Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

କରୋନାକୁ ନେଇ ଭାରତ ସମେତ ୧୧୬ ଦେଶଙ୍କ କାଠଗଡାରେ WHO

18/05/2020 at 7:39 PM

ନୂଆଦିଲ୍ଲୀ: ଜେନେଭାରେ ସୋମବାର ୱାର୍ଲଡ ହେଲଥ୍ ଆସେମ୍ୱ୍ଲି ଆରମ୍ଭ ହୋଇଛି। ଏଥିରେ କରୋନା ଭାଇରସ୍‌କୁ ନେଇ ନିଜ କାର୍ଯ୍ୟପ୍ରଣାଳୀ ଯୋଗୁ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ( ଡବ୍ଲୁଏଚଓ) ଏବେ ଭାରତ ସମେତ ୧୧୬ ଦେଶଙ୍କ କାଠଗଡାରେ ଛିଡା ହୋଇଛନ୍ତି। କରୋନା ଭାଇରସରେ ଡବ୍ଲୁଏଚଓଙ୍କ ପ୍ରତିକ୍ରିୟା ସ୍ୱତନ୍ତ୍ର, ନିରପେକ୍ଷ ଓ ବିସ୍ତୃତ ଯାଞ୍ଚ ଲାଗି ଦେଶମାନେ ଦାବି କରିବେ ବୋଲି ଜଣାପଡିଛି।

ଏହି ୧୧୬ ଦେଶଙ୍କ ମଧ୍ୟରେ ୟୁରୋପର ୨୭ ଓ ଅଷ୍ଟ୍ରେଲିଆ ସମେତ ୫୪ ଆଫ୍ରିକୀୟ ଦେଶ ମଧ୍ୟ ଅଛନ୍ତି। ଏମାନଙ୍କ ମଧ୍ୟରେ ଭାରତ, ଇଣ୍ଡେନେସିୟା, ଜାପାନ ଆଦି ଏସିୟ ଦେଶମାନେ ଥିବା ବେଳେ ବ୍ରିଟେନ ଓ ଋଷିଆ ମଧ୍ୟ ଅଛନ୍ତି। କରୋନାକୁ ନେଇ ଚୀନ ଓ ଆମେରିକା ମଧ୍ୟରେ ଉତ୍ତେଜନା ବେଳେ ପ୍ରଥମଥର ଅନଲାଇନରେ ୱାର୍ଲଡ ହେଲଥ ଆସେମ୍ୱ୍ଲି ଅନୁଷ୍ଠିତ ହେଉଛି।

୧୯୪୮ ମସିହାରେ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ସ୍ଥାପନା ପରେ ଏପର୍ଯ୍ୟନ୍ତ ୭୨ଟି ହେଲଥ ଆସେମ୍ବ୍ଲି ହେଲାଣି। ହେଲେ ଚଳିତ ସଂସଦକୁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ମନେ କରାଯାଉଛି। ଏହି ସଂସଦ ୩ ସପ୍ତାହ ପର୍ଯ୍ୟନ୍ତ ଚାଲିବ। ତେବେ ଅନଲାଇନରେ ହେଉଥିବା ସଂସଦ ସପ୍ତାହରେ କେବଳ ସୋମବାର ଓ ମଙ୍ଗଳବାର ଅନୁଷ୍ଠିତ ହେବ ବୋଲି ଜଣାପଡିଛି। ଏଥର ସଂସଦର ପ୍ରସଙ୍ଗ କେବଳ କୋଭିଡ-୧୯ ରହିବ ବୋଲି ଜଣାପଡିଛି। କରୋନା ସଂକ୍ରମଣ ଯୋଗୁ ସାରା ବିଶ୍ୱରେ ଏପର୍ଯ୍ୟନ୍ତ ୪୭ ଲକ୍ଷ ଲୋକେ ସଂକ୍ରମିତ ହୋଇଛନ୍ତି। ହେଲେ ପ୍ରାରମ୍ଭିକ ପର୍ଯ୍ୟାୟରେ ଏଥିପ୍ରତି ଡବ୍ଲୁଏଚଓ ଯେପରି ପ୍ରତିକ୍ରିୟା ଜଣାଇବା କଥା ତାହା ଜଣାଇ ନଥିଲେ ବୋଲି ଆମେରିକା ସମେତ ବିଭିନ୍ନ ଦେଶ ଅଭିଯୋଗ କରୁଛନ୍ତି।

ଅଷ୍ଟ୍ରେଲିଆ ଓ ୟୁରୋପିୟ ଦେଶଙ୍କ ଅଭିଯୋଗ ପରେ ସାରା ବିଶ୍ୱର ୧୧୬ ଦେଶ ଏବେ ଡବ୍ଲୁଏଚଓଙ୍କ ବିରୋଧରେ ଛିଡା ହୋଇଛନ୍ତି। ଏହି ସବୁ ଦେଶମାନେ ଏକ ମିଳିତ ଚିଠା ପ୍ରସ୍ତାବ ପ୍ରସ୍ତୁତ କରିଥିବା ବେଳେ ଡବ୍ଲୁଏଚଓ ଭୂତାଣୁକୁ ଗୁରୁତ୍ୱର ସହ ଗ୍ରହଣ ନ କରିବାରୁ ଏବେ ଏହା ସମଗ୍ର ବିଶ୍ୱକୁ ବ୍ୟାପିଯାଇଛି ବୋଲି ଏଥିରେ ଅଭିଯୋଗ କରିଛନ୍ତି।

   Related Posts