Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓମିକ୍ରନ୍ ନେଇ AIIMS ମୁଖ୍ୟ ଗୁଲେରିଆ ଦେଲେ ଚେତାବନୀ, କହିଲେ ନୂଆ ଭାରିଆଣ୍ଟ ଭାକସିନକୁ ଦେଇପାରେ ଚକମା
  • ||
  • ଡ୍ୟାମରେ ଭାସୁଛି ଯୁବକଙ୍କ ମୃତଦେହ, ଗାଧୋଇଲା ବେଳେ ବୁଡି ଯାଇଥିଲେ
  • ||
  • ଦକ୍ଷିଣ ଆଫ୍ରିକାରୁ ମହାରାଷ୍ଟ୍ର ଫେରିଥିବା ବ୍ୟକ୍ତି କୋଭିଡ ପଜିଟିଭ୍: ଆଇସୋଲେସନରେ ସଂକ୍ରମିତ, ଓମିକ୍ରନ୍ ନେଇ ଆଲର୍ଟ
  • ||
  • ଦାନା ବାନ୍ଧୁଛି ବାତ୍ୟା : ୫ରେ ଓଡିଶା-ଆନ୍ଧ୍ର ଉପକୂଳରେ ଲ୍ୟାଣ୍ଡଫଲ୍ !
  • ||
  • ସୋମବାରଠୁ ଶୀତ ଅଧିବେଶନ, ପ୍ରଥମ ଦିନରେ କୃଷି ବିଲ୍ ରବ୍ଦ ନେଇ ଆସିବ ପ୍ରସ୍ତାବ
  • ||

ଗାଈ ଗୋବରରେ ଦୀପ, ଗଣେଶ ଓ ଲକ୍ଷ୍ମୀଙ୍କ ମୂର୍ତ୍ତି ତିଆରି କରୁଛନ୍ତି ମହିଳା: ଭଲ ରୋଜଗାର ସହ ବଜାରରେ ଏହାର ଚାହିଦା ମଧ୍ୟ ଅନେକ

20/10/2020 at 3:45 PM

ଜାଲୌନ ୨୦/୧୦ : ମହିଳାଙ୍କୁ ଆତ୍ମନିର୍ଭର କରିବାକୁ କେନ୍ଦ୍ର ଓ ଉତ୍ତର ପ୍ରଦେଶ ସରକାର ସ୍ୱୟଂ ସହାୟକ ଗୋଷ୍ଠୀ ଗଠନ କରିଛନ୍ତି। ଉତ୍ତର ପ୍ରଦେଶ ଜାଲୌନରେ ସ୍ୱୟଂ ସହାୟକ ଗୋଷ୍ଠୀର ମହିଳାମାନେ ଦୀପାବଳି ପାଇଁ ଗାଈ ଗୋବରରେ ଦୀପ ଓ ଗଣେଶ ଓ ଲକ୍ଷ୍ମୀଙ୍କ ଆକର୍ଷଣୀୟ ମୂର୍ତ୍ତି ତିଆରି କରୁଛନ୍ତି। ବଜାରରେ ଏହି ମୂର୍ତ୍ତିର ଅନେକ ଚାହିଦା ରହିଛି। ସଂଗଠନର ମହିଳାମାନେ ଏହି ଉପାୟ ରୋଜଗାର କରିବା ସହ ଅନ୍ୟ ମହିଳାମାନଙ୍କୁ ପ୍ରଶିକ୍ଷଣ ଦେବା ସହ ରୋଜଗାର ମଧ୍ୟ ଦେଉଛନ୍ତି।

ଜାଲୌନ ମୁଖ୍ୟାଳୟ ଉରଇରେ ସଞ୍ଚାଳିତ ସ୍ବଦେଶୀ ଭାରତ ସ୍ୱୟଂ ସହାୟତା ଗୋଷ୍ଠୀ ସହ ଜଡିତ ମହିଳା ଗାଈ ଗୋବରରେ ଦୀପ ଓ ଗଣେଶ, ମା’ ଲକ୍ଷ୍ମୀଙ୍କ ମୂର୍ତ୍ତି ତିଆରି କରି ବିକ୍ରି କରୁଛନ୍ତି। ଏଥିପାଇଁ ମହିଳାମାନେ ଶୁଖିଲା ଗାଈ ଗୋବରକୁ ହାତରେ ଓ ମେସିନ ସାହାଯ୍ୟରେ ଗୁଣ୍ଡ କରନ୍ତି।

ଏହାପରେ ତାକୁ ଓଦା କରି ଛାଞ୍ଚରେ ପକାଇ ଆକର୍ଷଣୀୟ ଦୀପ ଓ ମୂର୍ତ୍ତି ପ୍ରସ୍ତୁତ କରନ୍ତି। ଏବେ ସୁଦ୍ଧା ଡଜନରୁ ଅଧିକ ମହିଳାଙ୍କୁ ଏହାଦ୍ୱାରା ରୋଜଗାର ମିଳିଛି। ଗାଁ ଗାଁ ବୁଲି ଏହି ମହିଳାମାନେ ଅନ୍ୟ ମହିଳାମାନଙ୍କୁ ପ୍ରଶିକ୍ଷଣ ମଧ୍ୟ ଦେଉଛନ୍ତି। ବଜାରରେ ମହିଳାମାନେ ତିଆରି କରିଥିବା ଏହି ଦୀପ ଓ ମୂର୍ତ୍ତିର ଚାହିଦା ବହୁତ ବେଶୀ। ମହିଳାମାନେ ପ୍ରତିଦିନ ହଜାର ହଜାର ସଂଖ୍ୟାରେ ଦୀପ ତିଆରି କରୁଛନ୍ତି।

ସ୍ବଦେଶୀ ଭାରତ ସ୍ୱୟଂ ସହାୟତା ଗୋଷ୍ଠୀର ମହିଳାମାନେ କହିଛନ୍ତି ଯେ ଏହି ଗୋଷ୍ଠୀରେ ସାମିଲ ହୋଇ ସେମାନେ ଅନେକ ପ୍ରକାର ସ୍ବଦେଶୀ ସାମଗ୍ରୀ ତିଆରି କରିଛନ୍ତି। ଏଥର ସେମାନେ ଗୋବରରେ ଦୀପ ଓ ମୂର୍ତ୍ତି ତିଆରି କରୁଛନ୍ତି। ଏଥିରୁ ଯାହା ରୋଜଗାର କରୁଛନ୍ତି ସେଥିରେ ପରିବାର ଭରଣପୋଷଣ କରୁଛନ୍ତି।

   Related Posts