Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାତ୍ର ୬୦ ସେକେଣ୍ଡରେ ଜଣାପଡିବ ଶରୀରର ରକ୍ତ ସର୍କରା, ଛୁଞ୍ଚିର ଭୟ ରହିବନି… ଆସିଗଲା ନୂଆ ମେସିନ୍
  • ||
  • ଖଲ୍ଲିକୋଟ : ପଞ୍ଚାୟତ ନିର୍ବାଚନ ପାଇଁ ଗଞ୍ଜାମ ଜିଲ୍ଲାର ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ, ମୈଦାନରେ ୧୩ ହଜାର ୬୭୫ ପ୍ରାର୍ଥୀ
  • ||
  • ସମ୍ବଲପୁର : ଭୀମସାର ଡାକ୍ତରୀ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ, ଗୋଡ ଭାଙ୍ଗିବା ସହ ଶରୀରରେ ଲାଗିଛି ଆଘାତ
  • ||
  • ଭୁବନେଶ୍ବର : ଜାଲ୍‌ ପ୍ରମାଣପତ୍ର ଦେଇ ୩କୋଟି ୬୮ଲକ୍ଷ ଟଙ୍କା ଠକେଇ ଅଭିଯୋଗ, ପିଏନବି ପୂର୍ବତନ ମୁଖ୍ୟ ପରିଚାଳକ ସମେତ ୩ ଗିରଫ
  • ||
  • ଭୁବନେଶ୍ବର : କୋଭିଡ୍‌ର କେବେ ବି ଅନ୍ତ ହେବନାହିଁ : ସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ କମିବା ନେଇ ମିଳିଲାଣି ସଂକେତ : SRC
  • ||
  • ପୁରୀ : ମହିଳାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ ପଡିଲା ମହଙ୍ଗା, ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୪୨କୁ ବୃଦ୍ଧି
  • ||
  • ରାଜ୍ୟରେ ପୁଣି ବଢିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୪୨୬ କୋଭିଡ୍ ପଜିଟିଭ୍, ୧୨୨୫୨୬୮ରେ ପହଞ୍ଚିଲା ସଂଖ୍ୟା
  • ||
  • କମିବ ତାପମାତ୍ରା, ୨୮ରୁ ବଢିବ ଶୀତ
  • ||

କେରଳ ସବରିମାଳା ମନ୍ଦିରରେ ଉତ୍ତେଜନା, ମନ୍ଦିରରେ ମହିଳାଙ୍କ ପ୍ରବେଶକୁ ବିରୋଧ

17/10/2018 at 7:05 PM

ଥିରୁବନନ୍ତପୁରମ୧୭|୧୦: କେରଳର ପ୍ରସିଦ୍ଧ ସବରିମାଳା ମନ୍ଦିରରେ ମହିଳାଙ୍କ ପ୍ରବେଶକୁ ବିରୋଧ । ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ କେରଳର ଏଲଡିଏଫ୍ ସରକାର କାର୍ଯ୍ୟକାରୀ କରିବାକୁ ଅଣ୍ଟା ଭିଡ଼ିଥିବା ବେଳେ ଆୟାପ୍ପା ଭକ୍ତଙ୍କ ସହ ମିଶି ବିରୋଧକୁ ତୀବ୍ର କରିଛନ୍ତି ବିଜେପି ଓ କଂଗ୍ରେସ । ବହୁକଷ୍ଟରେ ସବରିମାଳା ମନ୍ଦିରର ପ୍ରବେଶ ସ୍ଥାନ ନିଲାକାଲାକୁ କବଜାକୁ ନେଇଛି ପୋଲିସ୍ । ସେପଟେ ଏଭଳି ଏକ ପରିସ୍ଥିତିକୁ ନେଇ କେରଳ ଜଳୁଥିବା ବେଳେ ୟୁଏଇ ଗସ୍ତରେ ଚାଲିଗଲେ ମୁଖ୍ୟମନ୍ତ୍ରୀ ପିନାରାଇ ବିଜୟନ୍ ।କେରଳ ସବରିମାଳା ମନ୍ଦିରରେ ଉତ୍ତେଜନା । ମନ୍ଦିରରେ ମହିଳାଙ୍କ ପ୍ରବେଶ ନେଇ ସୁପ୍ରିମକୋର୍ଟ ରାୟ ଦେବା ପରେ ଏଭଳି ପରିସ୍ଥିତି । ସର୍ବୋଚ୍ଚ କୋର୍ଟଙ୍କ ରାୟ ବିରୋଧରେ, ଆଉ ଶହ ଶହ ବର୍ଷର ପ୍ରଥା ଓ ପରମ୍ପରାକୁ ସମର୍ଥନ କରି ଆଗକୁ ବାହାରିଛନ୍ତି ଆୟାପ୍ପା ଭକ୍ତ । ସ୍ଥାନୀୟ ମହିଳା ମଧ୍ୟ ସୁପ୍ରିମକୋର୍ଟଙ୍କ ରାୟକୁ ବିରୋଧ କରିଛନ୍ତି । କୌଣସି ପରିସ୍ଥିତିରେ ମହିଳାଙ୍କୁ ମନ୍ଦିର ମଧ୍ୟରେ ପ୍ରବେଶ କରାଇ ଦିଆଯିବ ନାହିଁ ବୋଲି ସେମାନେ ଜିଦ୍ ଧରିଥିଲେ । ମନ୍ଦିର ଠାରୁ ୨୦ କିଲୋମିଟର ଦୂର ନିଲାକାଲ ଓ ପାମ୍ବାରେ ଟେଣ୍ଟ ମାରି ବିରୋଧ ପ୍ରଦର୍ଶନ କରୁଥିଲେ । ହେଲେ ବହୁ କଷ୍ଟରେ ପୋଲିସ୍ ବିକ୍ଷୋଭକାରୀଙ୍କୁ ଘଉଡ଼ାଇ ନିଲାକାଲ ଓ ପାମ୍ବାକୁ କବଜାକୁ ନେଇଛି ।ସାବରିମାଳା ମନ୍ଦିରରେ ମହିଳାମାନେ ପ୍ରବେଶ କରିପାରିବେ ବୋଲି ସୁପ୍ରିମକୋର୍ଟ ନିର୍ଦ୍ଦେଶ ଦେବା ପରେ ପ୍ରଥମ ଥର ପାଇଁ ଖୋଲିଛି ମନ୍ଦିର ।  ଯେଉଁଥି ପାଇଁ ରାଜ୍ୟ ଏବଂ ରାଜ୍ୟ ବାହାରର ଶହ ଶହ ମହିଳା, ସ୍ବାମୀ ଆୟାପ୍ପାଙ୍କ ଦର୍ଶନ ଅଭିମୁଖେ ବାହାରିଥିଲେ । ହେଲେ ବିରୋଧକାରୀମାନେ, ରାସ୍ତାରେ ସେମାନଙ୍କୁ ଅଟକାଇଥିଲେ । କିଛି ମହିଳଙ୍କୁ ଜୋରଜବରଦସ୍ତ ଅଧା ବାଟରୁ ଫେରାଇ ଦେଇଥିଲେ । ଆନ୍ଧ୍ରପ୍ରଦେଶ କାକିନାଡ଼ାରୁ ଆସିଥିବା ୪୫ ବର୍ଷୀୟ ମାଧବୀ ପୋଲିସ୍ ସୁରକ୍ଷା ବଳୟରେ ମନ୍ଦିର ପାଖକୁ ଯିବାକୁ ଦୁଃସାହାସ କରିଥିଲେ । କିନ୍ତୁ ୨ ଶହ / ୩ ଶହ ମିଟର ଯିବା ପରେ ଭୟ ଅନୁଭବ କରି ଫେରି ଆସିଥିଲେ । ମହିଳା ସାମ୍ବାଦିକମାନେ ମଧ୍ୟ ବିରୋଧକାରୀଙ୍କ ଦାଉରୁ ବର୍ତ୍ତି ପାରି ନଥିଲେ । ଆୟାପ୍ପା ଭକ୍ତମାନେ ସେମାନଙ୍କୁ ମାଡ଼ ମାରିଥିବା ଅଭିଯୋଗ ହୋଇଛି ।ସାବରିମାଳା ମନ୍ଦିରରେ ମହିଳାମାନେ ପ୍ରବେଶ କରିପାରିବେ ବୋଲି ସୁପ୍ରିମକୋର୍ଟ, ଯେତେବେଳେ ନିର୍ଦ୍ଦେଶ ଦେଲେ, ସେତେବେଳେ ଉଭୟ ବିଜେପି ଓ କଂଗ୍ରେସ ସମର୍ଥନ କରିଥିଲେ । କିନ୍ତୁ ନିର୍ଦ୍ଦେଶ କାର୍ଯ୍ୟକାରୀ ବେଳକୁ ଉଭୟ ଦଳ ଭୋଟ୍ ବ୍ୟାଙ୍କ ପଲିଟିକ୍ସ ଆରମ୍ଭ କରି ଦେଇଛନ୍ତି । ସେପଟେ ପୋଲିସ୍ ଓ ପ୍ରଶାସନ ହାତରେ ହାତରେ ପରିସ୍ଥିତିକୁ ଛାଡ଼ି ଦେଇ ୟୁଏଇ ଚାଲି ଯାଇଛନ୍ତି ମୁଖ୍ୟମନ୍ତ୍ରୀ ପିନାରାଇ ବିଜୟନ୍ ।

   Related Posts