Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ଫେଲ୍ ମାରିଲା ବ୍ୟାଟିଂ, ଦକ୍ଷିଣ ଆଫ୍ରିକା ନିକଟରୁ ୩୧ ରନରେ ହାରିଲା ଭାରତ
  • ||
  • ରାଜ୍ୟରେ ଏବେ ତୃତୀୟ ଲହର ଚାଲିଛି, ତଥାପି ଭୟଭୀତ ହେବାର ଆବଶ୍ୟକତା ନାହିଁ: ମୁଖ୍ୟ ସଚିବ
  • ||
  • ପୁରୀ: ପୋଲିସ କବଜାରେ ୩ ଧଳାଜହର ବେପାରୀ, ୧୭୨ ବ୍ରାଉନ ସୁଗାର ଜବତ
  • ||
  • କ୍ୟାପଟେନ୍ ପଦ ଛାଡିବା ପରେ କୋହଲିଙ୍କ ଟେଷ୍ଟ ରାଙ୍କିଙ୍ଗ୍ରେ ସୁଧାର, ଟପ୍-୧୦କୁ ଫେରିଲେ ବୁମରା
  • ||
  • କଳାହାଣ୍ଡି; ଗୋଲାମୁଣ୍ଡା ଗାଁ ପୋଖରୀରେ ବୁଡି ଜାଆଁଳା ଭାଇ ମୃତ
  • ||
  • ବିଜେପିରେ ମିଶି ପାରନ୍ତି କଂଗ୍ରେସର ପୋଷ୍ଟର ଗର୍ଲ ପ୍ରିୟଙ୍କା ମୌର୍ଯ୍ୟ, କହିଲେ- ପାର୍ଟି ମୋର ଫାଇଦା ଉଠାଇଲା
  • ||
  • ଭାରତର ଷ୍ଟାର ଟେନିସ୍ ଖେଳାଳି ସାନିଆ ମିର୍ଜାଙ୍କ ଅବସର ଘୋଷଣା, ୨୦୨୨ ହେବ ଶେଷ ସିଜିନ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୮୨ ହଜାରରୁ ଅଧିକ କରୋନା ପଜିଟିଭ୍, ୪୪୧ ମୃତ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୯୪କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୬୦୭ କୋଭିଡ୍ ପଜିଟିଭ୍, ୧୧୬୭୦୯୪ରେ ପହଞ୍ଚିଲା ସଂଖ୍ୟା
  • ||

ହୋଲି ଅବସରରେ ରଙ୍ଗ ଲଗାଇବା ବାହାନାରେ ମହିଳାଙ୍କ ସହ ଦୁର୍ବ୍ୟବହାର କଲେ ମିଳିବ ଏହି ଦଣ୍ଡ

21/03/2019 at 2:56 PM

ଭୁବନେଶ୍ୱର ୨୧/୩ : ହୋଲିର ପର୍ବ ରଙ୍ଗ ଏବଂ ଖୁସିର ପର୍ବ | ହୋଲିରେ ଲୋକେ ରଙ୍ଗ ଖେଳିବା ସହ ବହୁତ ମସ୍ତି କରିଥାନ୍ତି | ପିଲାଠୁ ଆରମ୍ଭ କରି ବୃଦ୍ଧ ଯାଏଁ ଏବଂ ମହିଳାଙ୍କଠୁ ଆରମ୍ଭ କରି ପୁରୁଷମାନେ ଏହି ପର୍ବକୁ ଖୁବ ଉପଭୋଗ କରିଥାନ୍ତି | ପରସ୍ପରକୁ ରଙ୍ଗ ଲଗାଇ ହୋଲି ପର୍ବ ପାଳନ କରିଥାନ୍ତି ଲୋକେ | ଏହି ପର୍ବରେ ଆପଣ ଅଜାଣତରେ କୌଣସି ସମସ୍ୟାରେ ମଧ୍ୟ ପଡିପାରନ୍ତି | ରଙ୍ଗ ଲଗାଇବା ବେଳେ ଯଦି କୌଣସି ମହିଳାଙ୍କୁ କୌଣସି ପୁରୁଷ ଜୋର ଜବରଦସ୍ତି କରନ୍ତି କିମ୍ବା ଆପତ୍ତିଜନକ ଭାବେ ମହିଳାମାନଙ୍କୁ ଛୁଇଁବାକୁ ଚେଷ୍ଟା କରନ୍ତି ତାହେଲେ ତାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରେ |


ଭାରତୀୟ ଦଣ୍ଡ ବିଧାନ ଅର୍ଥାତ ଆଇପିସି ମହିଳାମାନଙ୍କୁ ବିଶେଷ ସୁରକ୍ଷା ପ୍ରଦାନ କରିଥାଏ | ସେଥିପାଇଁ କୌଣସି ପର୍ବପର୍ବାଣିରେ ମହିଳାମାନଙ୍କୁ ଦୁର୍ବ୍ୟବହାର କରିବା ମହଙ୍ଗା ପଡିଥାଏ | ମହିଳାଙ୍କ ଛଡା ଶିଶୁଙ୍କ ସହ ମଧ୍ୟ ଜୋର ଜବରଦସ୍ତି କିମ୍ବା ଅସଦାଚରଣ ମାମଲାରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରେ | ମହିଳାଙ୍କ ସହ ହେଉଥିବା ଏହିସବୁ ମାମଲାରେ ଅଭିଯୁକ୍ତଙ୍କ ବିରୋଧରେ ୩୫୪ ଧାରା ଅନୁଯାୟୀ ମୋକଦ୍ଦମା ରୁଜ୍ଜୁ କରାଯାଇଥାଏ |


କ’ଣ ୩୫୪ ଧାରା ?
ଯେଉଁଠି ମହିଳାଙ୍କ ମର୍ଯ୍ୟାଦା ଏବଂ ମାନ ସମ୍ମାନକୁ କ୍ଷତି ପହଂଚାଇବା ସହ ଜୋର ଜବରଦସ୍ତି କରାଯାଇଥାଏ ସେଠାରେ ଆଇପିସି ଧାରା ୩୫୪ ଲାଗୁ ହୋଇଥାଏ | ମହିଳାଙ୍କୁ ଆପତ୍ତିଜନକ ଭାବେ ଛୁଇଁବା, ତାଙ୍କୁ ଖରାପ ମନ୍ତବ୍ୟ ଦେବା ଆଦି ଏହି ଅନ୍ତର୍ଭୁକ୍ତ | ଆଇପିସି ଧାରା ଅନୁଯାୟୀ, ଯଦି କୌଣସି ବ୍ୟକ୍ତି ମହିଳାଙ୍କ ମର୍ଯ୍ୟାଦା ଭଙ୍ଗ କରିଥାଏ ତାହେଲେ ଅଭିଯୁକ୍ତ ଉପରେ ୩୫୪ ଧାରା ଲଗାଯାଇଥାଏ | ଅଭିଯୁକ୍ତର ଦୋଷ ସାବ୍ୟସ୍ତ ହେବାପରେ ତାକୁ ୨ ବର୍ଷ ଜେଲ ଦଣ୍ଡ ଭୋଗିବାକୁ ପଡିଥାଏ କିମ୍ବା ଜୋରିମାନା ଦେବାକୁ ପଡିଥାଏ |


ଶିଶୁଙ୍କ ମାମଲାରେ ଜୋରଜବରଦସ୍ତି କିମ୍ୱା ଯୌନ ଉତ୍ପୀଡ଼ନ ମାମଲାରେ ପୋକସୋ ଆକ୍ଟ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥାଏ | ଏହି ଆକ୍ଟ ଅନୁଯାୟୀ, ଶିଶୁଙ୍କ ସହିତ ହେଉଥିବା ଯୌନ ଅପରାଧ ଏବଂ ଅସଦାଚରଣ ମାମଲାରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥାଏ | ଏହି ଆକ୍ଟ ଶିଶୁଙ୍କୁ ଯୌନ ଉତ୍ପୀଡ଼ନ, ଦୁଷ୍କର୍ମ ଏବଂ ପର୍ଣ୍ଣଗ୍ରାଫି ଭଳି ଗମ୍ଭୀର ଅପରାଧରୁ ସୁରକ୍ଷା ପ୍ରଦାନ କରିଥାଏ | ପୋକସୋ ଆକ୍ଟର ଧାରା ୫ ଏଫ, ୬, ୭, ୮ ଏବଂ ୧୭ କୌଣସି ଶିକ୍ଷାଗତ ସଂସ୍ଥାରେ ହେଉଥିବା ଶିଶୁ ଯୌନ ଉତ୍ପୀଡ଼ନ ମାମଲା ଅନ୍ତର୍ଭୁକ୍ତ | ପୋକସୋ ଆକ୍ଟ ମାମଲାରେ ଅଭିଯୁକ୍ତକୁ ତୁରନ୍ତ ଗିରଫ କରାଯାଇଥାଏ | ଅଭିଯୁକ୍ତକୁ ଜମାନତ ମଧ୍ୟ ମିଳିନଥାଏ |


ଭାରତୀୟ ଦଣ୍ଡ ସଂହିତା ବା ଆଇପିସି ୧୮୬୨ ମସିହାରେ ବ୍ରିଟିଶ ଶାସନକାଳରେ ଲାଗୁ ହୋଇଥିଲା | ଏହାପରେ ମଝି ମଝିରେ ଏହି ନିୟମରେ ସଂଶୋଧନ କରାଯାଇଥାଏ | ଭାରତ ସ୍ୱାଧୀନ ହେବାପରେ ଏହି ଧାରାରେ ଅନେକ ପରିବର୍ତ୍ତନ କରାଯାଇଥିଲା | ପାକିସ୍ତାନ ଏବଂ ବାଙ୍ଗଲାଦେଶ ମଧ୍ୟ ଭାରତୀୟ ଦଣ୍ଡ ବିଧାନକୁ ଆପଣେଇଛନ୍ତି |

   Related Posts