ସୁବର୍ଣ୍ଣପୁର ୨୩/୧୨: ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଥାନା କୁକିଆ ଗାଁରେ ଜଣେ ମହିଳାଙ୍କ ସନ୍ଦେହଜନକ ମୃତ୍ୟୁ ଘଟିଛି । ମୃତକ ହେଲେ ୨୨ବର୍ଷ ବୟସ୍କା ପ୍ରିୟବତୀ ମହାଲିଙ୍ଗ । ମୃତ ପ୍ରିୟବତୀଙ୍କ ବାପା ବନମାଳୀ ମହାଲିଙ୍ଗ ଝିଅକୁ ନିର୍ଯାତନା ଦେଇ ମାରିଦେଇଥିବା ଉଲୁଣ୍ଡା ଥାନାରେ ଅଭିଯୋଗ ହୋଇଛି ।
{"id":201350,"sizeSlug":"large"}୪ବର୍ଷ ତଳେ ସେହି ଗାଁର ବାବୁଲି ତରିଆଙ୍କ ସହ ପ୍ରିୟବତୀଙ୍କ ବିବାହ ହୋଇଥିଲା । ଆଜି ପରିବାରଲୋକେ ଘର ପାଇଖାନାରୁ ପ୍ରିୟବତୀଙ୍କ ମୃତଦେହ ଉଦ୍ଧାର କରିଥିଲେ । ପାଇଖାନା ଭିତରେ ଶାଢୀରେ ଫାଶି ଲଗାଇ ଆତ୍ମହତ୍ୟା କରିଥିବା ସଫେଇ ଦେଇଛନ୍ତି । କିନ୍ତୁ ମୃତ ପ୍ରିୟବତୀଙ୍କୁ ଯୋଜନାବଦ୍ଧ ଭାବେ ହତ୍ୟା କରାଯାଇଥିବା ପ୍ରିୟବତୀଙ୍କ ବାପଘର ଲୋକେ ଅଭିଯୋଗ କରିଛନ୍ତି । ଘଟଣାସ୍ଥଳରେ ବୀରମହାରାଜପୁର ଏସ୍.ଡି.ପି.ଓ ,ଉଲୁଣ୍ଡା ଆଇ.ଆଇ.ସି ଏବଂ ମାଜିଷ୍ଟ୍ରେଟ୍ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
{"id":201351,"sizeSlug":"large"}