Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

କଂସ ବଧ ସହ ସରିଲା ବରଗଡ଼ ଧନୁଯାତ୍ରା ; ୧୧ ଦିନର ମୁକ୍ତାକାଶ ରଙ୍ଗମଞ୍ଚରେ ପଡ଼ିଲା ଯବନିକା, ଶେଷ ଦିନରେ ଉପଭୋଗ କଲେ ଲକ୍ଷ ଲକ୍ଷ ଦର୍ଶକ

21/01/2019 at 1:07 PM

ବରଗଡ ୨୧|୧: ୧୧ ଦିନ ଚାଲିଥିବା ବରଗଡ ଧନୁଯାତ୍ରା ମହୋତ୍ସବ ଶେଷ ହୋଇଛି । ବରଗଡ ଧନୁଯାତ୍ରାର ଶେଷ ଦିନରେ କଂସ ବଧ ଓ ଉଗ୍ରସେନଙ୍କ ରାଜ୍ୟାଭିଷେକ ଅଭିନୀତ ହୋଇଛି । ଏହାକୁ ଲକ୍ଷ ଲକ୍ଷ ଦର୍ଶକ ଉପଭୋଗ କରିଛନ୍ତି । ଏଗାର ଦିନ ଧରି ମହାରାଜା କଂସଙ୍କ ରାଜତ୍ବ ଚାଲିଥିବାବଳେ ଗୋପପୁରରେ ଭିନ୍ନ ଏକ ପରିବେଶ ସୃଷ୍ଟି ହୋଇଥିଲା କୃଷ୍ଣଙ୍କ ବାଲ୍ୟଲୀଳାକୁ ନେଇ । କଂସଙ୍କ ଅତ୍ୟାଚାରରୁ ଜଗତବାସୀଙ୍କୁ ଉଦ୍ଧାର କରିବାପାଇଁ ଜନ୍ମ ନେଇଥିଲେ କୃଷ୍ଣ ।

ଅନ୍ୟ ପକ୍ଷରେ କୃଷ୍ଣଙ୍କୁ ମାରିବା ପାଇଁ ମହାରାଜା କଂସ ଆୟୋଜନ କରିଥିଲେ କପଟ ଓ ଛଳନାର ଯାତ୍ରା ଧନୁଯାତ୍ରା । ବରଗଡ ଧନୁଯାତ୍ରାର ଶେଷ ଦିନରେ କୁବଳୟା ହସ୍ତୀ ଏବଂ ଅଷ୍ଟମଲ୍ଲକୁ ବଧ କରିବା ପରେ ମହାରାଜା କଂସ ଧନୁଯାତ୍ରା ପାଇଁ ସ୍ଥାପନ କରିଥିବା ଶିବ ଧନୁ ଭଙ୍ଗ କରିଥିଲେ କୃଷ୍ଣ ବଳରାମ ବେନୀ ଭାଇ ।

ମାମୁଁ କଂସ ଓ ଭଣଜା କୃଷ୍ଣବଳରାମ ଙ୍କ ମଧ୍ୟରେ ହୋଇଥିଲା ଘମାଘୋଟ ଯୁଦ୍ଧ । ସିଂହାସନରୁ ପଡି ନିହତ ହୋଇଥିଲା ଅତ୍ୟାଚାରୀ କଂସ । ଅସତ୍ୟ ଉପରେ ସତ୍ୟର ବିଜୟ ବାର୍ତ୍ତା ଦେଇଛି ଧନୁଯାତ୍ରା ମଞ୍ଚ । କଂସର ନିଧନ ପରେ ଉଗ୍ରସେନଙ୍କ ରାଜ୍ୟାଭିଷେକ ହୋଇଥିଲା । ମଥୁରା କାରାଗାରରୁ ମାତା ପିତା ଦେବକୀ ବସୁଦେବଙ୍କୁ ମୁକ୍ତି କରିଥିଲେ ।

   Related Posts