Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ ଦିଗପହଣ୍ଡିରେ ଅପରାଧୀର ଛୁରା ମାଡରେ ଅପରାଧୀ ମୃତ
  • ||
  • ବାଙ୍କୀରେ ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡରେ ଜଣଙ୍କର ମୃତ୍ୟୁ
  • ||
  • କେନ୍ଦୁଝର ନୟାକୋଟରେ ସ୍ତ୍ରୀକୁ ଟାଙ୍ଗିଆରେ ହାଣିଲା ସ୍ବାମୀ
  • ||
  • ଗୁଜୁରାଟରେ ସ୍ତ୍ରୀକୁ ହତ୍ୟା ପରେ ଦୁଇ ସନ୍ତାନ ସହ ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇଦେଲେ ଯୁବକ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୬୯୫ କରୋନା ସଂକ୍ରମିତ
  • ||
  • ଆସୁଛି ଆଉ ଏକ ଲଘୁଚାପ ! ନଭେମ୍ବର ପହିଲାରୁ ପୁଣି ବର୍ଷାର ସମ୍ଭାବନା
  • ||
  • ଆମେରିକୀୟ ନୌସେନା ବିମାନ ଦୁର୍ଘଟଣାଗ୍ରସ୍ତ, ଦୁଇ ପାଇଲଟଙ୍କ ମୃତ୍ୟୁ
  • ||
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

ବୋହୂକୁ ଶ୍ବଶୁର କଲା ଦୁଷ୍କର୍ମ : ଶାଶୁ ଜାଣି ମଧ୍ୟ ରହିଥିଲା ଚୁପ୍, ଗାଁ ଲୋକେ ପୋଲିସରେ ଖବର ଦେବା ପରେ ଅଭିଯୁକ୍ତ ଅଟକ

25/06/2019 at 3:33 PM

ମହାକାଳପଡା ୨୫|୬: ପିଶାଚ ଶ୍ବଶୁର କଲା ବୋହୂକୁ ଦୁଷ୍କର୍ମ । ଦୁଷ୍କର୍ମ ନେଇ ଥାନାରେ ଅଭିଯୋଗ କରିଛନ୍ତି ବୋହୂ । ଏଭଳି ନିନ୍ଦନୀୟ ଘଟଣା ଘଟିଛି କେନ୍ଦ୍ରାପଡା ଜିଲ୍ଲା ଜମ୍ବୁ ମେରାଇନ ଥାନା ବାଲିପାଟ ଗ୍ରାମରେ ।

ସୂଚନା ଯୋଗ୍ୟ ଯେ, କେନ୍ଦ୍ରାପଡା ଜିଲ୍ଲା ଜମ୍ବୁ ମେରାଇନ ଥାନା ବାଲିପାଟ ଗାଁର ଗୋପାଳ ଜାନାଙ୍କ ପୁଅ ରାଜୁ ଜାନା ଗତ ନଅ ବର୍ଷ ପୂର୍ବେ ବୈଦିକ ରିତିରେ ଜ୍ୟୋସ୍ନା ଜାନାଙ୍କୁ ବିବାହ କରିଥିଲେ । ତାଙ୍କର ଦୁଇଟି ଝିଅ ଅଛନ୍ତି । ରାଜୁ ଅନ୍ୟ ଏକ ମହିଳା ସହିତ ସମ୍ପର୍କ ରଖି ଘର ଛାଡି ଚାଲିଯାଇଥିଲେ । ଦୁଇ ଜଣଙ୍କ ମଧ୍ୟରେ ନୋଟାରିରେ ଛାଡପତ୍ର ହୋଇଛି । ଏହାପରେ ଜ୍ୟୋସ୍ନା ବାପଘରେ ରହୁଥିଲା । ତେବେ ଗୋପାଳ ବୋହୂ ଜ୍ୟୋସ୍ନାକୁ ପାଖରେ ଆଣି ରଖିଥିଲେ । ଗତ ଦୁଇ ମାସ ତଳେ ବୋହୂର ଅନିଛା ସତ୍ତ୍ବେ ଶ୍ବଶୁର ଗୋପାଳ ଜ୍ୟୋସ୍ନାକୁ ଦୁଷ୍କର୍ମ କରିଥିଲା ।ଏସବୁ କଥା ଜ୍ୟୋସ୍ନା ଶାଶୁ ଲକ୍ଷ୍ମୀ ଜାନାଙ୍କୁ କହିଥିଲେ । ଶାଶୁ ଲୋକ ଲଜ୍ୟା ଭୟରେ ଏ ବିଷୟ ଲୁଚାଇବା ପାଇଁ କହିଥିଲେ । କିନ୍ତୁ ଏକଥା ଲୁଚି ରହି ନଥିଲା ଶାଶୁ ବୋହୂ ଝଗଡାରୁ କଥା ଜଣାପଡିଥିଲା । ତାପରେ ଗ୍ରାମବାସୀ ଗାଁରେ ପ୍ରଜାର୍କୋଟ କରି ଗୋପାଳକୁ ଆଣି ପଚରାଉଚରା କରି ମାଡ ମାରିବା ପରେ ସବୁ ସତ କଥା ମାନିଥିଲା ଗୋପାଳ । ସେ  ମଦ ନିଶାରେ ଏମିତି କରିଦେଇଥିଲେ ବୋଲି କହିଛନ୍ତି । 

ବାଲିପାଟ ଗ୍ରାମର ପ୍ରଜାକୋର୍ଟ ବସିଥିଲା । ସେଠାରେ ଶ୍ବଶୁର ଏବଂ ବୋହୂ ଉପସ୍ଥିତ ଥିଲେ । ଗ୍ରାମବାସୀମାନେ ମଧ୍ୟ ଉପସ୍ଥିତ ଥିଲେ । ସର୍ବ ସମ୍ମୁଖରେ ଗୋପାଳ ସ୍ବୀକାର କରିଥିଲେ ଯେ, ସେ ମଦ ନିଶାରେ ଭୁଲ କରିଦେଇଛନ୍ତି । ବୋହୂ ଜୋସ୍ନା କହିଥିଲେ ସେ ଏ ବିଷୟରେ ଶାଶୁକୁ କହିଥିଲେ । ଶାଶୁ ମଧ୍ୟ ଘଟଣାକୁ ସ୍ବୀକାର କରିଥିଲେ । ଶାଶୁ କହିଥିଲେ ମୋ ସ୍ବାମୀର ଭୁଲ ପାଇଁ ତାଙ୍କୁ ଦଣ୍ଡ ମିଳୁ ।

ଏହାପରେ ଥାନାରେ ବୋହୁ ଜ୍ୟୋସ୍ନାଙ୍କ ଅଭିଯୋଗ ପରେ ପୋଲିସ ଶାଶୁ ଲକ୍ଷ୍ମୀ ଜାନା ଶ୍ବଶୁର ଗୋପାଳ ଜାନାକୁ ଅଟକ ରଖି ତଦନ୍ତ କରୁଛି ।

   Related Posts