Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଇପିଏଲ ୨୦୨୧ରେ ଉଡିଲା ଚେନ୍ନାଇର ବିଜୟ ବାନା, କେକେଆରକୁ ୨୭ ରନରେ ହରାଇ ଚତୁର୍ଥ ଥର ଚାମ୍ପିଅନ
  • ||
  • ପଞ୍ଜାବ କଂଗ୍ରେସର ଅଧିନାୟକ ରହିବେ ସିଦ୍ଧୁ, ରାହୁଲଙ୍କୁ ଭେଟିବା ପରେ ଫେରାଇ ନେଲେ ଇସ୍ତଫା ପତ୍ର
  • ||
  • ସିଙ୍ଘୁ ବର୍ଡରରେ ଜଣେ ନିହଙ୍ଗଙ୍କ ଆତ୍ମ ସମର୍ପଣ, ଯୁବକଙ୍କ ହତ୍ୟାର ୧୫ ଘଣ୍ଟା ପରେ ସାମ୍ନାକୁ ଆସିଲା ପ୍ରଥମ ଅଭିଯୁକ୍ତ
  • ||
  • ପଣ୍ଡାଲ ଉପରେ ହୋଇଥିବା ଆକ୍ରମଣ ମଧ୍ୟରେ ବାଂଲାଦେଶ ପ୍ରଧାନମନ୍ତ୍ରୀ ଭାରତକୁ ଦେଲେ ଏହି ପରାମର୍ଶ
  • ||
  • ପୁଞ୍ଛରେ ଯବାନ-ଆତଙ୍କବାଦୀ ମୁହାଁମୁହିଁ, ୫ଦିନରେ ୭ ଯବାନ ସହିଦ: ରାଜପଥ ବନ୍ଦ, ଅପରେସନ୍ ଜାରି
  • ||
  • ଅକ୍ଟୋବର ୨୧ରୁ ଏକାଦଶ, ୨୫ରୁ ଖୋଲିବ ଅଷ୍ଟମ ଶ୍ରେଣୀ: ଗଣଶିକ୍ଷା ମନ୍ତ୍ରୀ
  • ||
  • ୨୫୦ ଲିଟର ଦେଶୀ ମଦ ଜବତ, ୫ ଗିରଫ
  • ||
  • ଅଭାବନୀୟ ଘଟଣା: ଯୁବକଙ୍କ ଗଳା କାଟି ବିଭତ୍ସ ହତ୍ୟା, କାରଣ ଅସ୍ପଷ୍ଟ
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ : ଘଉଡାଇଲା ବେଳେ ଅଳ୍ପକେ ବର୍ତ୍ତିଲେ ଚାଷୀ
  • ||
  • ସାଇକେଲରେ ଯାଉଥିଲେ କକା-ପୁତୁରା, ଟାଣି ଆଣି ଦଳିଦେଲା ହାତୀ
  • ||

ପାଣି ପାଇଁ ରାସ୍ତାରେ ମହିଳା : ଗରା, ବାଲ୍‌ଟି ଧରି ୫୩ନଂ ଜାତୀୟ ରାଜପଥ କଲେ ଅବରୋଧ

26/04/2021 at 9:57 AM

କାମାକ୍ଷାନଗର ୨୬।୪: ପାଣି ପାଇଁ ଜାତୀୟ ରାଜପଥ ଅବରୋଧ କଲେ ରଙ୍ଗମାଟିଆ ବନ୍ୟାସାହି ଗ୍ରାମବାସୀ । ସୋମବାର ସକାଳୁ ଗ୍ରାମର ଶତାଧିକ ମହିଳା ଗରା, ବାଲଟି ଧରି ଜାତୀୟ ରାଜପଥ ୫୩ର ରଙ୍ଗମାଟିଆ ଛକଠାରେ ରାସ୍ତା ଅବରୋଧ କରିଛନ୍ତି । ଯାହା ଫଳରେ କାମାକ୍ଷାନଗର-ଯାଜପୁର ରୋଡରେ ଯାତାୟାତ ବାଧାପ୍ରାପ୍ତ ହୋଇଛି । ଫଳରେ ଉଭୟ ପାର୍ଶ୍ବରେ ଶତାଧିକ ଗଡି ଅଟକି ରହିଥିଲା।  

ସୂଚନାଯୋଗ୍ୟ ଯେ, ରଙ୍ଗମାଟିଆ ବନ୍ୟାସାହିରେ ଗୋଟିଏ କୂଅ ଓ ଗୋଟିଏ ନଳକୂଅ ଉପରେ ସାହିର ପ୍ରାୟ ୧୫୦ଟି ପରିବାର ନିର୍ଭର କରିଥାନ୍ତି । କିନ୍ତୁ ଗ୍ରାମ ପାଖରେ NH ସମ୍ପ୍ରସାରଣରେ ନିୟୋଜିତ ଥିବା ବାଲାଜୀ କମ୍ପାନୀର ଡକୟାର୍ଡରୁ ନିର୍ଗତ ଦୂଷିତ ଗୁଣ୍ଡ ପାଖରେ ଥିବା କୂଅ ଓ ପୋଖରୀରେ ପଡି ପାଣି ଗାଧୋଇବା ଓ ପିଇବାକୁ ଉପଯୋଗ ହେଉନାହିଁ । ଯେଉଁ ଗୋଟିଏ ନଳକୂଅ ଅଛି ସେଥିରେ ଭଲରେ ପାଣି ଆସୁନାହିଁ। ଗ୍ରାମର ମହିଳାମାନେ ପାଣି ପାଇଁ ବହୁତ ଅସୁବିଧାର ସମ୍ମୁଖୀନ ହେଉଛନ୍ତି । ଏ ସମ୍ପର୍କରେ ବାରମ୍ବାର ବିଡିଓ, ସରପଞ୍ଚ ଓ ବାଲାଜୀ କର୍ତ୍ତୃପକ୍ଷଙ୍କୁ ଅଭିଯୋଗ କରାଯାଇଥିଲେ ମଧ୍ୟ କୌଣସି ପ୍ରତିକାର ବ୍ୟବସ୍ଥା ନ ହେବାରୁ ସୋମବାର ଶତାଧିକ ମହିଳା ରଙ୍ଗମାଟିଆ ଛକଠାରେ ରାସ୍ତାରୋକ କରିଥିଲେ । ଖବର ପାଇ କାମାକ୍ଷାନଗର ଥାନା ଅଧିକାରୀ ଓ ସରପଞ୍ଚ  ଘଟଣାସ୍ଥଳରେ ପହଞ୍ଚି ଲୋକମାନଙ୍କୁ ବୁଝାସୁଝା କରି ପାଣି ଦେବାର ପ୍ରତିଶ୍ରୁତି ମିଳିବା ପରେ ପ୍ରାୟ ୨ ଘଣ୍ଟା ପରେ ରାସ୍ତାରୋକ ହଟିଥିଲା । ଯାତାୟତ ସ୍ବାଭାବିକ ହୋଇଛି ।

   Related Posts