ନୂଆଦିଲ୍ଲୀ ୦୧/୦୧: ଚୀନ ମୋବାଇଲ୍ ଫୋନ୍ ନିର୍ମାତା ସାଓମି ପୁଣି ଏକ ରେକର୍ଡ କରିଛି। ସାଓମିର ଏକ ମଡେଲ କେବଳ ୫ ମିନିଟ୍ରେ ସବୁ ରେକର୍ଡ ଭାଙ୍ଗିଛି। ସାଓମିର ଏମଆଇ ୧୧ର ଶୁକ୍ରବାର ସେଲ୍ ଆରମ୍ଭ ହୋଇଛି। ସେଲ୍ ଆରମ୍ଭ ହେବାର ୫ ମନିଟ୍ରେ ସାଢ଼େ ୩ ଲକ୍ଷ ଏହି ସ୍ମାର୍ଟଫୋନ୍ ବିକ୍ରି ହୋଇଛି। ଏହାଦ୍ବାରା କମ୍ପାନୀ ଆଜି ୧୬୭୭ କୋଟି ଟଙ୍କା ବ୍ୟବସାୟ କରିଛି।
ଥୋମର ରିପୋର୍ଟ ଅନୁସାରେ କେବଳ ୫ ମିନିଟ୍ରେ ୩,୫୦,୦୦୦ ଏମଆଇ ୧୧ ବିକ୍ରି ହୋଇଛି। ଏହା ସହ ବିକ୍ରି ପୂର୍ବରୁ ଏମଆଇ ୧୧ ପାଇଁ ୭ ଘଣ୍ଟା ମଧ୍ୟରେ ୮୫୪,୦୦୦ ୟୁନିଟସ୍ ପାଇଁ ଅର୍ଡର ମିଳିଥିବା ଜଣାପଡ଼ିଛି।
ଏମଆଇ ୧୧ ସାଓମିର ପ୍ରଥମ ସ୍ନାପଡ୍ରାଗନ ୮୮୮ ପ୍ରୋସେସର ବିଶିଷ୍ଟ ଫୋନ୍। ଏଥିରେ ସବୁଠୁ ଆଡଭାନ୍ସ ଡିସ୍ପ୍ଲେ ରହିଛି। ଫଟୋ ଓ ଭିଡିଓ ପାଇଁ ଏହାର ୩ଣି ରିୟର କ୍ୟାମେରା ରହିଛି। ଏମଆଇ ୧୧ର ପ୍ରାଇମେରି କ୍ୟାମେରା ୧୦୮ ମେଗାପିକ୍ସଲ ଥିବା ବେଳେ ଏଥିରେ ଓଆଇଏସ୍ ଟେକ୍ନୋଲୋଜିର ବ୍ୟବହାର ହୋଇଛି।
