Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାରେ ଅଧିକ ପ୍ରଭାବିତ ୧୦୦ ଜିଲ୍ଲାର କଲେକ୍ଟରଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||
  • ଶ୍ରୀମନ୍ଦିର ବନ୍ଦ, ସେବାୟତ ପରିବାରଙ୍କୁ ୧୦ ହଜାର ଟଙ୍କା ଲେଖାଏଁ ସହାୟତା ପ୍ରଦାନ କଲା ଶ୍ରୀ ମନ୍ଦିର ପ୍ରଶାସନ
  • ||
  • କୋଭିସିଲ୍ଡର ଦୁଇ ଡୋଜ୍ ମଧ୍ୟରେ ବ୍ୟବଧାନ ରହିବ ୧୨ ରୁ ୧୬ ସପ୍ତାହ, ପ୍ରସ୍ତାବକୁ ସ୍ଵୀକାର କଲେ କେନ୍ଦ୍ର ସରକାର
  • ||
  • କରୋନା ଲଢେଇରେ ମିଳିଲା ତୃତୀୟ ଅସ୍ତ୍ର ! ଆଗାମୀ ସପ୍ତାହରେ ବଜାରରେ ମିଳିବ ସ୍ପୁଟନିକ୍-ଭି, ଜୁଲାଇରେ ଦେଶରେ ଆରମ୍ଭ ହେବ ଉତ୍ପାଦନ
  • ||
  • ପାଟନା : ମେ’ ୨୫ ଯାଏଁ ରାଜ୍ୟରେ ବଢିଲା ଲକ୍‌ଡାଉନ୍, ବିହାର ମୁଖ୍ୟମନ୍ତ୍ରୀ କଲେ ଘୋଷଣା
  • ||
  • ମୁମ୍ବାଇ : ଟିଭି ଅଭିନେତା ରାଜୀବ ପାଲ୍ କରୋନା ସଂକ୍ରମିତ, ହସ୍ପିଟାଲରେ ଭର୍ତ୍ତି
  • ||
  • ନୂଆଦିଲ୍ଲୀ : ବାଜା, ବାଣ, ବରଯାତ୍ରୀ ବିନା ବାହାଘର, ବାଇକ୍‌ରେ କନ୍ୟାକୁ ସାଙ୍ଗରେ ନେଇ ଘରକୁ ଫେରିଲେ ବର
  • ||
  • ଭଦ୍ରକ : ଷଣ୍ଢ ବୋଝେଇ ପିକଅପ୍ ଭ୍ୟାନ୍ ଅଟକ ରଖିଲେ ଗ୍ରାମବାସୀ, ଗୋଟିଏ ଷଣ୍ଢ ମୃତ, ୨ଟି ଉଦ୍ଧାର
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୬୪୯ ପଜିଟିଭ୍
  • ||
  • ମାଡି ଆସୁଛି ବାତ୍ୟା ‘ତଉକ୍ତେ’, ଓଡିଶା ଉପରେ କଣ ରହିବ ପ୍ରଭାବ
  • ||

ବେଆଇନ ମଦ ବିକ୍ରିକୁ ମହିଳା ମହାସଂଘର ବିରୋଧ; ଦୋକାନରେ ପଶି ମଦ ବୋତଲ ଭାଙ୍ଗିଲେ, ଗାଁରେ ଉତ୍ତେଜନା

5/02/2019 at 1:34 PM

ସୁବର୍ଣ୍ଣପୁର ୫|୧: ସବୁର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା ବଡଖମାର ଗାଁରେ ଦିନକୁ ଦିନ ଚୋରା ମଦ କାରବାର ବୃଦ୍ଧି ପାଇବାରେ ଲାଗିଛି । ଗାଁରେ ଚାଲିଛି ବେଆଇନ କୁଚିଆ ମଦ ଭାଟି  । ବେଆଇନ ମଦ ବିକ୍ରୀ ଯୋଗୁଁ ଗାଁରେ  ଅସାମାଜିକ କାର୍ଯ୍ୟକଳାପ ବୃଦ୍ଧି ପାଇଛି । ଏହାକୁ ବିରୋଧ କରି ତାତିଲେ ମହିଳାମାନେ । ମହାସଂଘ ଗଠନ କରି  ମହିଳାମାନେ  ବଡଖମାର ଗାଁରେ ବେଆଇନ ମଦ ବିକ୍ରି କରୁଥିବା ଦୋକାନ ଉପରେ ଚଢଉ କରି ଜବତ କରିଛନ୍ତି ମଦ  । ତେଜରାତି ଦୋକାନରୁ  ବିଦେଶୀ ମଦ ଜବତ କରି ମଦ ବୋତଲ ଭଙ୍ଗାରୁଜା କରିଛନ୍ତି ।

ବଡଖମାର ଗାଁରେ ଗତ କିଛିମାସ ହେଲା ଚାଲିଥିବା ଏହି ବେଆଇନ ମଦ ବିକ୍ରିକୁ ବିରୋଧ କରିଆସୁଛନ୍ତି ଗାଁର ମହିଳା । ଏନେଇ ପୂର୍ବରୁ ମଦ ବିକ୍ରି କରୁଥିବା ଦୋକାନୀଙ୍କୁ ମଦ ନବିକିବାକୁ କହିବା ସହ ଏନେଇ ଅବକାରୀ ବିଭାଗକୁ ମଧ୍ୟ ଜଣାଇଥିଲେ ମହିଳାମାନେ । ତେବେ କିଛି ସୁଫଳ ନମିଳିବାରୁ ଶେଷରେ ଆଜି ମହିଳାମାନେ ଏକତ୍ରିତ ହୋଇ ବେଆଇନ ମଦ ବିକୁଥିବା ତେଜରାତି ଦୋକାନ ଉପରେ ଚଢାଉ କରିଥିଲେ ।

ମହିଳା ମହାସଂଘ ଶହ ଶହ ମହିଳା  ଗାଁ ଗାଁ ବୁଲି ଲୋକଙ୍କୁ ମଦଠାରୁ ଦୂରେଇ ରହିବାରୁ ସଚେତନ କରିଛନ୍ତି  । ମହିଳାମାନେ ଶପଥ  ନେଇଛନ୍ତି ପଞ୍ଚାୟତରେ ମଦ ବନ୍ଦ କରିବା ପାଇଁ  । ଏଥିରେ ସାମିଲ ହୋଇଛନ୍ତି ଖୋଦ  ଜଟେସିଙ୍ଗା ପଞ୍ଚାୟତର  ସରପଞ୍ଚ  ।  ଆଗକୁ  ପଞ୍ଚାୟତର  ସବୁ ଗାଁରେ  ଏହି ଆନ୍ଦୋଳନ କରାଯିବ ବୋଲି କହିଛନ୍ତି ସ୍ଥାନୀୟ ସରପଞ୍ଚ  । ବେଆଇନ ମଦ ବିକ୍ରି ସୂଚନା ପାଇଲେ ଚଢଉ କରି କାର୍ଯ୍ୟାନୁଷ୍ଠାନ ନିଆଯାଉଛି ବୋଲି ବିରମହାରଜାପୁର ଅବକାରୀ ବିଭାଗ ପକ୍ଷକୁ କୁହାଯାଇଛି  ।

ଗାଁ ଗାଁରେ ବେଆଇନ ମଦ ବିକ୍ରି କାରବାର ବଢି ଚାଲିଥିଲେ ବି ଅବକାରୀ ବିଭାଗ କି ପୋଲିସ ପଦକ୍ଷେପ ନେଇ ନ ଥିବାର ଅଭିଯୋଗ କରିଛନ୍ତି ମହିଳାମାନେ । ଆଗକୁ ମଦ ବିରୋଧୀ ଆନ୍ଦୋଳନ ଆହୁରି ଜୋରଦାର କରିବାକୁ ମହିଳାମାନେ କହିଛନ୍ତି ।

   Related Posts