ନ୍ୟୁୟର୍କ: କରୋନା ସଂକ୍ରମଣ ବିଶ୍ୱ ଅର୍ଥନୀତିକୁ ଗୁରୁତର ପ୍ରଭାବିତ କରିବ। ଏହି ଆଶଙ୍କା ବ୍ୟକ୍ତ କରିଛନ୍ତି ଜାତି ସଂଘ। ସମଗ୍ର ଅର୍ଥବ୍ୟବସ୍ଥା ମାନ୍ଦାବସ୍ଥାକୁ ଚାଲିଯିବା ଭଳି ଏବେ ପରିସ୍ଥିତି ସୃଷ୍ଟି କରିଛି ଭୂତାଣୁ ସଂକ୍ରମଣ। ତେବେ ଏଥିରୁ ଭାରତ ଓ ଚୀନ ମୁକ୍ତ ରହିପାରନ୍ତି ବୋଲି ଜାତି ସଂଘ ଆଶାବ୍ୟକ୍ତ କରିଛନ୍ତି। 

{"id":246984,"width":578,"height":322,"sizeSlug":"large"}

କରୋନା ଯୋଗୁ ବିଶ୍ୱବ୍ୟାପି ନିଆଯାଉଥିବା ପଦକ୍ଷପ ଯୋଗୁ ବିକାଶୋନ୍ମୁଖୀ ଦେଶମାନେ ବିପୁଳ ଆର୍ଥିକ କ୍ଷତିର ସମ୍ମୁଖୀନ ହେବେ। ତେବେ ଏ ନେଇ ଜାତିସଂଘଙ୍କ ପକ୍ଷରୁ ଜାରି ରିପୋର୍ଟରେ ଭାରତ ଓ ଚୀନ ଏଭଳି ପରିସ୍ଥିତିରୁ କିପରି ମୁକ୍ତ ରହିବେ ସେ ନେଇ ବିସ୍ତୃତ ବ୍ୟାଖ୍ୟା କରିନାହାନ୍ତି। ସିଓଭିଆଇଡି-୧୯ ସଂକଟ ଯୋଗୁ ବିଶ୍ୱର ଦୁଇ ତୃତୀୟାଂଶ ଦେଶ ଏବେ ଅଭୂତପୂର୍ବ ଆର୍ଥିକ ସଂକଟର ସମ୍ମୁଖୀନ ହୋଇଛନ୍ତି। ଏଣୁ ଏଭଳି ଦେଶଙ୍କ ନିମନ୍ତେ ଜାତିସଂଘ ୨ହଜାର ୫୦୦ କୋଟି ଟଙ୍କାର ରିଲିଫ ସୁପାରିସ ମଧ୍ୟ କରିଛନ୍ତି।

{"id":246985,"sizeSlug":"large"}

ଯୁକ୍ତରାଷ୍ଟ୍ର ବ୍ୟାପାର ଓ ବିକାଶ ସମ୍ମିଳନୀ (ୟୁଏନସିଟିଏଡି)ଙ୍କ ଏକ ବିଶ୍ଲେଷଣରେ କରୋନା ସଂକ୍ରମଣରେ ବିଶ୍ୱର ଦୁଇ ତୃତୀୟାଂଶ ଜନସଂଖ୍ୟା ପ୍ରଭାବିତ ହେବା ନେଇ ଆଶଙ୍କା କରାଯାଇଥିବା ବେଳେ ଆଗାମୀ ୨ ବର୍ଷରେ ବିକାଶଶୀଳ ଦେଶମାନେ ବିଦେଶରୁ ପାଉଥିବା ୨ରୁ ୩ ବିଲିୟନ ଡଲାରର ନିବେଶ ହରାଇପାରନ୍ତି ବୋଲି ଆଶଙ୍କା କରିଛନ୍ତି ।

{"id":246986,"width":580,"height":265,"sizeSlug":"large"}

ୟୁଏନସିଟିଏଡି କହିଛନ୍ତି ଯେ ଚୀନ ଉପୁଜିଥିବା ପରିସ୍ଥିତିର ମୁକାବିଲା ଲାଗି ମୋଟା ରକମର ପ୍ୟାକେଜ୍ ଘୋଷଣା କରିଛି। ଚୀନ ଅର୍ଥବ୍ୟବସ୍ଥାକୁ ସାହାରା ଦେବାକୁ ଏହି ପ୍ୟାକେଜ୍ ଯଥେଷ୍ଟ ହେବ ବୋଲି ଜି-୨୦ ଆକଳନ କରିଛନ୍ତି। ଏଣୁ ଜାତି ସଂଘ କରୋନାକୁ ଅଭୂତପୂର୍ବ ସଂକଟ ବୋଲି କହିଥିବା ବେଳେ ଏଥିଲାଗି ଅବୂତପୂର୍ବ ନିଷ୍ପତ୍ତି ନେବାକୁ ପଡିପାରେ ବୋଲି ମଧ୍ୟ କହିଛନ୍ତି।