Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ସନ୍ଧ୍ୟାରେ ଦିଲ୍ଲୀ ପହଞ୍ଚିବ ସିଡିଏସ୍ ବିପିନ ରାୱତଙ୍କ ମରଶରୀର, ମୋଦୀଙ୍କ ସହ ପ୍ରତିରକ୍ଷା ମନ୍ତ୍ରୀ ଦେବେ ଶ୍ରଦ୍ଧାଞ୍ଜଳୀ
  • ||
  • ଭଞ୍ଜନଗର : ମାଇକ୍ରୋ କଣ୍ଟେନମେଣ୍ଟ ଜୋନ୍ ହେଲା ଲାଲସିଙ୍ଗି ପଞ୍ଚାୟତର କିଛି ଅଞ୍ଚଳ, କୋଭିଡ୍ ପଜିଟିଭ୍ ଚିହ୍ନଟ ପରେ ପଦକ୍ଷେପ
  • ||
  • ଭୁବନେଶ୍ବର : ବିଧାନସଭା ପରେ ସମସ୍ତଙ୍କର ହେବ RTPCR ଟେଷ୍ଟ : ବାଚସ୍ପତି
  • ||
  • ଭୁବନେଶ୍ବର : ମହାନଦୀରେ କମିଛି ଜଳ ପ୍ରବାହ, ୫୧୬ ଚେକ୍ ଡ୍ୟାମ୍ କରିଛି ଛତିଶଗଡ : ଜଳସମ୍ପଦ ମନ୍ତ୍ରୀ
  • ||
  • ଭୁବନେଶ୍ବର : ମମିତାକୁ ନ୍ୟାୟ ଦେବାକୁ ବିଜେପିର ଦାବି : ବ୍ୟାରିକେଟ୍ ଭାଙ୍ଗି ବିଧାନସଭା ଘେରାଉ ଉଦ୍ୟମ ବେଳେ ଧସ୍ତାଧସ୍ତି, ପୋଲିସର ଲାଠିଚାର୍ଜ
  • ||
  • ଜୟପୁର : ଜୟପୁର ଏସଡିଜେଏମ୍ କୋର୍ଟରେ NIAର ୨ ଜଣିଆ ଟିମ୍, ମାଓ ନେତା ଦୁବାସୀ ଶଙ୍କରକୁ ପଚରାଉଚରା ପାଇଁ ଲୋଡିଲେ ଅନୁମତି
  • ||
  • ଭୁବନେଶ୍ବର : ବିଜେଡି ଓ ବିଜେପି ବିକ୍ଷୋଭ ପ୍ରସଙ୍ଗ : କଂଗ୍ରେସ ବିଧାୟକ ମହମ୍ମଦ ମୋକିମ କହିଲେ- ଗୋଟିଏ ମୁଦ୍ରାର ଦୁଇ ପାର୍ଶ୍ବ
  • ||
  • ଟାଙ୍ଗୀ : କେନ୍ଦୁଆ ଜଙ୍ଗଲରୁ ମିଳିଲା ଅଜଣା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||
  • ବଡବିଲ : ଶନି ମନ୍ଦିରରୁ ଲୁଟ୍, ଦାନ ବାକ୍ସ ଉଠାଇନେଲେ ଦୁର୍ବୃତ୍ତ
  • ||
  • ନିଶ୍ଚିନ୍ତକୋଇଲି : ଛେଳି ଚୋରକୁ ଛେଚିଲେ ଗାଁ ଲୋକେ, ପୋଲିସର ଜିମାଦେଲେ
  • ||

ଦୁନିଆର ସବୁଠାରୁ ମାରାତ୍ମକ ଓ ବିଷାକ୍ତ ଗଛ ଯାହା ନେଇପାରେ ଜୀବନ: ଏହି କାରଣରୁ ହୋଇଥିଲା ଆବ୍ରାହମ୍ ଲିଙ୍କନ୍‌ଙ୍କ ମା’ଙ୍କ ମୃତ୍ୟୁ

2/10/2020 at 5:41 PM

ଭୁବନେଶ୍ୱର ୦୨/୧୦ : ମଣିଷ ଜୀବନରେ ଗଛଲତାର ଅନେକ ମହତ୍ତ୍ୱ ରହିଛି । ଗଛଲତାରୁ ଆମକୁ ଶୁଦ୍ଧ ବାୟୁ ସହ ଅନେକ ଜିନିଷ ମିଳିଥାଏ । ଦୁନିଆରେ ଅନେକ ଗଛଲତା ରହିଛି ଯାହା ଔଷଧୀୟ ଗୁଣରେ ଭରପୁର । ଏହିଭଳି ଗଛ ଅନେକ ରୋଗ ଦୂର କରିଥାଏ । କିନ୍ତୁ ଦୁନିଆରେ ଏମିତି ବି କିଛି ଗଛ ଅଛି ଯାହା ମନୁଷ୍ୟ ପାଇଁ ବିପଦଜନକ ଓ କ୍ଷତିକାରକ ହୋଇଥାଏ । ଏହିଭଳି କିଛି ଗଛ ମଣିଷର ଜୀବନ ମଧ୍ୟ ନେଇପାରେ ।

ସୁଇସାଇଡ ଟ୍ରି (Cerbera Odollam)-କେରଳ ନିକଟସ୍ଥ ସମୁଦ୍ରତଟରେ ସୁଇସାଇଡ ଟ୍ରି ଦେଖିବାକୁ ମିଳେ । ଏହି ଗଛ ଯୋଗୁଁ କେରଳରେ ଅନେକ ଲୋକଙ୍କ ଜୀବନ ଯାଇଛି । ଏହାର ମଞ୍ଜିରେ ଏକ୍ସଲାଇଡ୍ ଥାଏ ଯାହା ହୃଦୟ ଓ ଶ୍ୱାସନ ତନ୍ତ୍ର ପାଇଁ ଅତ୍ୟନ୍ତ ଘାତକ ପ୍ରମାଣିତ ହୋଇଥାଏ ।

କନିଅର (Oleander-Nerium Oleander)- କନିଅର ଗଛ ମଧ୍ୟ ଅତ୍ୟନ୍ତ ଘାତକ ହୋଇଥାଏ । ଏହାର ଫଳ ସେବନ କରିବା ଦ୍ୱାରା ଝାଡା, ବାନ୍ତି, ମୁଣ୍ଡ ବୁଲାଇବା ସହ ମଣିଷ କୋମାକୁ ମଧ୍ୟ ଯାଇପାରେ । ଏହାର ପତ୍ର ଶରୀରକୁ ସ୍ପର୍ଶ କଲେ କୁଣ୍ଡେଇ ହୋଇଥାଏ । କନିଅର ଏତେ ବିଷାକ୍ତ ହୋଇଥାଏ ଯେ ଏହାର ଫୁଲ ଉପରେ ବସିଥିବା ମହୁମାଛି ତିଆରି କରିଥିବା ମହୁ ସେବନ କଲେ ମଣିଷ ଅସୁସ୍ଥ ମଧ୍ୟ ହୋଇପାରେ ।

ରୋଜାରୀ ପୀ (Rosary Pea-Abrus Precatorius)- ଏହି ଗଛର ନାଁ ରୋଜାରୀ ପୀ କାରଣ ଏହାର ମଞ୍ଜିରେ ଗହଣା ଏବଂ ପ୍ରାର୍ଥନା ପାଇଁ ବ୍ୟବହାର ହେଉଥିବା ଜପ ମାଳି ତିଆରି ହୋଇଥାଏ । ଏହାର ମଞ୍ଜିକୁ ଛୁଇଁଲେ କିଛି ବିପଦ ନାହିଁ କିନ୍ତୁ ଚୋବେଇଲେ ଲିମ୍ବ ଖଣ୍ଡିଆ କଲେ ଏହା ଅତ୍ୟନ୍ତ ମାରାତ୍ମକ ପ୍ରମାଣିତ ହୋଇପାରେ । ଏହି ମଞ୍ଜିରେ ଏବ୍ରୀନ ଥାଏ ଯାହାର ୩ ମାଇକ୍ରୋଗ୍ରାମ୍ ମଣିଷର ଜୀବନ ନେବା ପାଇଁ ଯଥେଷ୍ଟ ହୋଇଥାଏ ।

ଅରଣ୍ଡି ବା କଷ୍ଟର ବିନ (Castor Bean-Ricinus Communis)- ଅରଣ୍ଡି ମଞ୍ଜିରୁ କାଷ୍ଠର ଅଏଲ ବାହାର କରାଯାଇଥାଏ । ଏହାର ମଞ୍ଜି ଅତ୍ୟନ୍ତ ବିଷାକ୍ତ । ଏହାର ମଞ୍ଜି ଏତେ ବିଷାକ୍ତ ଯେ ଗୋଟିଏ କି ଦୁଇଟି ମଞ୍ଜି ଖାଇଦେଲେ ଛୋଟ ପିଲାଙ୍କର ଓ ୭-୮ ଟି ମଞ୍ଜି ଖାଇଦେଲେ ବଡ ଲୋକଙ୍କ ଜୀବନ ଚାଲିଯାଇଥାଏ । ଏଥିରେ ରାଇସିନ ନାମକ ବିଷ ଥାଏ ଯାହା କୋଷ ମଧ୍ୟରେ ପ୍ରୋଟିନ ପ୍ରବାହକୁ ରୋକି ଦେଇଥାଏ । ଯାହାଫଳରେ ଝାଡା, ବାନ୍ତି ହୋଇଥାଏ ଓ ମଣିଷର ମୃତ୍ୟୁ ହୋଇଥାଏ ।

ହ୍ୱାଇଟ ସ୍ନେକରୁଟ (White Snakeroot-Ageratina Altissima)- ଆମେରିକାର ପୂର୍ବତନ ରାଷ୍ଟ୍ରପତି ଆବ୍ରାହମ୍ ଲିଙ୍କନଙ୍କ ମା ନେନ୍ସି ହେଂକ୍ସଙ୍କ ମୃତ୍ୟୁ ଏହି ଗଛ କାରଣରୁ ହୋଇଥିଲା | ଏହି ଗଛରେ ଛୋଟ ଛୋଟ ଧଳା ଫୁଲ ଫୁଟିଥାଏ । ଏହି ଫୁଲରେ ଏକ ବିଷାକ୍ତ ଆଲକହଲ ଟ୍ରେମେଟୋଲ ରହିଛି । ଆବ୍ରାହମ୍ ଲିଙ୍କନ୍ ଏକ ଗାଈର କ୍ଷୀର ପିଇଥିଲେ । ସେହି ଗାଈ ଏହି ଗଛକୁ ଖାଇଥିଲା ।

ଯାହାଫଳରେ ଗାଈର କ୍ଷୀର ବିଷାକ୍ତ ହୋଇଯାଇଥିଲା ଓ ସେହି କ୍ଷୀର ପିଇ ଅବ୍ରହାମ ଲିଙ୍କନଙ୍କ ମାଙ୍କ ମୃତ୍ୟୁ ହୋଇଥିଲା । ଯେଉଁ ପଶୁ ଏହି ଗଛକୁ ଖାଏ ତାର ମାଂସ ଓ କ୍ଷୀର ସେବନ କଲେ ସେହି ମଣିଷ ଶରୀର ବିଷାକ୍ତ ହୋଇଯାଇ ମୃତ୍ୟୁ ହୋଇଥାଏ ।

   Related Posts