Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଟବଲର ଡିଏଗୋ ମାରାଡୋନାଙ୍କ ପରଲୋକ, ୩ ଦିନ ପୂର୍ବେ ପାଳିଥିଲେ ୬୦ତମ ଜୟନ୍ତୀ
  • ||
  • ଦୈନିକ ଆକ୍ରାନ୍ତ ତୂଳନାରେ ଆଜି କମିଲା ସୁସ୍ଥ ସଂଖ୍ୟା, ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୭୨୮
  • ||
  • ଯୋଡାମୁଣ୍ଡ ଶିଶୁ କାଳିଆର ମୃତ୍ୟୁ, ଏସସିବିରେ ଦୀର୍ଘ ଦିନ ଧରି ଥିଲେ ଚିକିତ୍ସାଧୀନ, ସୁସ୍ଥ ଅଛି ଜଗା
  • ||
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||

ୟୁଟ୍ୟୁବରୁ ଶିଖି ମହୁଆ ମଦରୁ ସାନିଟାଇଜର ପ୍ରସ୍ତୁତ କଲେ ଆଦିବାସୀ ମହିଳା ଗୋଷ୍ଠୀ

29/04/2020 at 3:33 PM

ଭୋପାଳ ୨୯।୪: ମହୁଆର ଦେଶ ମଦ ପାଇଁ ମଦ୍ୟପ୍ରଦେଶରେ ଅଲିରାଜପୁର ଏବଂ ଝାବୁଆ ଅଞ୍ଚଳ ପ୍ରଥମରୁ ହିଁ ପ୍ରସିଦ୍ଧ ଥିଲା । ବର୍ତ୍ତମାନ ଏଠାକାର ଆଦିବାସୀମାନେ ଆଉ ଏକ ପ୍ରଶଂସନୀୟ କାମ କରି ଦେଖାଇଛନ୍ତି । ସେମାନେ ମହୁଆରୁ ହିଁ ସାନିଟାଇଜର ତିଆରି କରିଛନ୍ତି । ଯାହାର ୨୦୦ ମି.ଲି. ବୋତଲର ମୂଲ୍ୟ ମାତ୍ର ୭୦ ଟଙ୍କା ଥିବାବେଳେ ସମାନ ପରିମାଣର ସାନିଟାଇଜର ବଜାରରେ ପ୍ରାୟ ୩୦୦ ଟଙ୍କାରେ ବିକ୍ରି ହେଉଛି ।

କୋଭିଡ-୧୯ ର ମୁକାବିଲା ପାଇଁ ସମସ୍ତେ ନିଜ ନିଜ ସାମର୍ଥ୍ୟରେ ଲଢେଇ ଜାରି ରଖିଛନ୍ତି । ଏହି ଯୁଦ୍ଧରେ ସାନିଟାଇଜର ଏକ ବଡ ଅସ୍ତ୍ର ଭାବେ ଉଭା ହୋଇଛି । ମଧ୍ୟପ୍ରଦେଶ ଅଲିରାଜପୁର ଜିଲ୍ଲାର ୧୦ ଜଣ ଆଦିବାସୀ ମହିଳାଙ୍କ ଏକ ଗୋଷ୍ଠୀ ୟୁଟ୍ୟୁବରେ ସାନିଟାଇଜର ତିଆରି କରିବା ଶିଖିଲେ । ମାତ୍ର ଯେତେବେଳେ ଆଲକୋହଲ ଅଭାବ ଦେଖାଦେଲା ସେତେବେଳେ ସେମାନେ ମହୁଆ ମଦରୁ ସାନିଟାଇଜର ତିଆରି କରିବା ସହ ଏହାକୁ ଶସ୍ତା ଲୋକଙ୍କୁ ବିକ୍ରି କରିବା ଆରମ୍ଭ କରିଥିଲେ । ସ୍ବାସ୍ଥ୍ୟ ବିଭାଗ ମଧ୍ୟ ସେମାନଙ୍କର ମହୁଆ ସାନିଟାଇଜରକୁ ଯାଞ୍ଚ ପରେ ଉପଯୋଗୀ ବୋଲି କହିଛି ।

ମଧ୍ୟପ୍ରଦେଶର ଆଦିବାସୀ ବହୁଳ ଅଲିରାଜପୁର ଜିଲ୍ଲାର ଧାମଣ୍ଡା ଗାଁର ସ୍ବୟଂ ସହାୟକ ଗୋଷ୍ଠୀର ୧୦ ଜଣ ମହିଳା ପ୍ରଥମେ ମୋବାଇଲରେ ୟୁଟ୍ୟୁବରୁ ସାନିଟାଇଜର ତିଆରି କରିବା ଶିଖିଲେ । କିନ୍ତୁ ଯେତେବେଳେ ମଦ ବନ୍ଦ ହୋଇଗଲା ସେମାନେ ସେହି ଅଞ୍ଚଳରେ ସହଜରେ ଉପଲବ୍ଧ ମହୁଆରୁ ବାଷ୍ପୀକରଣ ପଦ୍ଧତିରେ ମଦ ପ୍ରସ୍ତୁତ କରି ସେଥିରୁ ମହୁଆ ସାନିଟାଇଜର ତିଆରି କରିଲେ । ଏହାକୁ ସେମାନେ ଶସ୍ତା ମୂଲ୍ୟରେ ଉପଲବ୍ଧ କରାଉଛନ୍ତି ।

ଏମାନଙ୍କ ଦ୍ବାରା ପ୍ରସ୍ତୁତ ସାନିଟାଇଜରକୁ ପ୍ରଥମେ ସ୍ଥାନୀୟ ସ୍ବାସ୍ଥ୍ୟ ବିଭାଗର ଡାକ୍ତରଙ୍କ ଦ୍ବାରା ପରୀକ୍ଷା କରାଯାଇଥିଲା ଏବଂ ସମସ୍ତ ମାନଦଣ୍ଡ ପୂରଣ କରିବାରେ ସକ୍ଷମ ହେବାରୁ ପ୍ରମାଣପତ୍ର ପାଇବା ପରେ ଏହାର ବଜାରରେ ବିକ୍ରି ଆରମ୍ଭ କରାଯାଇଥିଲା ।

ଏହାକୁ ତିଆରି କରିବା ପାଇଁ ଫିଟିକିରି, ନିମ୍ବ ପତ୍ର, ତୁଳସୀ ପତ୍ର ଏବଂ ଗୋଲାପ ଜଳ ମଧ୍ୟ ବ୍ୟବହାର କରାଯାଇଛି । ଏହାର ମୂଲ୍ୟ ୬୦ ରୁ ୬୫ ଟଙ୍କା । କିନ୍ତୁ ଏହାକୁ ୭୦ ଟଙ୍କାରେ ବିକ୍ରି କରାଯାଉଛି । ବ୍ୟାଙ୍କ, ସ୍କୁଲ ଇତ୍ୟାଦି ସରକାରୀ ଅନୁଷ୍ଠାନରେ ଏହି ସାନିଟାଇଜର ସପ୍ଲାଏ କରାଯାଉଛି ।

   Related Posts