Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୧୪କୁ ବୃଦ୍ଧି
  • ||
  • ରାଜ୍ୟରେ ୯ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୮୪୫ କୋଭିଡ୍ ପଜିଟିଭ୍, ୧୧୯୬୧୪୦ରେ ପହଞ୍ଚିଲା ସଂଖ୍ୟା
  • ||
  • ଭୁବନେଶ୍ବର : ଓଭରବ୍ରିଜ୍‌ରୁ ୩୦ଫୁଟ ତଳକୁ ଖସିଲା କାର୍, ଦୁର୍ଘଟଣାରେ ଗାଡି ଭାଙ୍ଗିରୁଜି ଚୁରମାର୍
  • ||
  • ଶନିବାର ଏହି ସବୁ ଜିଲ୍ଲାରେ ବର୍ଷା : ବଢିବ ତାପମାତ୍ରା, କମିବ ଶୀତ
  • ||
  • ଭୟଙ୍କର ଦୁର୍ଘଟଣା : ମହାନଦୀ ପୋଲରେ ବୋଲେରୋକୁ ପିଟିଲା ଟ୍ରକ୍, ୫ ମୃତ
  • ||

ଚୀନ୍‌କୁ ପୁଣି ଫେରିଲା କରୋନା, ୫୩ ନୂଆ ମାମଲା ପରେ ୧୧ ଆବାସିକ ଅଞ୍ଚଳ, ୯ ସ୍କୁଲ ଲକଡାଉନ୍

14/06/2020 at 2:22 PM

ବେଜିଂ ୧୪।୬:  ଚୀନ୍‌ ଉପରେ ପୁଣି ଘନେଇଛି କରୋନା ଭାଇରସ ବିପଦ । ୫୬ ନୂଆ ସଂକ୍ରମିତ ଚିହ୍ନଟ ହେବା ପରେ ସ୍ୱାସ୍ଥ୍ୟ ବିଭାଗ ସତର୍କ ହୋଇଯାଇଛନ୍ତି। ସେପଟେ କରୋନା ଭାଇରସ୍ ଦ୍ୱିତୀୟ ଲହରକୁ ନେଇ ଦେଶରେ ଆତଙ୍କ ଖେଳିଯାଇଛି।  ସଂକ୍ରମଣ ବୃଦ୍ଧିକୁ ନଜରରେ ରଖି ରାଜଧାନୀର ପ୍ରମୁଖ ସି ଫୁଡ, ଫଳ ଓ ପନିପରିବା ବଜାର ସିନଫଡି ମାର୍କେଟ୍‌କୁ ବନ୍ଦ କରାଯାଇଛି। ଅଧିକାଂଶ ସଂକ୍ରମିତ ଏହି ବଜାରରେ କାମ କରନ୍ତି ନଚେତ ବଜାରକୁ କିଣାକିଣି ଲାଗି ଆସି ସଂକ୍ରମିତ ହୋଇଥିବା ପ୍ରାଥମିକ ଅନୁସନ୍ଧାନରୁ ଜଣାପଡିଥିଲା।

ମିଳିଥିବା ସୂଚନା ଅନୁସାରେ କୋଭିଡ-୧୯ ସଂକ୍ରମଣର ପୁଣି ସୂଚନା ପରେ ସରକାର ବଜାରକୁ ଅସ୍ଥାୟୀ ଭାବେ ବନ୍ଦ କରିଦେଇଥିବା ବେଳେ ଅନ୍ୟ ୫ଟି ବଜାରକୁ ଆଂଶିକ ଅଥବା ସମ୍ପୂର୍ଣ୍ଣ ବନ୍ଦ ଘୋଷଣା କରିଛନ୍ତି। ଏହା ଛଡା ଏହି ସବୁ ବଜାର ଅଞ୍ଚଳକୁ ଲାଗି ରହିଥିବା ଆବାସିୟ କ୍ଷେତ୍ର ଓ ବିଦ୍ୟାଳୟ ଲକଡାଉନ୍ କରିଦିଆଯାଇଛି। ଫଳରେ ୧୧ଟି ଆବାସୀୟ ଅଞ୍ଚଳ ଓ ୯ଟି ସ୍କୁଲ ଲକଡାଉନ୍‌ ହୋଇଯାଇଛି।

ବେଜିଂର ସିନଫଡି ସି ଫୁଡ୍ ମାର୍କେଟ୍ ୧୧୨ ହେକ୍ଟର ଅଞ୍ଚଳ ଉପରେ ବ୍ୟାପ୍ତ ରହିଛି ଓ ଏଠାରେ ୧୫ଶହ ପରିଚାଳକଙ୍କ ସମେତ ଅନୁନ୍ୟ ୫ହଜାର ଲୋକେ କାମ କରନ୍ତି। ସାଲମନ ମାଛରୁ ଏଠାରେ କରୋନା ଭାଇରସ୍ ବ୍ୟାପୁଥିବାର ଲୋକେ ଆଶଙ୍କା କରୁଛନ୍ତି। ଏଣୁ ନୂଆ ସଂକ୍ରମଣ ନେଇ ପ୍ରଚାରିତ ହେବା ପରେ ମୁଖ୍ୟ ସୁପରମାର୍କେଟ୍‌ରେ ମାଛ ବିକ୍ରି ବନ୍ଦ ହୋଇଯାଇଛି। ସେହିପରି ବଜାରରେ ବ୍ୟବସାୟ ଓ କାମ କରୁଥିବା ଲୋକଙ୍କ ଯାଞ୍ଚ ଆରମ୍ଭ କରିଦିଆଯାଇଛି।

କିଛି ସମୟ ପୂର୍ବରୁ କରୋନା ଭାଇରସ୍ ସଂକ୍ରମଣକୁ  ସଫଳ ଆୟତ୍ତ କରିଥିବାର ଚୀନ ଦାବି କରିବା ସହ ବାଣିଜ୍ୟ ବ୍ୟବସାୟ ସ୍ୱଭାବିକ ହୋଇଥିଲା। ତେବେ ଏହି ଘୋଷଣାର ମାତ୍ରକିଛି ସପ୍ତାହ ପରେ ପୁଣି କରୋନା ସଂକ୍ରମଣ ବଢିବା ଚିନ୍ତାର କାରଣ ପାଲଟିଛି। ଚୀନରେ ଭୂତାଣୁସଂକ୍ରମଣ ଯୋଗୁ ୮୪ ହଜାର ଲୋକେ ସଂକ୍ରମିତ ହୋଇଥିବା ବେଳେ ୪ ହଜାର ୬୩୮ ଜଣଙ୍କର ମୃତ୍ୟୁ ହୋଇଥିଲା ବୋଲି ଚୀନ ଦାବି କରିଥିଲା।

   Related Posts