ନୀଳଗିରି ୦୨।୧୨: ପୋଖରୀରେ ବୁଡି ଜଣେ ବୃଦ୍ଧା ମୃତ୍ୟୁର ଅଭିଯୋଗ ଆସିଛି । ବାଲେଶ୍ବର ଜିଲ୍ଲା ନୀଳଗିରି ଉପଖଣ୍ଡ ବରହମପୁର ଥାନା ଅଧିନ ମାଟିଆଳି ପଂଚାୟତ ଘୁଣ୍ଟିବଣିଆ ଗାଁ ଘଟଣା । ମୃତକ ବୁଧୁନି ସିଂ (୬୦) । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ
{"id":193124,"sizeSlug":"large"}ସୂଚନାଯୋଗ୍ୟ ଯେ, ଘୁଣ୍ଟିବଣିଆ ଗାଁର ଦାଶରଥି ସିଂ ଙ୍କ ସ୍ତ୍ରୀ ବୁଧୁନି ସିଂ ଅପରାହ୍ନରେ ଧାନ ବିଲରୁ କାମ ସାରି ପୋଖରୀକୁ ଗାଧୋଇବାକୁ ଯାଇଥିଲେ, ପରେ ବହୁ ସମୟ ଧରି ଘରକୁ ନଫେରିବାରୁ ତାଙ୍କ ଝିଅ ଖୋଜାଖୋଜି କରିଥିଲେ । ଶେଷରେ ବୁଧୁନିଙ୍କୁ ପାଣିରେ ବୁଡି ଯାଉଥିବା ସମୟରେ ତାଙ୍କୁ ଉଦ୍ଧାର କରି ତୁରନ୍ତ ନୀଳଗିରି ମେଡ଼ିକାଲ ଭର୍ତ୍ତି କରିଥିଲେ । ତେବେ ମେଡିକାଲରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରି ବ୍ୟବେଚ୍ଛେଦ ପାଇଁ ପଠାଇଛି । ଘଟଣାର ତଦନ୍ତ ଜାରି ରଖିଛି ପୋଲିସ ।