ଲାଞ୍ଜିଗଡ ୧୪|୪: କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକ କାନକୁଟୁରୁ ଗାଁରେ ମଦ ବିରୋଧୀ ଆନ୍ଦୋଳନ । ସ୍ଥାନୀୟ ଅଞ୍ଚଳରେ ମଦ ବିକ୍ରିକୁ ନେଇ ତାତିଛନ୍ତି ମହିଳା । ଯାହକୁ ନେଇ ମହିଳାମାନେ ଗାଁର ଏକ ସଭାର ଆୟୋଜନ କରିଥିଲେ । ଏଥିରେ କାନକୁଟରୁ ସମିତି ସଭ୍ୟା ରୂପି ମାଝୀ ଓ ନାଏବ ସରପଞ୍ଚ ଲବଣୀ ପ୍ରଧାନୀଏହି ବୈଠକରେ ଉପସ୍ଥିତ ଥିଲେ । ହେଲେ ବୈଠକ ଚାଲିଥିବା ବେଳେ ଦେଶୀ ମଦ ରାନ୍ଧୁଥିବା ଡିକୁ ମାଝୀ ଏକ ଛୁରୀ ଧରି ହଠାତ୍ ସଭା ମଝିକୁ ପସି ଆସି ସମସ୍ତଙ୍କୁ ଡରାଇବାକୁ ଲାଗିଥିଲା । ହେଲେ ମହିଳା ମାନେ କୌଶଳକ୍ରମେ ତାକୁ କାବୁକରି ପୋଲିସକୁ ଖବର ଦେଇଥିଲେ । ଖବରପାଇ ବିଶ୍ବନାଥପୁର ପୋଲିସ ଡିକୁ ମାଝୀକୁ ଗିରଫ କରିଛି । ତେବେ ସ୍ଥାନୀୟ ଅଞ୍ଚଳରେ ସବୁଦିନପାଇଁ ମଦ ବନ୍ଦ କରିବା ପାଇଁ ମହିଳା ମାନେ ଜନ ସଚେତନତା ସୃଷ୍ଟି କରିବା ପାଇଁ ଉଦ୍ୟମ କରିଛନ୍ତି । ମହିଳା ମାନଙ୍କ ଏହି କାର୍ଯ୍ୟ ପାଇଁ ବିଭିନ୍ନ ମହଲରୁ ପ୍ରସଂଶା କରାଯାଉଛି ।
‘କ୍ଷମତାକୁ ଆସିବାକୁ ନଥିବା ଦଳ ହିଁ ଅଧିକ ପ୍ରତିଶ୍ରୁତ...