Sunday, September 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

୧୨ ବର୍ଷର ପୁଅକୁ ସାଙ୍ଗରେ ଧରି ଓଭରବ୍ରିଜ ଉପରୁ ଡେଇଁ ଆତ୍ମହତ୍ୟା ଉଦ୍ୟମ ବେଳେ ମହିଳା ଉଦ୍ଧାର, ଜାଣନ୍ତୁ କାରଣ କଣ…

ସୋର ୧୨।୯: ସୋର ଓଭର ବ୍ରିଜ୍ ଉପରୁ ମହିଳା ଓ ଶିଶୁ ଡେଇଁ ଆତ୍ମହତ୍ୟା ଉଦ୍ୟମ କରୁଥିବାବେଳେ ତାଙ୍କୁ ଜଣେ ଯୁବକ ଉଦ୍ଧାର କରି ପୁଲିସକୁ ହସ୍ତାନ୍ତର କରିଛନ୍ତି। ଡାକ୍ତର ଦେଇଥିବା ପୁଅର ପ୍ରେସକ୍ରିପସନ ହଜିବାକୁ କେନ୍ଦ୍ର କରି ବେଙ୍ଗଲୋରରେ ରହୁଥିବା ସ୍ବାମୀଙ୍କ ସହିତ ପାଟିତୁଣ୍ଡ ଆତ୍ମହତ୍ୟା ଉଦ୍ୟମର କାରଣ ବୋଲି ଜଣାପଡିଛି।

ସୋର ଥାନା ତେଣ୍ଟେଇ କାନପୁର ଗ୍ରାମର ଶିବ ପ୍ରସାଦ ବେହେରା ଙ୍କ ସ୍ତ୍ରୀ ସୁବାସିନୀ ବେହେରା ନିଜ ୧୨ ବର୍ଷର ପୁଅ ସହିତ  ଉତ୍ତରେଶ୍ଵର ଓଭରବ୍ରିଜ ଉପରୁ ଡେଇଁ ଆତ୍ମହତ୍ୟା ଉଦ୍ୟମ କରୁଥିଲେ। ଶିବଙ୍କ ବଡପୁଅ ଆୟୁଷଙ୍କୁ ଦୀର୍ଘ ଦିନ ଧରି  ବାନ୍ତି ହେଉଥିଲା । ପୁଅର ପ୍ରେସକ୍ରିପସନ ହଜିଯିବାରୁ ବାଙ୍ଗାଳୁରୁରେ ରହୁଥିବା ସ୍ବାମୀ ମୋବାଇଲରେ ବିରକ୍ତି ପ୍ରକାଶ କରିଥିଲେ ।ଏଥିରେ ଦୁଃଖୀ ହୋଇ ସ୍ତ୍ରୀ ସୁବାସିନୀ ଏଭଳି ପଦେକ୍ଷପ ନେଉଥିଲା।

ସୁବାସିନୀ ଏଭଳି ଆତ୍ମହତ୍ୟା ଉଦ୍ୟମ କରୁଥିବା ବେଳେ ପୁଅ ଆୟୁଷ କାନ୍ଦୁଥିଲେ । ସେହି ସମୟରେ ଓଭରବ୍ରିଜ ଦେଇ ବାଇକ ଯୋଗେ ଯାଉଥିବା ଅନନ୍ତପୁର ଯୁବକ ଦୀପକ କୁମାର ଦାସ ଏହା ଦେଖି ସୁବାସିନୀଙ୍କୁ ଉଦ୍ଧାର କରି ସୋର ପୁଲିସକୁ ହସ୍ତାନ୍ତର କରିଥିଲେ।

1276 Views

   ସମ୍ବନ୍ଧିତ ଖବର