Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମହିଳାଙ୍କୁ କଚାଡି ମାରିଲା ଦନ୍ତା ହାତୀ, କ୍ଷତିପୂରଣ ପ୍ରତିଶ୍ରୁତି ପରେ ହଟିଲା ରାସ୍ତା ଅବରୋଧ

1/06/2019 at 4:51 PM

ଢେଙ୍କାନାଳ ୧|୬: ଢେଙ୍କାନାଳ ଜିଲ୍ଲା ମୋଟଙ୍ଗା ଥାନା ଗୁଣଦେଇ ଗାଁରେ ଜଣେ ମହିଳାଙ୍କୁ କଚାଡି ମାରିଦେଇଛି ଦନ୍ତା ହାତୀ । ମୃତ ମହିଳା ଜଣଙ୍କ ଗୋଲାପ ସାହୁ । ଗୋଲାପ ଆଜି ତାଙ୍କ ଗାଁ ନିକଟ ଆମ୍ବତୋଟାକୁ ଆମ୍ବ ଜଗିବାକୁ ଯାଇଥିଲେ । ଏକ ଦନ୍ତା ହାତୀ ତାଙ୍କୁ କଚାଡି ଦେବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି ।

ଗତ କିଛି ଦିନ ତଳେ ଅନୁରୂପ ଭାବେ ଏହି ହାତୀଟି ଅନ୍ୟ ଜଣଙ୍କୁ ମାରିବା ପରେ ପୁଣି ଏପରି ଏହି ମହିଳାଙ୍କୁ ମାରିଦେଇଥିବାରୁ ଗ୍ରାମବାସୀମାନେ ଉତ୍ତେଜିତ ହୋଇଥିଲେ । ମୃତଦେହ ରଖି ରାସ୍ତା ଅବରୋଧ କରିଥିଲେ । ଘଟଣାସ୍ଥଳରେ ଓଡାପଡା ତହସିଲଦାର ଓ ବନ ବିଭାଗ ରେଞ୍ଜର ପହଞ୍ଚି କ୍ଷତିପୂରଣ ବାବଦକୁ ୪୦ହଜାର ଟଙ୍କା ଦେବା ସହ ଦନ୍ତା ହାତୀଟିକୁ ଟ୍ରାଙ୍କୁଲାଇଜ କରିବାକୁ ପ୍ରତିଶ୍ରୁତି ଦେବା ପରେ ରାସ୍ତା ଅବରୋଧ ହଟିଥିଲା ।

   Related Posts