Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୮୭ କୋଭିଡ୍ ପଜିଟିଭ୍, ୩୩୭୧୯୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଓଡିଶା ହାତରୁ ଖସୁଛି ବନ୍ଧୁଗାଁ ବ୍ଲକ, ଲୋଭ ଦେଖାଇ ଗାଁ ଲୋକଙ୍କୁ ନିଜ ଆଡକୁ ଟାଣୁଛି ଆନ୍ଧ୍ର
  • ||
  • ଅଟୋକୁ ଧକ୍କା ଦେଲା ଯାତ୍ରୀବାହୀ ବସ୍ : ଜଣେ ମୃତ, ୩ ଗୁରୁତର
  • ||
  • ବାଇକକୁ ଧକ୍କା ଦେଲା ହାଇଓ୍ୱା, ଆରୋହୀ ମୃତ
  • ||
  • ଯୁବତୀଙ୍କୁ ଘରୁ ଉଠାଇ ନେଇ ୧୫ ଦିନ ଧରି ଦୁଷ୍କର୍ମ ! ଅଭିଯୁକ୍ତ ଦେଉଥିଲା ହତ୍ୟା ଧମକ, ଫଟୋ ଭାଇରାଲ ନେଇ କରୁଥିଲା ବ୍ଲାକମେଲିଂ…
  • ||
  • ତାତିରୁ ଏବେ ନିସ୍ତାର ନାହିଁ, ଆହୁରି ଛଟପଟ କରିବ ଖରା
  • ||
  • ବାରିପଦା : କୋଭିଡ ନିୟମକୁ ବେଖାତିର, ୫ଟି ଦୋକାନ ସିଲ୍‌
  • ||

ମଳମାସରେ କରନ୍ତୁ ଏହି ୮ଟି କାମ, ଚମକି ଉଠିବ ଭାଗ୍ୟ

20/09/2020 at 5:52 PM

ଭୁବନେଶ୍ୱର ୨୦/୦୯ : ସେପ୍ଟେମ୍ବର ୧୮ ତାରିଖରୁ ମଳମାସ ଆରମ୍ଭ ହୋଇଛି । ଗୋଟିଏ ମାସର ଏହି ମଳମାସ ସମୟ ପୂଜା ପାଠର ସମୟ ହୋଇଥାଏ । ମଳମାସ ସମୟରେ ଭଗବାନ ବିଷ୍ଣୁଙ୍କ ପୂଜାର୍ଚ୍ଚନା କରାଯାଏ । ଭଗବାନ ବିଷ୍ଣୁ ଏହି ମାସକୁ ନିଜ ନାଁ ଦେଇଥିଲେ । ଏହାକୁ ପୁରୁଷୋତ୍ତମ ମାସ ମଧ୍ୟ କୁହାଯାଏ । ସେଥିପାଇଁ ମଳମାସ ଭଗବାନ ବିଷ୍ଣୁଙ୍କୁ ସମର୍ପିତ । ଏହି ମଳମାସ ୮ଟି କାମ କାମ କଲେ ଭଗବାନ ବିଷ୍ଣୁଙ୍କ ଆଶୀର୍ବାଦ ପ୍ରାପ୍ତ ହୋଇଥାଏ । ଜାଣନ୍ତୁ ଏହି ୮ଟି କାମ କ’ଣ କ’ଣ :

୧. ମଳମାସରେ ପଡୁଥିବା ଏକାଦଶୀରେ ଭଗବାନ ବିଷ୍ଣୁ ଖିରି ଭୋଗ ଲଗାଇବା ଉଚିତ । ଏହି ଖିରିରେ ତୁଳସୀ ପତ୍ର ପକାଇବା ଉଚିତ ।

୨. ହଳଦିଆ ରଙ୍ଗ ଭଗବାନ ବିଷ୍ଣୁଙ୍କ ଅତି ପ୍ରିୟ । ସେଥିପାଇଁ ମଳମାସରେ ଭଗବାନ ବିଷ୍ଣୁଙ୍କୁ ହଳଦିଆ ସାମଗ୍ରୀ ଅର୍ପଣ କରିବା ଉଚିତ । ଯେପରିକି ହଳଦିଆ ଫୁଲ, ଫଳ, ବସ୍ତ୍ର ଆଦି । ଏହାକୁ ପରେ ଦାନ କରିବା ଉଚିତ ।

୩. ତୁଳସୀ ଭଗବାନ ବିଷ୍ଣୁଙ୍କ ଅତି ପ୍ରିୟ | ମଳମାସରେ ତୁଳସୀ ଚଉଁରା ମୂଳରେ ଗୁଆ ଘିଅରେ ଦୀପ ଜାଳିବା ଉଚିତ । ଏହାସହ ଓଁ ନମଃ ଭଗବତେ ବାସୁଦେବାୟ ନମଃ ମନ୍ତ୍ର ଜପ କରି ଚଉଁରାର ୧୧ ଥର ପରିକ୍ରମା କରିବା ଉଚିତ ।

୪. ମଳମାସ ସମୟରେ ବ୍ରହ୍ମ ମୁହୂର୍ତ୍ତରେ ଉଠି ସ୍ନାନ ଆଦି ସାରି କେଶର ଯୁକ୍ତ କ୍ଷୀରରେ ଭଗବାନ ବିଷ୍ଣୁଙ୍କୁ ଅଭିଷେକ କରିବା ଉଚିତ । ଏହାପରେ ୧୧ଥର ଓଁ ନମଃ ଭଗବତେ ବାସୁଦେବାୟ ନମଃ ମନ୍ତ୍ର ଜପ କରିବା ଉଚିତ ।

୫. ମଳମାସ ସମୟରେ ଅଶ୍ୱଥ ବୃକ୍ଷ ମୂଳରେ ଜଳ ଅର୍ପଣ କରିବା ଉଚିତ । ଏହାସହ ଦୀପ ଜଳାଇବା ଉଚିତ । କାରଣ ଅଶ୍ୱଥ ବୃକ୍ଷରେ ଭଗବାନ ବିଷ୍ଣୁ ବାସ କରନ୍ତି ।

୬. ଏହି ମାସରେ ପ୍ରତିଦିନ ସୂର୍ଯ୍ୟ ଭଗବାନଙ୍କୁ ଜଳ ଅର୍ପଣ କରିବା ଉଚିତ । ଜଳ ଅର୍ପଣ ସମୟରେ ଭଗବାନ ବିଷ୍ଣୁଙ୍କୁ ସ୍ମରଣ କରିବା ଉଚିତ ।

୭. ଏହି ମାସରେ ଦକ୍ଷିଣବର୍ତ୍ତୀ ଶଙ୍ଖ ପୂଜା କରିବା ଉଚିତ । ଏହାଦ୍ୱାରା ବିଷ୍ଣୁଙ୍କ ସହ ମାତା ଲକ୍ଷ୍ମୀଙ୍କ କୃପା ମଧ୍ୟ ପ୍ରାପ୍ତ ହୋଇଥାଏ ।

୮. ମଳମାସ ନବମୀ ତିଥିରେ କନ୍ୟାଙ୍କୁ ଭୋଜନ କରାଇଲେ ସମସ୍ତ ମନୋସ୍କାମନା ପୂରଣ ହୋଇଥାଏ ବୋଲି କୁହାଯାଏ।

   Related Posts