Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଗିରଫ
  • ||
  • ମିର୍ଜାପୁରରେ କଂଗ୍ରେସ ନେତା ଦିଗ୍‌ବିଜୟ ସିଂହଙ୍କ ବଡ଼ ବୟାନ, କହିଲେ- ପାକିସ୍ତାନ ଯିବାକୁ ଚାହୁଁଛି
  • ||
  • ରାଜନୀତିରେ ପ୍ରବେଶ କଲେ ସୁପରଷ୍ଟାର୍ ରଜନୀକାନ୍ତ
  • ||
  • ବଢିଲା LPG ସିଲିଣ୍ଡର ଦର ଏବେ ବିନା ସବସିଡି ଉପଭୋକ୍ତାଙ୍କୁ ଦେବାକୁ ପଡିବ ଅଧିକ ୫୦ଟଙ୍କା
  • ||
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||

ଭାରତ ହାରିବା ପଛରେ ଅମ୍ପାୟାରଙ୍କ ଭୁଲ ନିଷ୍ପତ୍ତି ମଧ୍ୟ ଦାୟୀ, ଧୋନୀଙ୍କ ରନ ଆଉଟ ନେଇ ବିବାଦ

11/07/2019 at 11:33 AM

ମାଞ୍ଚେଷ୍ଟର ୧୧|୭: ସେମିଫାଇନାଲରେ ନ୍ୟୁଜିଲ୍ୟାଣ୍ଡଠାରୁ ୧୮ରନ୍ ରେ ହାରିବା ପରେ ଭାରତୀୟ ଟିମ୍ ବିଶ୍ବକପ୍ ୨୦୧୯ରୁ ବାହାରିଯାଇଛି । କମ୍ ସ୍କୋର ହୋଇଥିବା ଏହି ମ୍ୟାଚ୍ ରେ ଭାରତୀୟ ଟିମ୍ ର ପରାଜୟ ପରେ ପୁଣି ଖରାପ ଅମ୍ପାୟରିଂକୁ ନେଇ ପ୍ରଶ୍ନ ଉଠିଛି । ପୁରା ବିଶ୍ବକପ୍ ରେ ଖରାପ ଅମ୍ପାୟରିଂକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଥିବା ବେଳେ ଭାରତ ଏବଂ ନ୍ୟୁଜିଲ୍ୟାଣ୍ଡ ମ୍ୟାଚ୍ ରେ ଖରାପ ଅମ୍ପାୟରିଂକୁ ଦାୟୀ କରାଯାଉଛି । ଯାହା ଟିମ୍ ଇଣ୍ଡିଆ ପାଇଁ ମହଙ୍ଗା ସାବ୍ୟସ୍ତ ହୋଇଥିଲା । ରବୀନ୍ଦ୍ର ଜାଡେଜାଙ୍କ  ଆକର୍ଷଣୀୟ ସ୍କୋର ସତ୍ତ୍ବେ ଟପ୍ ଅର୍ଡରର ନୈରାଶ୍ୟଜନକ ପ୍ରଦର୍ଶନ ଯୋଗୁଁ ନ୍ୟୁଜିଲ୍ୟାଣ୍ଡଠାରୁ ୧୮ରନ୍ ଭାରତକୁ ପରାସ୍ତ ହେବାକୁ ପଡିଛି । ପରାଜୟ ଯୋଗୁଁ ବିଶ୍ବକପ୍ ରୁ ମଧ୍ୟ ଭାରତରୁ ବିଦାୟ ନେବାକୁ ପଡିଛି ।

ନ୍ୟୁଜିଲ୍ୟାଣ୍ଡଠାରୁ ଭାରତ ହାରିବା ପରେ ମହେନ୍ଦ୍ର ସିଂ ଧୋନୀଙ୍କ ରନ୍ ଆଉଟ୍ କୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଭାରତକୁ ଶେଷ ଦୁଇ ଓଭରରେ ୩୧ ରନ ର ଆବଶ୍ୟକତା ରହିଥିଲା । ଫର୍ଗୁସନଙ୍କ ପ୍ରଥମ ବଲ୍ ରେ ଛକା ମାରିବା ପରେ ଦ୍ବିତୀୟ ବଲରୁ ଦୁଇ ରନ୍ ନେବା ପାଇଁ ପ୍ରୟାସ କରୁଥିବା ବେଳେ ମାର୍ଟିନ ଗୁପ୍ଟିଲ ତାଙ୍କୁ ରନ୍ ଆଉଟ୍ କରିଥିଲେ ।  ଖୁବ୍ ଦ୍ରୁତ ଗତିରେ ଦୌଡି ରନ୍ ନେବାରେ ପାରଙ୍ଗମ ଥିବା ଧୋନୀ ତାଙ୍କ କ୍ୟାରିୟରର ପ୍ରଥମ ମ୍ୟାଚ୍ ରେ ମଧ୍ୟ ରନ୍ ଆଉଟ୍ ହୋଇଥିଲେ । ଫର୍ଗୁସନଙ୍କ ଯେଉଁ ବଲ୍ ରେ ଧୋନୀ ଆଉଟ୍ ହୋଇଥିଲେ ତା ପୂର୍ବରୁ ଟିଭିରେ ନ୍ୟୁଜିଲ୍ୟାଣ୍ଡର ଫିଲ୍ଡିଂର ଗ୍ରାଫ ଦେଖାଯାଇଥିଲା । ଯେଉଁଥିରେ ୬ଜଣ ଖେଳାଳି ୩୦ ୟାର୍ଡ ସର୍କଲ ବାହାରେ ଛିଡା ହୋଇଥିବା ଦେଖାଦେଇଥିଲା । ଆଇସିସିର ନିୟମ ଅନୁସାରେ ତୃତୀୟ ପାଓ୍ବାର ପ୍ଲେରେ ୫ରୁ ଅଧିକ ଫିଲ୍ଡର ୩୦ୟାର୍ଡ ସର୍କଲରୁ ବାହାରେ ଛିଡା ହେବାକଥା ନୁହେଁ । ମାତ୍ର ଷ୍ଟାର ସ୍ପୋର୍ଟସ୍ ଚ୍ୟାନେଲରେ ଦେଖାଯାଉଥିବା ଲାଇଭ୍ ଗ୍ରାଫ ଅନୁଯାୟୀ ୬ଜଣ ଖେଳାଳି ସର୍କଲ ବାହାରେ ଛିଡା ହୋଇଥିବା ଦେଖାଯାଇଥିଲା । ଏମିତିରେ ଅମ୍ପୟାରଙ୍କୁ ଏହାକୁ ନୋ ବଲ୍ କରିବାର ଥିଲା ।

ନୋ ବଲ୍ ରେ ମଧ୍ୟ ଖେଳାଳି ରନ୍ ଆଉଟ୍ ହୋଇଥାଏ । ମାତ୍ର ଯଦି ମାର୍ଟିନ ଗୁପ୍ଟିଲ ୩୦ ଗଜ ସର୍କଲ ଭିତରେ ଥାଆନ୍ତେ ତେବେ ଧୋନୀ ମାତ୍ର ଗୋଟିଏ ରନ୍ ନେଇଥାନ୍ତେ ।

ସୂଚନାଯୋଗ୍ୟ ଯେ, ଭାରତ ନିକଟରେ ୨୪୦ ରନ୍ ର ଲକ୍ଷ୍ୟ ଥିଲା । ଟପ୍ ଅର୍ଡର ବ୍ୟାଟିଂ ବିପର୍ଯ୍ୟୟ କାରଣରୁ ନ୍ୟୁଜିଲ୍ୟାଣ୍ଡଠାରୁ ଭାରତ ହାରିଲା । ମାତ୍ର ରବୀନ୍ଦ୍ର ଜାଡେଜା ୫୯ ବଲରୁ ୭୭ ରନ୍ ଏବଂ ମହେନ୍ଦ୍ର ସିଂ ଧୋନୀ ୭୨ ବଲରୁ ୫୦ ରନ୍ ସଂଗ୍ରହ କରି ୭ମ ଓ୍ବିକେଟ୍ ପାଇଁ ୧୧୬ ରନ୍ ଯୋଗକରି ମ୍ୟାଚ୍ କୁ ଶେଷ ଓଭର ପର୍ଯ୍ୟନ୍ତ ବଞ୍ଚାଇ ରଖିଥିଲେ ।  ଧୋନୀ ଆଉଟ୍ ହେବା ପରେ ମ୍ୟାଚ୍ ର ସ୍ଥିତି ବଦଳି ଯାଇଥିଲା । ଭାରତୀୟ ଖେଳାଳି ଚାପରେ ଆସି ମାତ୍ର ୧୩ ରନ୍ ରେ ଶେଷ ୪ଟି ଓ୍ବିକେଟ୍ ହରାଇଥିଲେ । ଫଳରେ ନ୍ୟୁଜିଲ୍ୟାଣ୍ଡ ଫାଇନାଲରେ ନିଜ ସ୍ଥାନ ପକ୍କା କରିବାରେ ସକ୍ଷମ ହୋଇଛି ।

   Related Posts