Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ : MDH ମସଲାର ପ୍ରତିଷ୍ଠାତା ଧର୍ମପାଲ ଗୁଲାଟୀଙ୍କ ପରଲୋକ
  • ||
  • ଗୋପ : ଜୀବନ ଯୁଦ୍ଧରେ ହାରିଗଲେ କରୋନା ଯୋଦ୍ଧା, କୋଭିଡ୍ ପଜିଟିଭ୍ ହୋଇ ଶେଷ ନିଶ୍ୱାସ ତ୍ୟାଗ କଲେ ଏଏସଆଇ
  • ||
  • ସୋର : ଘରେ ପଶିଲେ ଦୁର୍ବୃତ୍ତ, ବାପ-ପୁଅଙ୍କୁ ଗୋଡାଇ ଗୋଡାଇ ହାଣିଲେ
  • ||
  • କୋରାପୁଟ : ମିଳିଲାନି ଜାମିନ୍, ନିଜ ବେକ କାଟିଦେଲେ କଏଦୀ, ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି
  • ||

ଲଗାତର ସେଞ୍ଚୁରୀ ପରେ ଡବଲ୍ ଡକ୍, ଆଇପିଏଲରେ ନିଜ ରେକର୍ଡରେ ନିଜେ ଲଜ୍ଜିତ ଶିଖର ଧାଓ୍ୱନ

31/10/2020 at 5:17 PM

ଦୁବାଇ,୩୧/୧୦:    ଚଳିତ ଆଇପିଏଲରେ ଦିଲ୍ଲୀ କ୍ୟାପିଟାଲ୍ସ ତରଫରୁ ଖେଳୁଛନ୍ତି ଶିଖର ଧାଓ୍ୱନ । ଚଳିତ ଆଇପିଏଲରେ ଧାଓ୍ୱନ ଏକ ବିରଳ ରେକର୍ଡ ପ୍ରତିଷ୍ଠା କରିଛନ୍ତି । ଲଗାତର ଦୁଇଟି ଶତକ ଲଗାଇବା ପରେ ଧାଓ୍ୱନ ପରବର୍ତ୍ତୀ ଦୁଇଟି ମ୍ୟାଚରେ କୌଣସି ରନ୍ ନକରି ପ୍ୟାଭିଲିୟନ ଫେରିଛନ୍ତି । ଏପରି କରିବାରେ ସେ ପ୍ରଥମ ବ୍ୟାଟସମ୍ୟାନ୍ ହୋଇଛନ୍ତି ।

ଏହି ବିରଳ ରେକର୍ଡରେ ସେ ଲଗାତର ଦୁଇଟି ମ୍ୟାଚରେ ଦୁଇଟି ଶତକ ଲଗାଇଥିଲେ । କିନ୍ତୁ ଶତକ ଲଗାଇବାର ପରବର୍ତ୍ତୀ ଦୁଇଟି ମ୍ୟାଚରେ ୦ ରନରେ ଆଉଟ୍ ହୋଇଥିଲେ । ଆଇପିଏଲର ଗୋଟିଏ ସିଜିନରେ ସେ ଏପରି ରେକର୍ଡ କରିବାରେ ପ୍ରଥମ ଖେଳାଳି ପାଲଟିଛନ୍ତି ।

ଦୁବାଇରେ ମୁମ୍ବାଇ ବିପକ୍ଷ ମ୍ୟାଚରେ ଧାଓ୍ୱନ ଅଫସାଇଡକୁ ଏକ ସଟ୍ ଖେଳି ଆଉଟ ହେବା ପରେ ଏହି ରେକର୍ଡ ସ୍ଥାପନ କରିଥିଲେ । ଟ୍ରେଣ୍ଟ ବୋଲ୍ଟଙ୍କ ବଲକୁ ଲମ୍ବା ସଟ୍ ଖେଳିବାର ପ୍ରୟାସରେ ସେ ସୂର୍ଯ୍ୟକୁମାର ଯାଦବଙ୍କ ହାତରେ ଧରା ପଡିଥିଲେ ।

ସୂଚନାଯୋଗ୍ୟ, ସିଜିନ ଆରମ୍ଭରୁ ଲଗାତର ବିଜୟର ସ୍ୱାଦ ଚାଖି ଚାଲିଥିବା ଦିଲ୍ଲୀ ଶେଷ ମୁହୂର୍ତ୍ତରେ ପରାଜୟର ସାମ୍ନା କରୁଛି । ଦଳ ଏବେ ୩ ନମ୍ବର ସ୍ଥାନରେ ରହିଛି । ଏପରିକି ଗତ ତିନୋଟି ମ୍ୟାଚରେ ଦଳ ପରାସ୍ତ ମଧ୍ୟ ହୋଇଛି ।

   Related Posts