Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

ଧୋନୀଙ୍କ ଗ୍ଲୋଭ୍ସରେ ଦେଖିବାକୁ ମିଳିଲା ଏହି ଚିହ୍ନ : ଅନ୍ୟ କୌଣସି କ୍ରିକେଟ ଖେଳାଳିଙ୍କ ପାଖରେ ଦମ ନାହିଁ ଏହି ଚିହ୍ନ ବ୍ୟବହାର କରିବାର

6/06/2019 at 3:43 PM

ସାଉଥେମ୍ପଟନରେ ଟିମ ଇଣ୍ଡିଆ ଶାନଦାର ଜିତ ହାସଲ କରିଛି । କ୍ରିକେଟ ମହାକୁମ୍ଭରେ ଲଗାତାର ପରାଜୟର ସାମ୍ନା କରିଥିବା ସାଉଥ ଆଫ୍ରିକା ଟିମକୁ ବିରାଟ ବ୍ରିଗେଡ ମଧ୍ୟ ମାତ ଦେଇଛି । ବୁଧବାର ଦିନ ଭାରତ ଏବଂ ସାଉଥ ଆଫ୍ରିକା ମଧ୍ୟରେ ମ୍ୟାଚ ଖେଳାଯାଇଥିଲା । ଏଥିରେ ଭାରତ ୬ ୱିକେଟରେ ବିଜୟ ହାସଲ କରିଥିଲା ।

ମ୍ୟାଚରେ ରୋହିତ ଶର୍ମା ୧୨୨ ରନ କରିଥିବାବେଳେ ୟୁଜବେନ୍ଦ୍ର ଚହଲ ୫୧ ରନରେ ୪ ୱିକେଟ ନେଇଥିଲେ । ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା ଧୋନୀଙ୍କ ଗ୍ଲୋଭ୍ସ । ତାଙ୍କ ଗ୍ଲୋଭ୍ସରେ ଏକ ନିଆରା ଚିହ୍ନ ଦେଖିବାକୁ ମିଳିଥିଲା । ଏହି ଚିହ୍ନ ସମସ୍ତେ ବ୍ୟବହାର କରିପାରିବେ ନାହିଁ । ଏହି ଚିହ୍ନ ବା ବ୍ୟାଚ ଭାରତୀୟ ପାରା କମାଣ୍ଡୋ ବାହିନୀ ବ୍ୟବହାର କରିଥାନ୍ତି । ଏହି ବ୍ୟାଚକୁ ବଳିଦାନ ବ୍ୟାଚ ବୋଲି କୁହାଯାଏ ।

ବଳିଦାନ ବ୍ୟାଚ କ’ଣ ?

ପାରାଶୁଟ୍ ରେଜିମେଣ୍ଟର ବିଶେଷବଳଙ୍କ ଅଲଗା ବ୍ୟାଚ ବା ଚିହ୍ନ ରହିଥାଏ । ଏହି ବ୍ୟାଚକୁ ବଳିଦାନ ବ୍ୟାଚ ବୋଲି କୁହାଯାଏ । ଏହି ବ୍ୟାଚରେ ବଳିଦାନ ଶବ୍ଦକୁ ଦେବନାଗରୀ ଲିପିରେ ଲେଖାଯାଇଛି । ଏହି ବ୍ୟାଚ ରୂପାରେ ତିଆରି । ବ୍ୟାଚର ଉପର ଭାଗରେ ଲାଲ ପ୍ଲାଷ୍ଟିକର ଏକ ଆବରଣ ଥାଏ । ଏହି ବ୍ୟାଚ କେବଳ ପାରା କମାଣ୍ଡୋ ବ୍ୟବହାର କରିଥାନ୍ତି ।

ଭାରତୀୟ କ୍ରିକେଟର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀଙ୍କୁ ୨୦୧୧ ମସିହାରେ ତାଙ୍କ ପ୍ରତିଷ୍ଠା ପାଇଁ ପ୍ରାଦେଶିକ ସେନା ମାନଦ ଲେଫ୍ଟେନେଣ୍ଟ କର୍ଣ୍ଣଲ ରେଙ୍କ ଦିଆଯାଇଥିଲା । ଏହି ସମ୍ମାନ ପାଇବାରେ ଧୋନୀ ଦ୍ୱିତୀୟ କ୍ରିକେଟ ଖେଳାଳି । ତାଙ୍କ ପୂର୍ବରୁ କପିଳ ଦେବଙ୍କୁ ଏହି ସମ୍ମାନ ଦିଆଯାଇଥିଲା । ଧୋନୀ ପାରା ବେଶିକ କୋର୍ସ କରିଛନ୍ତି । ସେ ପାରା ଟପ୍ପର ୱିଙ୍ଗ୍ ପିନ୍ଧନ୍ତି । ଧୋନୀ ପ୍ରାଦେଶିକ ସେନାର ୧୦୬ ପାରାଶୁଟ୍ ରେଜିମେଣ୍ଟରେ ମାନଦ ଲେଫ୍ଟେନେଣ୍ଟ କର୍ଣ୍ଣଲଙ୍କ ଭାବେ ନିଜ ରେଙ୍କ ସାବ୍ୟସ୍ତ କରି ଦେଖାଇଥିଲେ ।

୨୦୧୫ ମସିହା ଅଗଷ୍ଟରେ ଧୋନୀ ପାରା ପ୍ରଶିକ୍ଷଣରେ ଟପ୍ପର ହୋଇଥିଲେ । ଆଗ୍ରାର ପାରା ଟପ୍ପର ଟ୍ରେନିଂ ସ୍କୁଲରେ ଭାରତୀୟ ବାୟୁସେନାର ଏଏନ-୩୨ ବିମାନରୁ ୫ମ ଥର ଡେଇଁବା ପରେ ତାଙ୍କୁ ପ୍ରତିଷ୍ଠିତ ପାରା ୱିଙ୍ଗ ପ୍ରତୀକ ଚିହ୍ନ ଲଗାଇବାର ଅଧିକାର ପ୍ରାପ୍ତ ହୋଇଥିଲା ।  ଧୋନୀ ୧୨୫୦ ଫୁଟ୍ ଉଚ୍ଚରୁ ଡେଇଁଥିଲେ । ଗୋଟିଏ ମିନିଟରୁ କମ ସମୟ ମଧ୍ୟରେ ମାଲପୁରା ଡ୍ରପିଙ୍ଗ ଜୋନ୍ ନିକଟରେ ସଫଳତାପୂର୍ବକ ଅବତରଣ କରିଥିଲେ ।

୨୦୧୧ ମସିହା ନଭେମ୍ବରରେ ଧୋନୀଙ୍କୁ ପ୍ରାଦେଶିକ ସେନାରେ ଲେଫ୍ଟେନେଣ୍ଟ କର୍ଣ୍ଣଲ ମାନଦ ରେଙ୍କରେ ସମ୍ମାନିତ କରାଯାଇଥିଲା । ସେତେବେଳେ ସେ କହିଥିଲେ ଯେ, ସେ ସେନା ଅଧିକାରୀ ହେବାକୁ ଚାହୁଁଛନ୍ତି । କିନ୍ତୁ ଭାଗ୍ୟ ତାଙ୍କୁ କ୍ରିକେଟ ଖେଳାଳି କରିଥିଲେ ।

   Related Posts