Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ପାଇଁ ଗ୍ଲୋବାଲ୍‌ ଟେଣ୍ଡର: ୧୯ ସଦସ୍ୟଙ୍କୁ ନେଇ ଗଠନ ହେଲା କମିଟି
  • ||
  • ଭୁବନେଶ୍ବରରେ ବଢୁଛି ସଂକ୍ରମଣ, ୨୪ ଘଣ୍ଟାରେ ୯୬୨ ଆକ୍ରାନ୍ତ ଚିହ୍ନଟ
  • ||
  • ନୂଆଦିଲ୍ଲୀ : କରୋନାର ସାମାନ୍ୟ ଲକ୍ଷଣ ଥିବା ରୋଗୀଙ୍କ ପାଇଁ ଉପଯୋଗୀ ଆୟୁଷ-୬୪, ଏହି କେନ୍ଦ୍ରରେ ମିଳୁଛି ମାଗଣାରେ
  • ||
  • ଶାମଲୀ : ଲଜ୍ଜାଜନକ ଦୃଶ୍ୟ, ଅଳିଆ ବୁହା ଗାଡିରେ ଶ୍ମଶାନଘାଟ ଗଲା ମହିଳାଙ୍କ ମୃତଦେହ
  • ||
  • ଟିକା ପାଇଁ ହେବ ଗ୍ଲୋବାଲ୍‌ ଟେଣ୍ଡର, ରାଜ୍ୟ କ୍ୟାବିନେଟ୍ ବୈଠକରେ ନିଷ୍ପତ୍ତି
  • ||
  • ନୂଆଦିଲ୍ଲୀ : ରାହୁଲ ଭୋରାଙ୍କ ମୃତ୍ୟୁ ପରେ ପତ୍ନୀ ସେୟାର କଲେ ଯନ୍ତ୍ରଣାଦାୟକ ଭିଡିଓ… କେମିତି ଅକ୍ସିଜେନ୍ ଟିକିଏ ପାଇଁ ହେଉଥିଲେ ଛଟପଟ
  • ||
  • ମଥୁରା : କରୋନାରେ ହେମାମାଳିନୀଙ୍କ ବ୍ୟକ୍ତିଗତ ସଚିବଙ୍କ ମୃତ୍ୟୁ, ଟ୍ବିଟ୍ କରି ଅଭିନେତ୍ରୀ ଦେଲେ ଶ୍ରଦ୍ଧାଞ୍ଜଳି
  • ||
  • ଭୁବନ : ଦୀର୍ଘ ୭ଘଣ୍ଟା ବନ୍ଦ ଘରେ ପଡିରହିଲା ମୃତଦେହ, କରୋନା ସଂକ୍ରମଣ ଆଶଙ୍କାରେ ପାଖ ମାଡିଲେନି ପରିବାର
  • ||
  • ବଲାଙ୍ଗୀର : ରୋଗୀଙ୍କୁ ଲାଞ୍ଚ ମାଗିବା ପଡିଲା ମହଙ୍ଗା, SDMOଙ୍କୁ ସୋ-କଜ୍ ନୋଟିସ୍ ପରେ ପଠାଗଲା ଡେପୁଟେସନରେ, ସ୍ବାସ୍ଥ୍ୟକର୍ମୀ ସସ୍‌ପେଣ୍ଡ
  • ||
  • ହାଇଦ୍ରାବାଦ : ଅକ୍ସିଜେନ୍ ଟ୍ୟାଙ୍କର ଡ୍ରାଇଭର ଭୁଲିଗଲା ହସ୍ପିଟାଲ ରାସ୍ତା, ଅକ୍ସିଜେନ୍ ଅଭାବରୁ ଚାଲିଗଲା ୭ କରୋନା ରୋଗୀଙ୍କ ଜୀବନ
  • ||

ବାଇଡେନଙ୍କୁ ବିଜୟର ଅଭିନନ୍ଦନ ଜଣାଇ ନାହାନ୍ତି ଏହି ସବୁ ଦେଶ, କାହିଁକି ଦେଉଛନ୍ତି ପଛଘୁଞ୍ଚା, ଜାଣନ୍ତୁ କ’ଣ ରହିଛି ଏହା ପଛର କାରଣ

9/11/2020 at 5:10 PM

ନୂଆଦିଲ୍ଲୀ ୦୯।୧୧: କୌଣସି ଦେଶରେ କ୍ଷମତା ପରିବର୍ତ୍ତନ ହେବା ମାତ୍ରେ ବିଦେଶ ନୀତିର ସମୀକରଣ ବଦଳିଯାଏ। ଆମେରିକା ରାଷ୍ଟ୍ରପତି ନିର୍ବାଚନରେ ଡେମୋକ୍ରାଟିକ ପାର୍ଟିର ପ୍ରାର୍ଥୀ ଜୋଏ  ବାଇଡେନଙ୍କ ବିଜୟର ଘୋଷଣା ହେବା ମାତ୍ରେ ସାରା ତାଙ୍କ ପ୍ରତି ଅଭିନନ୍ଦନର ସୂଅ ଛୁଟିବାରେ ଲାଗିଛି। ହେଲେ କିଛି ଏମିତି ଦେଶ ଅଛନ୍ତି ଯେଉଁମାନେ ଏ ପର୍ଯ୍ୟନ୍ତ ନିରବ ରହିଛନ୍ତି। ସେମାନଙ୍କ ମଧ୍ୟରୁ ଅନେକ ଦେଶର ରାଷ୍ଟ୍ର ମୁଖିଆ ଡୋନାଲ୍ଡ ଟ୍ରମ୍ପଙ୍କ ଖାସ୍ ବନ୍ଧୁ। ଟ୍ରମ୍ପ କହିଛନ୍ତି ସେ ନିର୍ବାଚନ ପରିଣାମକୁ କୋର୍ଟରେ ଚ୍ୟାଲେଞ୍ଜ କରିବେ। ହେଲେ ତାଙ୍କର ଅନେକ ଆବେଦନ ଅଦାଲତରେ ଖାରଜ ହୋଇ ସାରିଛି। ଏମିତି ସ୍ଥିତିରେ ସୁପ୍ରିମକୋର୍ଟରେ ତାଙ୍କ ସପକ୍ଷରେ ରାୟ ଆସିବାର ସମ୍ଭାବନା କ୍ଷୀଣ ରହିଛି।

ଟ୍ରମ୍ପଙ୍କ ପରି କିଛି ଦେଶ ତାଙ୍କ ପରାଜୟ ସ୍ଵୀକାର କରିବାକୁ ପ୍ରସ୍ତୁତ ନାହାନ୍ତି। ଏହି କ୍ରମରେ ମେକ୍ସିକୋ ରାଷ୍ଟ୍ରପତି ମାନୁଏଲ ଲୋପେଜ ଅବ୍ରେଡର ଟ୍ରମ୍ପଙ୍କ ସମର୍ଥନରେ କହିଛନ୍ତି ଯେ ପର୍ଯ୍ୟନ୍ତ ଆଇନଗତ ଲଢେଇ ଶେଷ ହୋଇ ନାହିଁ ସେ ପର୍ଯ୍ୟନ୍ତ ବାଇଡେନଙ୍କୁ ବିଜୟର ଅଭିନନ୍ଦନ ଜଣାଇବୁ ନାହିଁ। ଆମେ ଆମ ପକ୍ଷରୁ କୌଣସି ତରବରିଆ ଭାବେ ନିଷ୍ପତ୍ତି ନେବାକୁ ଚାହୁଁନାହୁଁ। ସେ କହିଛନ୍ତି ତାଙ୍କ ଦେଶ ବାଇଡେନ ଓ ଟ୍ରମ୍ପ ଉଭୟଙ୍କ ସହିତ ଭଲ ସମ୍ବନ୍ଧ ରହିଛି। ଲୋପେଜ ଟ୍ରମ୍ପଙ୍କ ପ୍ରଶଂସା କରି କହିଛନ୍ତି, ଆମ ପ୍ରତି ତାଙ୍କର ଆଭିମୁଖ୍ୟ ବହୁତ ସମ୍ମାନ ଜନକ ରହିଛି।

ମେକ୍ସିକୋ ବ୍ୟତୀତ ଟ୍ରମ୍ପ ପ୍ରଶାସନ ସହ ମଧୁର ସଂପର୍କ ରଖିଥିବା ଅନେକ ପ୍ରମୁଖ ନେତା ବାଇଡେନଙ୍କ ବିଜୟରେ ନିରବ ରହିଛନ୍ତି। ଏଥିରେ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଓ ବ୍ରାଜିଲ ରାଷ୍ଟ୍ରପତି ଜେର ବୋଲସାନାରୋ ମଧ୍ୟ ସାମିଲ। ବ୍ରାଜିଲ ରାଷ୍ଟ୍ରପତି ବୋଲସାନାରୋଙ୍କୁ ଟ୍ରମ୍ପଙ୍କ ନକଲ କୁହାଯାଏ। ଉଭୟଙ୍କ ଦକ୍ଷିଣପନ୍ଥୀ ବିଚାରଧାରା ଓ ଅପ୍ରତ୍ୟାଶିତ ଦୃଷ୍ଟିକୋଣ ସହ ତୂଳନା କରାଯାଏ। ନିର୍ବାଚନ ପୂର୍ବରୁ ବୋଲସାନାରୋ ଟ୍ରମ୍ପଙ୍କୁ ନିଜର ସମର୍ଥନ ଜଣାଇଥିଲେ।

ନିର୍ବାଚନ ପୂର୍ବରୁ ରୁଷ ରାଷ୍ଟ୍ରପତି ଭ୍ଲାଦିମିଟର ପୁଟିନ କହିଥିଲେ ରୁଷ କୌଣସି ବି ଆମେରିକୀୟ ନେତାଙ୍କ ସହ କାମ କରିବାକୁ ପ୍ରସ୍ତୁତ। ମାତ୍ର ବାଇଡେନଙ୍କ ବିଜୟ ପରେ ଏ ପର୍ଯ୍ୟନ୍ତ ରୁଷ ପକ୍ଷରୁ କୌଣସି ଆନୁଷ୍ଠାନିକ ପ୍ରତିକ୍ରିୟା ମିଳିନାହିଁ। ପୁଟିନଙ୍କ ଉପରେ ୨୦୧୬ରେ ଆମେରିକା ରାଷ୍ଟ୍ରପତି ନିର୍ବାଚନରେ ଦଖଲ ଦେବା ଏବଂ ଟ୍ରମ୍ପଙ୍କୁ ବିଜୟରେ ସହାୟତା କରିଥିବାର ଅଭିଯୋଗ ହୋଇଥିଲା। ଗତ ମାସରେ ବାଇଡେନ ରୁଷକୁ ଆମେରିକାର ରାଷ୍ଟ୍ରୀୟ ସୁରକ୍ଷା ପାଇଁ ସବୁଠୁ ବଡ ବିପଦ ବୋଲି କହିଥିଲେ।

ସେହିପରି ତୁର୍କୀ ରାଷ୍ଟ୍ରପତି ତୈୟପ ଏର୍ଦବାନ ମଧ୍ୟ ବାଇଡେନଙ୍କୁ ଅଦ୍ୟାବଧି ବିଜୟର ଶୁଭେଚ୍ଛା ଜଣାଇ ନାହାନ୍ତି। ତୁର୍କୀର ବୈଦେଶିକ ମନ୍ତ୍ରୀ ମଧ୍ୟ ରବିବାର ଆମେରିକା ରାଷ୍ଟ୍ରପତି ନିର୍ବାଚନ ଫଳାଫଳ ଉପରେ କୌଣସି ଉଲ୍ଲେଖ କରି ନାହାନ୍ତି। ତୁର୍କୀକୁ ବାଇଡେନଙ୍କ ବିଜୟରେ ବହୁତ କ୍ଷତି ହେବାକୁ ଯାଉଛି। କିନ୍ତୁ ତୁର୍କୀର ଉପ ରାଷ୍ଟ୍ରପତି ଫୁଆତ ଓଫେ ରବିବାର କହିଛନ୍ତି,  ବାଇଡେନଙ୍କ ବିଜୟରେ ଦୁଇ ଦେଶର ସମ୍ବନ୍ଧ ଉପରେ କୌଣସି ପ୍ରଭାବ ପଡିବ ନାହିଁ।

ଚୀନ ରାଷ୍ଟ୍ରପତି ସି ଜିନପିଙ୍ଗ ମଧ୍ୟ ବାଇଡେନଙ୍କ ବିଜୟ ଉପରେ କୌଣସି ବୟାନ ଦେଇ ନାହାନ୍ତି। ଟ୍ରମ୍ପଙ୍କ କାର୍ଯ୍ୟକାଳରେ ଆମେରିକା ଓ ଚୀନ ମଧ୍ୟରେ ସଂପର୍କ ଚରମରେ ପହଞ୍ଚି ଯାଇଥିଲା। ବାଇଡେନଙ୍କ ବିଜୟରେ ମଧ୍ୟ ଚୀନକୁ ବିଶେଷ ଆଶ୍ଵସ୍ତି ମିଳିବାର ନାହିଁ। ବାଇଡେନ ଅନେକ ଥର ସଙ୍କେତ ଦେଇ ସାରିଛନ୍ତି ଯେ, ତାଙ୍କ ସରକାର ମଧ୍ୟ ଚୀନ ବିରୋଧରେ କଠୋର ଆଭିମୁଖ୍ୟ ଗ୍ରହଣ କରିବ। ବାଇଡେନ ଟ୍ରମ୍ପଙ୍କଠୁ ଆଉ ପାଦେ ଆଗେଇ ଯାଇ ଜିନପିଙ୍ଗଙ୍କୁ ଠକ୍ ବୋଲି କହିଥିଲେ।

   Related Posts