ସାଉଥମ୍ପଟନ ୧୮।୦୬: କ୍ରିକେଟ୍ ପ୍ରେମୀଙ୍କ ପାଇଁ ନିରାଶଜନକ ଖବର। ଲଗାଣ ବର୍ଷା କାରଣରୁ ସାଉଥମ୍ପଟନରେ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଖେଳାଯିବାକୁ ଥିବା ବିଶ୍ଵ ଟେଷ୍ଟ ଚମ୍ପିଆନସିପ ଫାଇନାଲ୍ ମୁକାବିଲାର ପ୍ରଥମ ଦିନର ଖେଳ ଧୋଇ ହୋଇ ଯାଇଛି। ବର୍ଷା ଯୋଗୁଁ ପ୍ରଥମ ଦିନର ଖେଳ ବାତିଲ୍ କରାଯାଇଛି। ଏପରିକି ଟସ୍ ମଧ୍ୟ ପଡି ପାରି ନାହିଁ। ଅମ୍ପାୟର ଭାରତୀୟ ସମୟ ଅନୁସାରେ ସନ୍ଧ୍ୟା ୭ଟା ୧୫ରେ ପଡିଆ ନିରୀକ୍ଷଣ କରିବା ପରେ ପ୍ରଥମ ଦିନର ଖେଳ ବାତିଲ୍ କରିବାକୁ ନିଷ୍ପତ୍ତି ନେଇଛନ୍ତି।
wp:html/wp:htmlUPDATE - Unfortunately, play on Day 1 has been called off due to rains. 10.30 AM local time start tomorrow.#WTC21
— BCCI (@BCCI) June 18, 2021
ମ୍ୟାଚ୍ର ଗୋଟିଏ ଦିନ ପୂର୍ବରୁ ସାଉଥମ୍ପଟନରେ କ୍ରମାଗତ ବର୍ଷା ଜାରି ରହିଛି। ଅବସ୍ଥାରେ ସୁଧାର ନଆସିବା ଏବଂ ଅଦା ଆଉଟ୍ ଫିଲ୍ଡ କାରଣରୁ ବାଧ୍ୟ ହୋଇ ଅମ୍ପାୟର ପ୍ରଥମ ଦିନର ଖେଳ ରଦ୍ଦ କରିବାକୁ ନିଷ୍ପତ୍ତି ନେଇଛନ୍ତି। ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ(ବିସିସିଆଇ) ଟ୍ଵିଟ୍ ଜରିଆରେ ଏହାର ସୂଚନା ଦେଇଛନ୍ତି। ମ୍ୟାଚ୍ ଆରମ୍ଭ ହେବା ପୂର୍ବରୁ ମଧ୍ୟ ସାଉଥମ୍ପଟନରେ ବର୍ଷା ଲାଗି ରହିଥିଲା। ଆସନ୍ତାକାଲି ଇଂଲଣ୍ଡ ସମୟ ସକାଳ ୧୦ଟା ୩୦ରେ ମ୍ୟାଚ୍ ଆରମ୍ଭ ହେବ।
wp:html/wp:htmlUPDATE - It has stopped raining and there will be an inspection at 3 PM local and 7.30 PM IST. #WTC21 pic.twitter.com/VzzuXxGPrF
— BCCI (@BCCI) June 18, 2021
କିନ୍ତୁ ଏଥିରେ କ୍ରିକେଟ୍ ପ୍ରେମୀଙ୍କୁ ଅଧିକ ନିରାଶ ହେବାର ଆବଶ୍ୟକତା ନାହିଁ। ବର୍ଷା କି ଅନ୍ୟ କାରଣ ପାଇଁ ଖେଳ ସମୟ ନଷ୍ଟ ହେଲେ ଏହାର ଭରଣା ପାଇଁ ଜୁନ ୨୩ ତାରିଖକୁ ରିଜର୍ଭ ଡେ ଭାବେ ରଖାଯାଇଛି। ଆଇସିସି ମଧ୍ୟ ସ୍ପଷ୍ଟ କରି ଦେଇଛି ଯେ, ସାଉଥମ୍ପଟନରେ ପ୍ରଥମ ଦିନରେ ବର୍ଷା ପରେ ଏବେ ଫାଇନାଲ ମ୍ୟାଚ୍ରେ ରିଜର୍ଭ ଡେର ବ୍ୟବହାର କରାଯିବ।
