିବା କଂଗ୍ରେସ |

   Related Posts