Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲିଫ୍ଟ ମାଗି ଯାଉଥିଲେ ଘରକୁ, ଦୁର୍ଘଟଣାରେ ମା’ପୁଅ ସମେତ ୪ ଜଣଙ୍କ ମୃତ୍ୟୁ
  • ||
  • ଦେଶରେ ତଳମୁହାଁ କରୋନା ଗ୍ରାଫ୍: ଓଡ଼ିଶାରେ ମଧ୍ୟ ହ୍ରାସ ପାଇଛି ସଂକ୍ରମଣ
  • ||
  • ସ୍କୁଲ ଫି’ ଛାଡ଼ ମାମଲା: ସପ୍ତାହେ ଭିତରେ ରିପୋର୍ଟ ଦେବାକୁ ହାଇକୋର୍ଟଙ୍କ ନିର୍ଦ୍ଦେଶ
  • ||
  • ଦୁର୍ବଳ ହେଉଛି ଭାରତୀୟ ଆଖି
  • ||
  • ପୁରୀ : ସ୍ବର୍ଗଦ୍ବାରରୁ ହଟିଲା କଟକଣା, ଏଣିକି ଅନ୍ୟ ଜିଲ୍ଲାର ଶବ ହେବ ସତ୍କାର
  • ||
  • ଲଦାଖ: ଡେମଚୋକ୍‌ରେ ଭାରତୀୟ ସେନା ହାତରେ ଧରାପଡିଲେ ଚୀନ ସୈନିକ, ମିଳିଛି ଗୁରୁତ୍ଵପୂର୍ଣ୍ଣ ଦସ୍ତାବିଜ
  • ||
  • ଘରୋଇ କର୍ମଚାରୀଙ୍କ ପାଇଁ ବଡ ଖବର : ଦୀପାବଳି ପୂର୍ବରୁ ନୂଆ ପ୍ୟାକେଜ୍ ଘୋଷଣା କରିପାରନ୍ତି ସରକାର
  • ||
  • ଲୋକ ଭବନ ସମ୍ମୁଖରେ ଦୁଇ ଶିଶୁ ସହ ପତି-ପତ୍ନୀଙ୍କ ଆତ୍ମଦାହ ଉଦ୍ୟମ, ଉଦ୍ଧାର କଲା ପୋଲିସ
  • ||
  • ପୁଅ ଆସି ପଡୋଶୀଙ୍କୁ କହିଲା-ବାପା ଉଠୁନାହାନ୍ତି, ଦେଖିଲା ବେଳକୁ ଘରେ ପଡିଥିଲା ଦୁଇଟି ମୃତଦେହ
  • ||
  • ଗେହଲଟ୍ ସରକାରଙ୍କ ନିଷ୍ପତ୍ତି: ୧୩ ଅନ୍ତରାଷ୍ଟ୍ରୀୟ ଖେଳାଳିଙ୍କୁ ୨୫-୨୫ ଏକର ଜମି ଆବଣ୍ଟନ କରିବାକୁ ଘୋଷଣା
  • ||

ଆନ୍ଧ୍ର ମୁଖ୍ୟମନ୍ତ୍ରୀ ଜଗନ ରେଡ୍ଡୀଙ୍କ ଉପମୁଖ୍ୟମନ୍ତ୍ରୀ ନିଯୁକ୍ତିକୁ ନେଇ ଚର୍ଚ୍ଚା, ସବୁ ବର୍ଗଙ୍କୁ ଖୁସ କରିବାକୁ ଖେଳିଛନ୍ତି କାର୍ଡ : ଓଡିଶାରେ କ୍ଲିକ କରିବ କି ଆନ୍ଧ୍ର ଫର୍ମୁଲା ?

8/06/2019 at 6:55 PM

ଭୁବନେଶ୍ୱର ୮/୬ : ଓଡ଼ିଶାରେ ପଡ଼ିବ କି ପଡ଼ୋଶୀଙ୍କ ପ୍ରଭାବ ?  ମାନେ ଆନ୍ଧ୍ର ରାଜନୀତିର ପ୍ରଭାବ ଓଡ଼ିଶା ରାଜନୀତି ଉପରେ ପଡ଼ିବ କି ? ରାଜ୍ୟ ସରକାରଙ୍କ ପଦ ପଦବୀରେ ସମସ୍ତ ଅଂଚଳ ଓ ସବୁ ବର୍ଗକୁ ପ୍ରାଧାନ୍ୟ ଦିଆଯିବ କି ? ଦେଶରେ ପ୍ରଥମ ଥର ପାଇଁ ଆନ୍ଧ୍ର ମୁଖ୍ୟମନ୍ତ୍ରୀ ଜଗନମୋହନ ରେଡ୍ଶୀ ଦଳର ୫ଜଣ ନେତାଙ୍କୁ ଉପମୁଖ୍ୟମନ୍ତ୍ରୀ ପଦରେ ବସାଇବା ପରେ ଓଡ଼ିଶା ରାଜନୀତିରେ ଏଭଳି ଚର୍ଚ୍ଚାକୁ ଖୋରାକ୍‌ ଯୋଗାଇଛି । ହେଲେ ଏଠି ଏଭଳି ରାଜନୀତିକୁ ଲୋକେ କେମିତି ଆପଣାଇବେ, ଏଭଳି ପ୍ରସଙ୍ଗକୁ ନେଇ ରାଜନେତାଙ୍କ ଆଭିମୁଖ୍ୟ କ’ଣ ତାକୁ ନେଇ ଉଠିଛି ପ୍ରଶ୍ନ ।….

ଆନ୍ଧ୍ର ପ୍ରଦେଶ ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡୀ ରାଜ୍ୟରେ ୫ଜଣ ଉପମୁଖ୍ୟମନ୍ତ୍ରୀଙ୍କୁ ନିଯୁକ୍ତି ଦେବାକୁ ନେଇ ଆରମ୍ଭ ହୋଇଛି ଚର୍ଚ୍ଚା । ଏପର୍ଯ୍ୟନ୍ତ କୌଣସି ରାଜ୍ୟରେ ଏଭଳି ବ୍ୟବସ୍ଥା ଦେଖିବାକୁ ମିଳିନି । ଜଗନ ତାଙ୍କ ମନ୍ତ୍ରୀ ମଣ୍ଡଳରେ ଅନୁସୂଚିତ ଜାତି, ଜନଜାତି, ପଛୁଆ ବର୍ଗ, ସଂଖ୍ୟାଲଘୁ ଏବଂ କାପୁ ସମ୍ପ୍ରଦାୟର ଜଣେ ଲେଖାଏଁ ନେତାଙ୍କୁ ଉପମୁଖ୍ୟମନ୍ତ୍ରୀ ଭାବେ ନିଯୁକ୍ତ ଦେଇଛନ୍ତି ।

ମାନେ ସମାଜର ସବୁ ବର୍ଗଙ୍କୁ ଖୁସ୍‌ କରିବାକୁ ଏଭଳି କାର୍ଡ଼ ଖେଳିଛନ୍ତି ଜଗନ୍‌ । ଯାହା ଏବେ ଅନ୍ୟ ରାଜ୍ୟ ରାଜନୀତିକୁ ପ୍ରଭାବିତ କରିପାରେ । ଜାତୀୟ ତଥା ରାଜ୍ୟ ରାଜନୀତିରେ ନିର୍ଦ୍ଦିଷ୍ଟ କିଛି ଗୋଷ୍ଠୀଙ୍କ ଦବଦବା ରହୁଥିବା ବେଳେ ଜଗନଙ୍କ ଏଭଳି ମାଷ୍ଟର ଷ୍ଟେ୍ରାକ ବିଭିନ୍ନ ଦଳ ଉପରେ ଆଗକୁ ଚାପସୃଷ୍ଟି କରିବ ବୋଲି ଅନୁମାନ କରାଯାଇଛି । ଏମିତିକି ଜଗନଙ୍କ ଫର୍ମୁଲାକୁ ଅନ୍ୟ ରାଜ୍ୟର ସରକାର ମଧ୍ୟ ଆପ୍ଲାଏ କରିପାରନ୍ତି ବୋଲି ଚର୍ଚ୍ଚା ହେଲାଣି ।

ଓଡ଼ିଶାରେ ବି ଜାତି ଆଧାରରେ ମୁଖ୍ୟମନ୍ତ୍ରୀ ପଦ ମିଳିବା ଦରକାର ବୋଲି ଯୁକ୍ତି ବାଢ଼ୁଥିବା ଶ୍ରୀକାନ୍ତ ଜେନାଙ୍କ ଭଳି ନେତା ଜଗନ୍‌ଙ୍କ ଫର୍ମୁଲାକୁ ନେଇ ଉତ୍ସାହିତ ହୋଇପଡ଼ିଛନ୍ତି ।

ଓଡ଼ିଶାରେ ୫୦ ପ୍ରତିଶତରୁ ଅଧିକ ଲୋକ ଓବିସି କ୍ୟାଟେଗୋରିରେ ଆସୁଛନ୍ତି । ୨୩ ପ୍ରତିଶତ ଅନୁସୂଚିତ ଜନଜାତି ଓ ୧୭ ପ୍ରତିଶତ ଅନୁସୂଚିତ ଜାତିର ଲୋକ ଅଛନ୍ତି । ଏମିତିରେ ବି ଉତ୍ତର-ଦକ୍ଷିଣ-ଉପକୂଳ ଓ ପଶ୍ଚିମ ଓଡ଼ିଶା ଆଧାରରେ ମଧ୍ୟ ସମୟେ ସମୟେ ଅସମାନ ବିକାଶ ପ୍ରସଙ୍ଗ ବି ସାମ୍ନାକୁ ଆସୁଛି । କିନ୍ତୁ କୌଣସି ନିର୍ଦ୍ଦିଷ୍ଟ ଅଂଚଳରୁ କେହି ମୁଖ୍ୟମନ୍ତ୍ରୀ କି ଉପମୁଖ୍ୟମନ୍ତ୍ରୀ  ହୁଅନ୍ତୁ ସେ କଥା କେବେ ଉଠିନି ।

ବିଗତ ଦିନରେ ଓଡିଶାରେ କିଛି ନେତା ଓବିସି ରାଜନୀତିକୁ ଆଗକୁ ବଢାଇବାକୁ ଚାହିଁଥିଲେ । କିନ୍ତୁ ଯୁପି, ବିହାର ଭଳି ଏଠି ଜାତି କାର୍ଡକୁ ଲୋକ ଗ୍ରହଣ କରିନାହାନ୍ତି । କୋଶଳୀ କାର୍ଡ ବି ଫ୍ଲପ ହୋଇଛି । ତେଣୁ  ଆନ୍ଧ୍ର ଫର୍ମୁଲା ଓଡ଼ିଶାରେ ଯେ କ୍ଲିକ୍ କରିବ, ତାହା ଏବେଠୁ କହିବା ମୁସକିଲ୍‌ ।  

ବୋଧ ହୁଏ ସେଇଥିପାଇଁ ଓଡ଼ିଶାରେ କୌଣସି ଦଳର ଏଥି ପ୍ରତି ଆଗ୍ରହ ନଥିବା ସ୍ପଷ୍ଟ ବାରି ହୋଇପଡ଼ୁଛି ।  କାରଣ ନର୍ଦ୍ଦିଷ୍ଟ ଜାତି କି ବର୍ଗର ନୁହେଁ ବରଂ କାର୍ଯ୍ୟ ଶୈଳି ଓ ବିକାଶ ଆଧାରରେ ସରକାର ଚାଲିବା ଦରକାର ବୋଲି ଓଡ଼ିଶାର ଲୋକେ ସଚେତନ ଅଛନ୍ତି ।

   Related Posts