Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୨ ଜଣଙ୍କ ଜୀବନ, ୩୩୮୮ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୪୦୫ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଚିରାଗଙ୍କ ହାତରୁ ଖସିଲା କମାଣ୍ଡ୍ : ଚାଚା ପଶୁପତିଙ୍କୁ ଗ୍ରୀନ ସିଗନାଲ୍, LJP ସଂସଦୀୟ ଦଳର ନେତା ହେଲେ ପାରସ
  • ||
  • ସାରା ବିଶ୍ୱର ଚିନ୍ତା ବଢାଇଲା ଡେଲ୍ଟା ଭାରିଆଣ୍ଟ : ବ୍ରିଟେନ ସମେତ ଅନେକ ଦେଶରେ ଫେରିଲା କଟକଣା
  • ||
  • ନକଲି ଔଷଧ ମାମଲାର ତଦନ୍ତ କରିବ କ୍ରାଇମବ୍ରାଞ୍ଚ୍, ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ
  • ||
  • କାର୍ଯ୍ୟାଳୟ ନା ସ୍ପା ? ଖଟରେ ଆରାମରେ ଶୋଇଛନ୍ତି ପୋଲିସ ବାବୁ, କଏଦୀ କରୁଛନ୍ତି ମସାଜ୍
  • ||

ରବିବାରରେ କାମ କରାଇବା ପଡିଲା ମହଙ୍ଗା: ହୋଟେଲରେ ବାସନ ମାଜୁଥିବା ଜଣେ ମହିଳା ପାଇବେ ଦେଢ କୋଟି ଟଙ୍କା

19/01/2019 at 12:24 PM

କୋନରାଡ ୧୯|୧: ମେରୀ ଜ୍ୟା ପିୟରେ ନାମକ ଜଣେ ମହିଳା କୋନରାଡର ମିଆମି ହୋଟେଲରେ ଦୀର୍ଘ ୬ ବର୍ଷ ଧରି ବାସନ ମାଜିବା କାମ କରୁଥିଲେ । ହିଲ୍ଟନ ଗ୍ରୁପର ଏହି ହୋଟେଲର କିଚେନ ମ୍ୟାନେଜର ୨୦୧୫ ମସିହାରେ ରବିବାରେ ମଧ୍ୟ ମେରୀଙ୍କୁ କାମ କରିବା ଲାଗି ଡାକିବା ପାଇଁ ହୋଟେଲ ପ୍ରଶାସନକୁ ଅନୁରୋଧ କରିଥିଲେ । ଏହାକୁ ହୋଟେଲ ପ୍ରଶାସନ ଗ୍ରହଣ କରିନେଇଥିଲା ।

ଫଲରେ ମେରୀ ରବିବାରେ ମଧ୍ୟ କାମ କରିବାକୁ ଯିବାକୁ ପଡିଥିଲା । ସୂଚନାଯୋଗ୍ୟ ଯେ, ମେରୀ କ୍ରାଇଷ୍ଟ ଚର୍ଚ୍ଚର ମିଶନାରୀ ଗ୍ରୁପ ସୋଲଜର ନାମକ ଏକ ଧାର୍ମିକ ସେବଚ୍ଚାସେବୀ ସଂସ୍ଥାର ସଦସ୍ୟ ଥିଲେ । ଏହି ସଂସ୍ଥା ଗରୀବଙ୍କ ପାଇଁ କାମ କରେ । ରବିବାର ଚର୍ଚ୍ଚରେ ସଂସ୍ଥାର ସଦସ୍ୟମାନଙ୍କ ବହୁତ କାମ ଥାଏ । ସେଥିପାଇଁ ମେରୀ ହୋଟେଲର କର୍ମଚାରୀ ଆପ ଜରିଆରେ ଅନ୍ୟ କର୍ମଚାରୀଙ୍କ ସହିତ ସହମତି ଭିତ୍ତିରେ ନିଜର ସିଫ୍ଟ ପରିବର୍ତ୍ତନ କରୁଥିଲେ । କିନ୍ତୁ ଏହାକୁ ହୋଟେଲ ପ୍ରଶାସନ ସହଜରେ ଗ୍ରହଣ କରୁନଥିଲା ।

୨୦୧୬ ମସିହାରେ ଠିକ କାମ କରୁନଥିବା ଦର୍ଶାଇ ମେରୀଙ୍କୁ ହୋଟେଲ ପ୍ରଶାସନ ଚାକିରୀରୁ ବହିଷ୍କାର କରିଥିଲା । ଏହା ବିରୋଧରେ ୨୦୧୭ ମସିହାରେ ମେରୀ ଅଦାଲତର ଆଶ୍ରୟ ନେଇଥିଲେ । ତାଙ୍କ କ୍ଷେତ୍ରରେ ୧୯୬୪ର ମସିହାର ନାଗରିକ ଅଧିକାର ଆଇନ ଉଲଂଘନ ହୋଇଛି ବୋଲି ସେ ଅଦାଲତରେ ଅଭିଯୋଗ କରିଥିଲେ ।

ଅଭିଯୋଗର ଶୁଣାଣୀ କରି ଅଦାଲତ ସଂପୃକ୍ତ ହୋଟେଲକୁ ଦୋଷୀ ସାବ୍ୟସ୍ତ କରିବା ସହ ମେରୀଙ୍କୁ ୨୧ ନିୟୁତ ଡଲାର ଅର୍ଥାତ ପ୍ରାୟ ଦେଢ କୋଟି ଟଙ୍କା କ୍ଷତିପୂରଣ ଦେବାକୁ ନିର୍ଦ୍ଦେଶ ଦେଇଛନ୍ତି । ହୋଟେଲ କର୍ତ୍ତୃପକ୍ଷ ଏଭଳି ରାୟକୁ ଭୁଲ ବୋଲି କହିଥିଲେ ମଧ୍ୟ ମେରୀଙ୍କୁ କ୍ଷତିପୂରଣ ଦେବାକୁ ବାଧ୍ୟ ।

   Related Posts