ମାଲକାନଗିରି ୧।୧: ମାଲକାନଗିରି ଜିଲ୍ଲାପାଳଙ୍କ ସରକାରୀ କାର୍ଯ୍ୟାଳୟ ପାଚେରୀରେ ଲେଖାଯାଇଛି ଅପ୍ରୀତିକର କଥା । କେହି ଦୁର୍ବୃତ୍ତ ପିଏ ଦେବ ନାରାୟଣ ପଣ୍ଡାଙ୍କ ଆତ୍ମହତ୍ୟାକୁ ନେଇ ଏପରି ଲେଖିଥିବା ସନ୍ଦେହ କରାଯାଉଛି । ପିଏ ଦେବ ନାରାୟଣ ପଣ୍ଡାଙ୍କ ମୃତ୍ୟୁ ପାଇଁ ଜିଲ୍ଲାପାଳ ମନୀଷ ଅଗ୍ରୱାଲ ଦାୟୀ ବୋଲି କାନ୍ଥରେ ଲେଖାଯାଇଛି ।
{"id":205294,"sizeSlug":"large"}ଏହାସହ ଲେଖାଯାଇଛି, Corrupt Collector, Collector killed Panda, Collector killed PA, Why you do this to innocent, Shame on you, Manish Chor hey । ହେଲେ ନୂଆବର୍ଷରେ କିଏ ଓ କାହିଁକି ଏପରି ଲେଖିଛନ୍ତି ତାହା ଜଣାପଡିନାହିଁ । ମାଲକାନଗିରି ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
{"id":205295,"sizeSlug":"large"}ସୂଚନାଯୋଗ୍ୟ ଯେ, ମାଲକାନଗିରିଜିଲ୍ଲାପାଳଙ୍କ ପିଏ ଦେବ ନାରାୟଣ ପଣ୍ଡାଙ୍କ ମୃତଦେହ ସନ୍ଦେହଜନକ ଅବସ୍ଥାରେ ସହର ଉପକଣ୍ଠ ସତୀଗୁଡା ଡ୍ୟାମ୍ରୁ ଉଦ୍ଧାର ହୋଇଥିଲା । ଗତ ଶୁକ୍ରବାରଠାରୁ ଦେବ ନାରାୟଣ ନିଖୋଜ ଥିବାବେଳେ ଏନେଇ ପରିବାର ପକ୍ଷରୁ ମାଲକାନଗିରି ଥାନାରେ ଅଭିଯୋଗ ହୋଇଥିଲା। ସକାଳେ ଅଫିସ ଯାଇଥିଲେ । ମଧ୍ୟାହ୍ନରେ ଖାଇବାକୁ ଘରକୁ ଆସିଲେ । ତା’ ପରେ ଅଫିସ୍ ଯାଇ ଆଉ ଫେରିନଥିଲେ ଦେବ ନାରାୟଣ । ଶନିବାର ସକାଳେ ଡ୍ୟାମ୍ ପାଖରେ ଦେବ ନାରାୟଣଙ୍କ ମୋଟର ସାଇକେଲ ଓ ହେଲମେଟ୍ ପଡିଥିବାର ଦେଖିବାକୁ ମିଳିଥିଲା । ତେବେ ସେ କିଛି ଦିନ ହେଲା ମାନସିକ ଚାପରେ ଥିବା ପରିବାର ଲୋକ କହିଥିଲେ ।
{"id":205296,"sizeSlug":"large"}ସେପଟେ ଅଫିସ୍ କାମକୁ ନେଇ କିଛି ଦିନ ହେଲା ଦେବ ନାରାୟଣ ଚାପରେ ଥିବା ପରିବାର ଲୋକେ ଅଭିଯୋଗ କରିଥିଲେ । ଜିଲ୍ଲାପାଳଙ୍କ ବିନା ଅନୁମତିରେ ଅଫିସ ଗାଡି ନେଇଥିବାରୁ ତାଙ୍କୁ ସୋ-କଜ୍ ମଗାଯାଇଥିବା ଜଣାପଡିଥିଲା । ତେବେ ଦେବ ନାରାୟଣ ବେଶ୍ ଶାନ୍ତ ସ୍ବଭାବର ହୋଇଥିବାରୁ ସେ କେବେ ଆତ୍ମହତ୍ୟା କରିନଥାଇପାରନ୍ତି ବୋଲି ସହକର୍ମୀ ଅନୁମାନ କରୁଥିଲେ ।