Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : କପିଳାଶ ଜାଗର ଯାତ୍ରା ପାଇଁ କଟକଣା, ଜିଲ୍ଲା ବାହାର ଭକ୍ତଙ୍କୁ ମନା, ଜିଲ୍ଲାବାସୀଙ୍କ କୋଭିଡ୍ ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • କଟକ : ରାଜ୍ୟରେ ପୁଣି ବଢିଲା ବସ୍ ଭଡା, ସାଧାରଣ ଓ ଏକ୍ସପ୍ରେସ କିଲୋମିଟର ପିଛା ୫ପଇସା, ଡିଲକ୍ସ ଓ ଏସି ଡିଲକ୍ସ ୧୦ପଇସା ବୃଦ୍ଧି
  • ||
  • ଧର୍ମଗଡ : ବାଇକ୍ ଉପରେ ମାଡିଗଲା ବସ୍, ଘଟଣାସ୍ଥଳରେ ୩ ମୃତ
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଆହତ, ଗ୍ରାମବାସୀ ଭୟଭୀତ
  • ||
  • ରାଉରକେଲା : ଶିଶୁପାଳ ହୋଇ ଫେରିଲା ବର, ଅଧାରୁ ବନ୍ଦ ହେଲା ବାଲ୍ୟ ବିବାହ
  • ||
  • ଆଠଗଡ : ସରିଯାଉଛି ଟୋକନ ଅବଧି, ମଣ୍ଡିରୁ ଉଠୁନି ଧାନ, ପ୍ରତିବାଦରେ ଚାଷୀଙ୍କ ରାସ୍ତା ଅବରୋଧ
  • ||
  • ଭଦ୍ରକ : ଅଷ୍ଟପ୍ରହରୀ ଚାନ୍ଦା ପାଇଁ ଗଛରେ ବାନ୍ଧି ନିସ୍ତୁକ ମାଡ ଅଭିଯୋଗ, ଥାନାରେ ଏତଲା
  • ||
  • ନୀଳଗିରି : ନୀଳଗିରି ସହରରେ ବୁଲୁଛି ଭାଲୁ, ଲୋକେ ଭୟଭୀତ
  • ||
  • ରାଉରକେଲା : ଛାତ୍ରଙ୍କ ନାଁରେ ଜିଏସଟି ଠକେଇ ଅଭିଯୋଗ, ୩୮କୋଟି ଟଙ୍କାର ଠକେଇ ନେଇ ନୋଟିସ୍
  • ||
  • ସାନଖେମୁଣ୍ଡି : ଥାନାଠାରୁ ୧ କି.ମି. ଦୂରରେ ଚାଲିଥିଲା ବେଆଇନ ବିଦେଶୀ ମଦ ବିକ୍ରି, ଚଢାଉ କରି ନଷ୍ଟ କଲା ପୋଲିସ
  • ||

ଭାରତର ମହିଳା କ୍ରିକେଟରଙ୍କ ରେକର୍ଡ -ମାତ୍ର ୧୨ରନ୍‌ ଦେଇ ନେଲେ ୧୦ ଓ୍ୱିକେଟ

26/02/2020 at 3:26 PM

ନୂଆଦିଲ୍ଲୀ ୨୬।୦୨: ଚଣ୍ଡୀଗଡର ମହିଳା କ୍ରିକେଟର ଏକ ନୂତନ ରେକର୍ଡ ସ୍ଥାପନ କରିଛନ୍ତି । ବିଶ୍ବ କ୍ରିକେଟ ଇତିହାସରେ ଅଳ୍ପ ପ୍ରସିଦ୍ଧ ଖେଳାଳି ଏହି ରେକର୍ଡ କରିବାରେ ସକ୍ଷମ ହୋଇଛନ୍ତି । ଭାରତ ପକ୍ଷରୁ ଅନୀଲ କୁମ୍ବଲେ କେବଳ ଏହି ରେକର୍ଡ କରିବାରେ ସମର୍ଥ ହୋଇଛନ୍ତି । ତେବେ ରେକର୍ଡ କରିଥିବା ମହିଳା କ୍ରିକେଟର ଜଣଙ୍କ ହେଉଛନ୍ତି କାଶଭି ଗୌତମ୍‌ । ଏବଂ ସେ ଚଣ୍ଡୀଗଡର ବୋଲି ଜଣାପଡିଛି । ଗୋଟିଏ ମ୍ୟାଚ୍‌ରେ ୧୦ଓ୍ବିକେଟ ନେଇ ଚର୍ଚ୍ଚାକୁ ଆସିଛନ୍ତି କାଶଭି ଗୌତମ୍‌ ।

ବିସିସିଆଇ ପକ୍ଷରୁ ଆୟୋଜିତ ୧୯ବର୍ଷରୁ କମ୍‌ ମହିଳା ଦିନିକିଆ କ୍ରିକେଟ ଟୁର୍ଣ୍ଣାମେଣ୍ଟ ଆୟୋଜନ କରାଯାଇଛି । ଟୁର୍ଣ୍ଣାମେଣ୍ଟରେ ଚଣ୍ଡୀଗଡ ଓ ଅରୁଣାଚଳ ପ୍ରଦେଶ ମଧ୍ୟରେ ଆନ୍ଧ୍ର ପ୍ରଦେଶର କେଏସଆରଏମ୍‌ କଲେଜ ଗ୍ରାଉଣ୍ଡରେ ଅନୁଷ୍ଠିତ ହୋଇଯାଇଛି । ତେବେ ମ୍ୟାଚ୍‌ରେ କାଶଭି ଚମତ୍କାର ବୋଲିଂ କରିଛନ୍ତି । ମ୍ୟାଚ୍‌ରେ କାଶଭି  ୪.୫ ଓଭର ବୋଲିଂ କରି ୧ମେଡେନ ଓଭର ସହ ୧୨ ରନ୍‌ ପ୍ରଦାନ କରି ବିପକ୍ଷ ଟିମ୍‌ର ସମସ୍ତ ୧୦ଟି ଯାକ ୱିକେଟ୍‌ ଅକ୍ତିଆର କରିଥିଲେ । ତେବେ କାଶଭି ନେଇଥିବା ଓ୍ବିକେଟ୍‌ ମଧ୍ୟରେ ଗୋଟିଏ ହ୍ୟାଟ୍ରିକ୍‌ ମଧ୍ୟ ସାମିଲ ରହିଛି।

ମ୍ୟାଚ୍‌ରେ ପ୍ରଥମେ ବ୍ୟାଟିଂ କରି ଚଣ୍ଡୀଗଡ଼ ନିର୍ଦ୍ଧାରିତ ୫୦ ଓଭରରେ ଖେଳି ୪ ୱିକେଟ୍‌ ହରାଇ ୧୮୬ ରନ୍‌ ସଂଗ୍ରହ କରିଥିଲା । ଦଳ ପକ୍ଷରୁ କାଶଭି ୪୯, ମେହୁଲ ୪୧ ଓ ସିମରନ ୪୨ ରନ୍‌ କରିଥିଲେ । ଜବାବରେ ଅରୁଣାଚଳ ପ୍ରଦେଶ ୮.୫ ଓଭରରେ ୨୫ ରନ୍‌ କରି ଅଲ୍‌ ଆଉଟ୍‌ ହୋଇଯାଇଥିଲେ । ମିଡିୟମ ପେସ୍‌ ବୋଲର କାଶଭି ସମସ୍ତ ୱିକେଟ୍‌ ନେଇଥିଲେ । ପୂର୍ବରୁ ମଧ୍ୟ କାଶଭି ନିଜ ବୋଲିଂକୁ ନେଇ ଚର୍ଚ୍ଚାରେ ରହିଥିଲେ । ସେ ବିହାର ବିପକ୍ଷରେ ୧୦ ଓଭର ବୋଲିଂ କରି ମାତ୍ର ୬ ରନ୍‌ ପ୍ରଦାନ କରିବା ସହ ଗୋଟିଏ ୱିକେଟ୍‌ ନେଇଥିଲେ । ସେହିପରି ଜମ୍ମୁ ଓ କାଶ୍ମୀର ବିପକ୍ଷରେ ସେ ୭ଟି ୱିକେଟ୍‌ ଅକ୍ତିଆର କରିଥିଲେ ।

   Related Posts