Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁଣ୍ଡଳିରୁ ଭାସି ଯାଇଛି ହାତୀ, ଠାବ ହୋଇପାରିନି ଅବସ୍ଥିତି
  • ||
  • ଅରିନ୍ଦମ ଦାସଙ୍କୁ ଶ୍ରଦ୍ଧାଞ୍ଜଳି, ଗୁରୁତରଙ୍କ ଆସୁ ଆରୋଗ୍ୟ କାମନା କରି ଭଦ୍ରକ ଜିଲ୍ଲା ସାମ୍ବାଦିକଙ୍କ କ୍ୟାଣ୍ଡେଲ ଶୋଭାଯାତ୍ରା
  • ||
  • ଉଦଳା : ନିଜେ ବିଷ ପିଇ ଦୁଇ ଶିଶୁ କନ୍ୟାଙ୍କୁ ପିଆଇଦେଲା, ଚିକିତ୍ସାଧିନ ଅବସ୍ଥାରେ ଚାଲିଗଲା ମା’ର ଜୀବନ
  • ||
  • କଟକ : ମୁଣ୍ଡଳୀରେ ବୋଟ୍ ଦୁର୍ଘଟଣାରେ ସମ୍ବାଦଦାତା ଅରିନ୍ଦମ୍ ଦାସଙ୍କ ଅକାଳ ବିୟୋଗ, ଗଜ ଉଦ୍ଧାର ଖବର ଆଣିବାକୁ ଓଡ୍ରାଫ୍ ଟିମ୍ ସହ ଯାଇଥିଲେ
  • ||
  • କଟକ : ମୁଣ୍ଡଳୀ ବ୍ୟାରେଜରେ ଫସିଥିବା ହାତୀକୁ ଉଦ୍ଧାର ବେଳେ ଓଲଟିଲା ଓଡ୍ରାଫ୍ ବୋଟ୍
  • ||
  • ଭୁବନେଶ୍ବର କୋର୍ଟ ପରିସର ୩ଦିନ ସିଲ୍, ଜୁଡିସିଆଲ୍ କର୍ମଚାରୀ ଓ ଆଇନଜୀବୀ କରୋନା ପଜିଟିଭ୍ ପରେ ପଦକ୍ଷେପ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୩୯ କୋଭିଡ୍ ପଜିଟିଭ୍
  • ||
  • ବିଜେପି ନେତା ଫଡନାଭୀସଙ୍କ ଶରଣରେ କଂଗ୍ରେସ ନେତା, କହିଲେ- ‘ଆମ ପ୍ରାର୍ଥୀଙ୍କୁ ଜିତିବାରେ ସାହାଯ୍ୟ କର’
  • ||
  • ଉପରମୁଣ୍ଡରେ ବର୍ଷା, ବଢୁଛି ହୀରାକୁଦର ଜଳସ୍ତର
  • ||

ଜନ୍ମଦିନ ପାର୍ଟି ଆଳରେ ପଞ୍ଚତାରକା ହୋଟେଲକୁ ଡାକି ମହିଳାଙ୍କୁ ଦୁଷ୍କର୍ମ: ଡେଟିଂ ଆପରେ ହୋଇଥିଲା ସାକ୍ଷାତ

29/07/2021 at 6:22 PM

ମୁମ୍ବାଇ ୨୯/୦୭ : ମୁମ୍ବାଇର ଜଣେ ମହିଳାଙ୍କ ସହ ତାଙ୍କରି ଜନ୍ମଦିନରେ ପଞ୍ଚତାରକା ହୋଟେଲରେ ବଳାତ୍କାର ମାମଲା ସାମ୍ନାକୁ ଆସିଛି। ମହିଳାଙ୍କୁ ଜାଣିଥିବା ଜଣେ ବ୍ୟକ୍ତି ତାଙ୍କୁ ମଦ୍ୟପାନ କରାଇ ଏହି ଘଟଣା ଘଟାଇଛନ୍ତି। ବର୍ତ୍ତମାନ ମହିଳା ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଅଭିଯୁକ୍ତ ବିରୋଧରେ ଭାରତୀୟ ଦଣ୍ଡ ସଂହିତା (ଆଇପିସି) ର ଧାରା ୩୨୮ ଏବଂ ୩୭୬ ଅନୁଯାୟୀ ମାମଲା ରୁଜୁ ହୋଇଛି। ତାଙ୍କୁ ଏପର୍ଯ୍ୟନ୍ତ ଗିରଫ କରାଯାଇ ନାହିଁ। ମହିଳା ଜଣକ କହିଛନ୍ତି ଯେ ଜନ୍ମଦିନ ପାର୍ଟି ଦେବା ବାହାନାରେ ଉକ୍ତ ବ୍ୟକ୍ତି ତାଙ୍କୁ ପଞ୍ଚତାରକା ହୋଟେଲକୁ ନିମନ୍ତ୍ରଣ କରିଥିଲେ ଏବଂ ପରେ ତାଙ୍କୁ ବଳାତ୍କାର କରିଥିଲେ। ମାସେ ପୂର୍ବରୁ ମହିଳା ଜଣକ ସେହି ପୁରୁଷ ସହ କଥାବାର୍ତ୍ତା କରୁଥିଲେ। ଦୁହେଁ ଏକ ଡେଟିଂ ଆପରେ ଭେଟିଥିଲେ।

ହିନ୍ଦୁସ୍ତାନ ଟାଇମ୍ସରେ ପ୍ରକାଶିତ ରିପୋର୍ଟ ଅନୁଯାୟୀ ମହିଳା ଜଣକ ତାଙ୍କ ଅଭିଯୋଗରେ କହିଛନ୍ତି ଯେ ଯେତେବେଳେ ସେମାନେ ତାଙ୍କ ଜନ୍ମଦିନ ପାଳନ କରିବାକୁ ମୁମ୍ବାଇର ୱର୍ଲି ଅଞ୍ଚଳର ଏକ ପଞ୍ଚତାରକା ହୋଟେଲକୁ ଯାଇଥିଲେ ସେତେବେଳେ ଏହି ଘଟଣା ଘଟିଥିଲା। ମହିଳା କହିଛନ୍ତି ଯେ ସେ ଏକ ଡେଟିଂ ଆପ୍ ମାଧ୍ୟମରେ ଅଭିଯୁକ୍ତଙ୍କୁ ଭେଟିଥିଲେ ଏବଂ ସେମାନେ ଏକ ମାସରୁ ଅଧିକ ସମୟ ହେବ ପରସ୍ପର ସହ ଚାଟ୍ କରିଥିଲେ। ସୋମବାର ଦିନ ଅଭିଯୁକ୍ତ ଜଣକ ଏକ ପଞ୍ଚତାରକା ହୋଟେଲ ସୁଇଟରେ ମହିଳାଙ୍କ ପାଇଁ ଜନ୍ମଦିନ ପାର୍ଟିର ଆୟୋଜନ କରିଥିଲେ ଏବଂ ତାଙ୍କୁ ସେଠାକୁ ଆସିବାକୁ କହିଥିଲେ। ମହିଳା ସେଠାରେ ପହଞ୍ଚିବା ପରେ ଅଭିଯୁକ୍ତ ତାଙ୍କୁ ଏକ ଗ୍ଲାସ ମଦ ଦେଇଥିଲା।

ମହିଳା ଜଣକ କହିଛନ୍ତି ଯେ ମଦ ପିଇବା ପରେ ତାଙ୍କୁ ତୁରନ୍ତ ନିଦ ଲାଗିଥିଲା। ସେ ଶୋଇବା ଆରମ୍ଭ କରିବା ପରେ ଅଭିଯୁକ୍ତ ତାଙ୍କୁ ଯୌନ ନିର୍ଯାତନା ଦେଇଥିଲା। ପୋଲିସ କହିଛି ଯେ ମହିଳା ଜଣକ ମଦ୍ୟପାନ କରିବା ପରେ ଶୋଇବା ଆରମ୍ଭ କରିଥିଲେ ଏବଂ ପରେ ଅଭିଯୁକ୍ତ ତାଙ୍କୁ ଯୌନ ନିର୍ଯାତନା ଦେଇଥିବା ଅଭିଯୋଗ ହୋଇଥିଲା। ମହିଳାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା। ଏହାପରେ ନିଜ ପରିବାରକୁ ସବୁ କଥା କହିଥିଲେ। ପରେ ଅଭିଯୁକ୍ତ ବିରୋଧରେ ମାମଲା ରୁଜ୍ଜୁ କରାଯାଇଛି।

   Related Posts