Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

ଲକଡାଉନ୍ ହଟିବା ପରେ ବୁହାନରେ ଅନ୍ତିମ ସଂସ୍କାର ପାଇଁ ଲମ୍ବା ଲାଇନ: ଶେଷ ସମୟରେ ସମ୍ପର୍କୀୟଙ୍କ ମୁହଁ ମଧ୍ୟ ଦେଖିନାହାଁନ୍ତି ଅଧିକାଂଶ ବ୍ୟକ୍ତି

12/04/2020 at 1:41 PM

ବେଜିଂ, ୧୨|୦୪:  ଚାଇନାର ବୁହାନ ସହରରେ କରୋନା ସଂକ୍ରମଣ ରୋକିବା ପାଇଁ ଲାଗୁ ହୋଇଥିବା ଲକଡାଉନ୍ ୭୬ ଦିନ ପରେ ଉଠିଛି । ବଜାର ଘାଟ ସାଧାରଣ ଅବସ୍ଥାକୁ ଫେରିବାକୁ ଲାଗିଛି । ରାସ୍ତାଘାଟରେ ମଧ୍ୟ ଲୋକଙ୍କ ଚଳପ୍ରଚଳ ବୃଦ୍ଧି ପାଇଛି । ଚୀନର ସରକାରୀ ତଥ୍ୟାନୁସାରେ, ବୁହାନରେ ୨୬୦୦ ଜଣ କରୋନା ସଂକ୍ରମିତ ପ୍ରାଣ ହରାଇଛନ୍ତି । ଏବେ ଲକଡାଉନ ପରେ ସହରରେ ଅନ୍ତିମ ସଂସ୍କାର ପାଇଁ ଲୋକଙ୍କ ଲମ୍ବା ଲାଇନ୍ ଦେଖିବାକୁ ମିଳୁଛି ।

ସିଏନଏନର ରିପୋର୍ଟ ଅନୁସାରେ, କବରସ୍ଥାନ ବାହାରେ ଲୋକଙ୍କ ଲମ୍ବା ଲାଇନ୍ ଦେଖିବାକୁ ମିଳିଛି । ଝାଙ୍ଗ୍ ହେଇ କହିଛନ୍ତି ଯେ, ଲକଡାଉନ୍ ପରେ ସେ ଗାଡି ବାହାର କରି ନିଜ ବୃଦ୍ଧ ପିତାଙ୍କ ଅନ୍ତିମ ସଂସ୍କାର କରିବାକୁ ୫୦୦ କିମି ଗାଡି ଚଳାଇ ବୁହାନରେ ପହଁଚିଥିଲେ । ଝାଙ୍ଗଙ୍କ ପିତା ୭୬ ବର୍ଷରେ ପ୍ରାଣ ହରାଇଥିଲେ । କିନ୍ତୁ ଲକଡାଉନ୍ ପାଇଁ ସେ ଅନ୍ତିମ ସଂସ୍କାର କରିପାରି ନଥିଲେ ।

ବୁହାନ ସହରର ଏକ ଫ୍ୟୁନେରାଲ ହୋମ ଜରିଆରେ ମୃତକଙ୍କ ଶରୀର ପରିବାର ଲୋକଙ୍କୁ ପ୍ରଦାନ କରାଯାଉଛି । ବୁହାନ ସରକାର ଜାନୁଆରୀ ୨୫ରୁ ସହରର ସମସ୍ତ ଅନ୍ତିମ ସଂସ୍କାର ଉପରେ ପ୍ରତିବନ୍ଧକ ଲଗାଇଥିଲା । ସେବେଠାରୁ ଏବେସୁଦ୍ଧା ସମସ୍ତ ଲୋକ କରୋନା ଭାଇରସ ପାଇଁ ପ୍ରାଣ ହରାଇଛନ୍ତି । ଏବେ ସେମାନଙ୍କ ଅନ୍ତିମ ସଂସ୍କାର ପାଇଁ ଲାଇନ୍ ଲାଗିଛି । ଏପରି ଅନେକ ବ୍ୟକ୍ତି ଅଛନ୍ତି ଯେଉଁମାନେ ସମ୍ପର୍କୀୟଙ୍କୁ ଶେଷ ଦେଖା ନକରି ପ୍ରାଣ ହରାଇଛନ୍ତି । ସଂକ୍ରମଣ ଭୟରେ ମୃତଦେହକୁ ମଧ୍ୟ ଜଗିରଖି ଅନ୍ତିମ ସଂସ୍କାର କରାଯାଉଛି । ଅଧିକାଂଶ ଲୋକ ସକାଳେ ହିଁ ଅନ୍ତିମ ସଂସ୍କାର କରୁଛନ୍ତି ।

   Related Posts