Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୭୦ କୋଭିଡ୍ ପଜିଟିଭ୍, ୩୩୭୭୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ନୂଆପଡ଼ା : ହଳଦି ଗାଁରେ ପୁଣି ଥରେ ବାଘ ଆତଙ୍କ, ଭୟରେ ଗ୍ରାମବାସୀ
  • ||
  • ପାକିସ୍ତାନରେ ହିନ୍ଦୁ ପରିବାରର ୫ ସଦସ୍ୟଙ୍କୁ ହତ୍ୟା ! ସନ୍ଦେହଜନକ ଅବସ୍ଥାରେ ମିଳିଲା ମୃତଦେହ
  • ||
  • ମୋହନା : ଅନ୍ଧବିଶ୍ୱାସର ଭୟଙ୍କର ରୂପ, ସୁସ୍ଥ ରହିବା ପାଇଁ ଏବେବି ଶିଶୁଙ୍କୁ ଦିଆଯାଉଛି ଚେଙ୍କ
  • ||
  • ଭିସୁଟର ୪୦ ଛାତ୍ର କୋଭିଡ୍ ପଜିଟିଭ୍ ମାମଲା : କମ୍ପାନୀର ଦାବି-‘ଆଣ୍ଟିଜେନ୍ କିଟରେ ତ୍ରୁଟି ନଥିଲା’
  • ||
  • ସୋନପୁର : ପଡୋଶୀଙ୍କ ସହ କଥା କଟାକଟିରୁ ଫୁଟିଲା ଗୁଳି, ଜଣେ ମୃତ
  • ||
  • ଚଣ୍ଡିଖୋଲ : ଗୋଷ୍ଠୀ ସଂଘର୍ଷର ସମାଧାନ ପାଇଁ ଯାଇଥିବା ପୋଲିସକୁ ବାନ୍ଧିଲେ ଏବଂ ୨ଟି ଜିପ୍ ଜାଳିଦେଲେ ଉତ୍ତ୍ୟକ୍ତ ଲୋକେ
  • ||

କରୋନା ଯୋଗୁ ମାନ୍ଦାବସ୍ଥାକୁ ଚାଲିଯିବ ବିଶ୍ୱ ଅର୍ଥନୀତି, ବର୍ତ୍ତିଯିବେ ଚୀନ ଓ ଭାରତ: UN

31/03/2020 at 5:02 PM

ନ୍ୟୁୟର୍କ: କରୋନା ସଂକ୍ରମଣ ବିଶ୍ୱ ଅର୍ଥନୀତିକୁ ଗୁରୁତର ପ୍ରଭାବିତ କରିବ। ଏହି ଆଶଙ୍କା ବ୍ୟକ୍ତ କରିଛନ୍ତି ଜାତି ସଂଘ। ସମଗ୍ର ଅର୍ଥବ୍ୟବସ୍ଥା ମାନ୍ଦାବସ୍ଥାକୁ ଚାଲିଯିବା ଭଳି ଏବେ ପରିସ୍ଥିତି ସୃଷ୍ଟି କରିଛି ଭୂତାଣୁ ସଂକ୍ରମଣ। ତେବେ ଏଥିରୁ ଭାରତ ଓ ଚୀନ ମୁକ୍ତ ରହିପାରନ୍ତି ବୋଲି ଜାତି ସଂଘ ଆଶାବ୍ୟକ୍ତ କରିଛନ୍ତି। 

କରୋନା ଯୋଗୁ ବିଶ୍ୱବ୍ୟାପି ନିଆଯାଉଥିବା ପଦକ୍ଷପ ଯୋଗୁ ବିକାଶୋନ୍ମୁଖୀ ଦେଶମାନେ ବିପୁଳ ଆର୍ଥିକ କ୍ଷତିର ସମ୍ମୁଖୀନ ହେବେ। ତେବେ ଏ ନେଇ ଜାତିସଂଘଙ୍କ ପକ୍ଷରୁ ଜାରି ରିପୋର୍ଟରେ ଭାରତ ଓ ଚୀନ ଏଭଳି ପରିସ୍ଥିତିରୁ କିପରି ମୁକ୍ତ ରହିବେ ସେ ନେଇ ବିସ୍ତୃତ ବ୍ୟାଖ୍ୟା କରିନାହାନ୍ତି। ସିଓଭିଆଇଡି-୧୯ ସଂକଟ ଯୋଗୁ ବିଶ୍ୱର ଦୁଇ ତୃତୀୟାଂଶ ଦେଶ ଏବେ ଅଭୂତପୂର୍ବ ଆର୍ଥିକ ସଂକଟର ସମ୍ମୁଖୀନ ହୋଇଛନ୍ତି। ଏଣୁ ଏଭଳି ଦେଶଙ୍କ ନିମନ୍ତେ ଜାତିସଂଘ ୨ହଜାର ୫୦୦ କୋଟି ଟଙ୍କାର ରିଲିଫ ସୁପାରିସ ମଧ୍ୟ କରିଛନ୍ତି।

ଯୁକ୍ତରାଷ୍ଟ୍ର ବ୍ୟାପାର ଓ ବିକାଶ ସମ୍ମିଳନୀ (ୟୁଏନସିଟିଏଡି)ଙ୍କ ଏକ ବିଶ୍ଲେଷଣରେ କରୋନା ସଂକ୍ରମଣରେ ବିଶ୍ୱର ଦୁଇ ତୃତୀୟାଂଶ ଜନସଂଖ୍ୟା ପ୍ରଭାବିତ ହେବା ନେଇ ଆଶଙ୍କା କରାଯାଇଥିବା ବେଳେ ଆଗାମୀ ୨ ବର୍ଷରେ ବିକାଶଶୀଳ ଦେଶମାନେ ବିଦେଶରୁ ପାଉଥିବା ୨ରୁ ୩ ବିଲିୟନ ଡଲାରର ନିବେଶ ହରାଇପାରନ୍ତି ବୋଲି ଆଶଙ୍କା କରିଛନ୍ତି ।

ୟୁଏନସିଟିଏଡି କହିଛନ୍ତି ଯେ ଚୀନ ଉପୁଜିଥିବା ପରିସ୍ଥିତିର ମୁକାବିଲା ଲାଗି ମୋଟା ରକମର ପ୍ୟାକେଜ୍ ଘୋଷଣା କରିଛି। ଚୀନ ଅର୍ଥବ୍ୟବସ୍ଥାକୁ ସାହାରା ଦେବାକୁ ଏହି ପ୍ୟାକେଜ୍ ଯଥେଷ୍ଟ ହେବ ବୋଲି ଜି-୨୦ ଆକଳନ କରିଛନ୍ତି। ଏଣୁ ଜାତି ସଂଘ କରୋନାକୁ ଅଭୂତପୂର୍ବ ସଂକଟ ବୋଲି କହିଥିବା ବେଳେ ଏଥିଲାଗି ଅବୂତପୂର୍ବ ନିଷ୍ପତ୍ତି ନେବାକୁ ପଡିପାରେ ବୋଲି ମଧ୍ୟ କହିଛନ୍ତି।

   Related Posts