ମୋହନା ୨୪।୧୨ : ଗଜପତି ଜିଲ୍ଲା ମୋହନା ବନ ବିଭାଗ ପକ୍ଷରୁ ଚଢାଉ କରାଯାଇଛି । ଏହି ଚଢାଉରେ  ଏକ ମିନି ଟ୍ରକ ସହ କାଠ ଗଣ୍ଡ ଜବତ କରାଯାଇଛି । ଜବତ କାଠର ମୁଲ୍ୟ ଲକ୍ଷାଧିକ ଟଙ୍କା ହେବ ବୋଲି ବନ ବିଭାଗ ପକ୍ଷରୁ ସୂଚନା ମିଳିଛି ।

ଖବର ଅନୁଯାୟୀ, ଗତ କାଲି ବିଳମ୍ବିତ ରାତିରେ ଚଢ଼ିଆପଦା ଅଞ୍ଚଳରେ ମୋହନା ବନ ବିଭାଗ ପକ୍ଷରୁ ପେଟ୍ରୋଲିଂ ଚାଲିଥିଲା । ଏହି ସମୟରେ ଏକ ମିନି ଟ୍ରକ ରାସ୍ତା ପାର୍ଶ୍ୱରେ ଥିବା ବେଳେ ଏହାକୁ ଯାଞ୍ଚ କରିଥିଲେ ବନ କର୍ମଚାରୀ । ଯାଞ୍ଚ ପରେ ଟ୍ରକରୁ ୧୫ଟି ମୂଲ୍ୟବାନ କାଠ ଗଣ୍ଡି ଥିବା ଜଣାପଡିଥିଲା।  କାଠ ମାଫିଆ ଗାଡିକୁ ଛାଡି ଘଟଣା ସ୍ଥଳରୁ ଚମ୍ପଟ ମାରିଛନ୍ତି । ସେପଟେ ଅଭିଯୁକ୍ତକୁ ଧରିବା ପାଇଁ ସେହି ଅଞ୍ଚଳରେ ଚଢ଼ାଉ ଜାରି ରହିଥିବା ସୂଚନା ଦେଇଛନ୍ତି ମୋହନା ବନାଞ୍ଚଳ ଅଧିକାରୀ ।