ଜୟପୁର ୧୫/୭: ଗୋଟିଏ ପରିବାର ୫ ଭଉଣୀ ପ୍ରଶାସନିକ ଅଧିକାରୀ। ପୂର୍ବରୁ ଦୁଇ ଭଉଣୀ ଚାକିରୀରେ ଅବସ୍ଥାପିତ ହୋଇଥିବା ବେଳେ ଏବେ ୩ ଭଉଣୀ ଏକା ସାଙ୍ଗରେ ରାଜ୍ୟ ପ୍ରଶାସନିକ ସେବା ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି। ଏହା ପରେ ଗୋଟିଏ ପରିବାରର ୫ ଭଉଣୀ ରାଜସ୍ଥାନ ପ୍ରଶାସନିକ ସେବାରେ ଅଧିକାରୀ ହୋଇଛନ୍ତି । ଏବେ ଏହି ଅଫିସର ଫ୍ୟାମିଲିକୁ ନେଇ ଚର୍ଚ୍ଚା ହେଉଛି।
ଭଉଣୀମାନଙ୍କ ସଫଳତା ସମ୍ପର୍କରେ ଭାରତୀୟ ବନ ସେବା ଅଧିକାରୀ ପ୍ରବୀଣ କସଓ୍ବାନ ଟ୍ବିଟ୍ କରି ସୂଚନା ଦେଇଛନ୍ତି। ଟ୍ବିଟରରେ ୩ ଭଉଣୀଙ୍କ ଫଟୋ ସହ ପ୍ରବୀଣ ଲେଖିଛନ୍ତି, ‘ଏକ ବହୁତ ଭଲ ଖବର। ଅଂଶୁ, ରୀତୁ ଏବଂ ସୁମନ ରାଜସ୍ଥାନ ପ୍ରଶାସନିକ ସେବାରେ ଅଧିକାରୀ ହୋଇଛନ୍ତି। ଏମାନେ ହନୁମାନଗଡ଼ର ବାସିନ୍ଦା । ୩ ଜଣ ଆଜି ଏକା ସାଙ୍ଗରେ ରାଜସ୍ଥାନ ପ୍ରଶାସନିକ ସେବା ପରୀକ୍ଷା ପାସ୍ କରିଛନ୍ତି।’
ତେବେ ଅନ୍ୟ ଦୁଇ ଭଉଣୀ ରେମା ଓ ମଞ୍ଜୁ ଆରଏଏସ୍ ଅଧିକାରୀ ଅଛନ୍ତି। ଏହି କ୍ରମରେ ସହଦେବ ସହରନଙ୍କ ୫ ଝିଅ ଏବେ ପ୍ରଶାସନିକ ଅଧିକାରୀ ହୋଇଛନ୍ତି ବୋଲି ପ୍ରବୀଣ କସଓ୍ବାନ ଲେଖିଛନ୍ତି।
wp:embed {"url":"https://twitter.com/ParveenKaswan/status/1415252995609010178","type":"rich","providerNameSlug":"twitter","responsive":true,"className":""}ରାଜସ୍ଥାନ ପବ୍ଲିକ୍ ସର୍ଭିସ୍ କମିଶନ ପକ୍ଷରୁ ମଙ୍ଗଳବାର ରାଜସ୍ଥାନ ପ୍ରଶାସନିକ ସେବା ୨୦୧୮ର ପରିଣାମ ଜାରି କରିଥିଲା। ଯେଉଁଥିରେ ୩ ଭଉଣୀ ସିଲେକ୍ସନ ହୋଇଛନ୍ତି। ଏହି ପରୀକ୍ଷାରେ ଝୁନଝୁନ୍ର ମୁକ୍ତା ରାଓ ଟପ୍ କରିଛନ୍ତି। ପରୀକ୍ଷାରେ ପାସ କରିଥିବା ସମସ୍ତ ପରୀକ୍ଷାର୍ଥୀଙ୍କୁ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ଟ୍ବିଟ୍ କରି ଶୁଭକାମନା ଜଣାଇଛନ୍ତି।
