Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ହାଇଦ୍ରାବାଦ ଦୁଷ୍କର୍ମ ଓ ହତ୍ୟା ମାମଲା: ଚଞ୍ଚଲଗୁଡା ଜେଲକୁ ଗଲେ ୪ ଅଭିଯୁକ୍ତ, ଶାଦନଗର ଥାନା ଆଗରେ ବିକ୍ଷୋଭକାରୀଙ୍କ ତୁମୁଳ କାଣ୍ଡ

30/11/2019 at 5:43 PM

ହାଇଦ୍ରାବାଦ ୩୦।୧୧:  ମହିଳା ଭେଟନାରୀ ଡାକ୍ତର ଦୁଷ୍କର୍ମ ଓ ପୋଡି ହତ୍ୟା କରିବା ମାମଲାରେ ଗରିଫ ୪ ଅଭିଯୁକ୍ତ  ମହମ୍ମଦ ଅରିଫ, ଜୋଲ୍ଲୁ ଶିବା, ଜୋଲ୍ଲୁ ନବୀନ ଓ ଚିନ୍ତାକୁଣ୍ଟା ଚେନ୍ନା କେଶାବାଲୁଙ୍କୁ ଶନିବାର ପୋଲିସ କୋର୍ଟରେ ହାଜର କରିଥିଲା। ରଙ୍ଗା ରେଡ୍ଡୀ କୋର୍ଟ ସେମାନଙ୍କୁ ୧୪ ଦିନ ବିଚାର ବିଭାଗୀୟ ହାଜତକୁ ପଠାଇଦେଇଛନ୍ତି। ଅଭିଯୁକ୍ତଙ୍କ ଜୀବନ ପ୍ରତି ବିପଦ ଥିବା ଆଶଙ୍କାରେ ପୋଲିସ ସେମାନଙ୍କୁ ଚଞ୍ଚଲଗୁଡା ଜେଲକୁ ନେଇଯାଇଛି।

ସେପଟେ ଶାଦନଗର ଥାନାରେ ବିକ୍ଷୋଭକାରୀ ତୁମୁଳକାଣ୍ଡ କରିଛନ୍ତି। ଅଭିଯୁକ୍ତ ଥାନାରେ ଥିବା ଜଣାପଡିବା ପରେ ଶହଶହ ଲୋକ ଏକକାଳୀନ ଥାନାକୁ ପଶିବାକୁ ଉଦ୍ୟମ କରିଥିଲେ। ତେବେ ପୋଲିସ ସେମାନଙ୍କୁ ଅଟକାଇବାକୁ ଚେଷ୍ଟା କରିବାରୁ ଲୋକେ ଜୋତା ଚପଲ ମାଡ କରିଥିଲେ। ଲୋକେ ଥାନାରେ ପଶି ଅଭିଯୁକ୍ତଙ୍କୁ ଉଠାଇ ନେବାକୁ ଉଦ୍ୟମ କରିଥିଲେ। ଏଣୁ ପୋଲିସ ସେମାନଙ୍କୁ ବାଧା ଦେବାରୁ ଉତ୍ତେଜନାମୂଳକ ପରିସ୍ଥିତି ଉପୁଜିଥିଲା। ଶେଷରେ ଭିଡକୁ ନିୟନ୍ତ୍ରଣ କରିବା ଲାଗି ପୋଲିସକୁ ଲାଠି ଚାଳନା କରିବାକୁ ପଡିଥିଲା। କେବଳ ଶାଦନଗର  ନୁହେଁ ଘଟଣାକୁ ନେଇ ଶନିବାର ଦିନତମାମ ରାଜ୍ୟର ବିଭିନ୍ନ ସ୍ଥାନରେ ବିରୋଧ, ବିକ୍ଷୋଭ ଓ ରାସ୍ତାରୋକ ଆଜି ଜାରି ଥିଲା।

ସରକାରୀ ବିଦ୍ୟାଳୟର ଛାତ୍ରଛାତ୍ରୀମାନେ ଘଟଣାକୁ ବିରୋଧ କରି ହାଇଦ୍ରାବାଦ-ବେଙ୍ଗାଲୁରୁ ଜାତୀୟ ରାଜମାର୍ଗ ଅବରୋଧ କରିଥିଲେ। ଫଳରେ ଦୀର୍ଘ ସମୟ ଧରି ରାସ୍ତାରେ ଯାନବାହନ ଚଳଚଳ ବ୍ୟହତ ହୋଇଥିଲା। ସେପଟେ ଜାତୀୟ ମହିଳା କମିଶନଙ୍କ ଏକ ଟିମ୍ ପୀଡିତାଙ୍କ ପରିବାରଙ୍କୁ ଭେଟିଥିବାର ସୂଚନା ମିଳିଛି। ଶାଦନଗର ବାର ଆସୋସିଏସନ ମାମଲାରେ ଗିରଫ ଅଭିଯୁକ୍ତଙ୍କୁ କୌଣସି ପ୍ରକାର ଆଇନଗତ ସହାୟତା କରିବେ ନାହିଁ ବୋଲି ଘୋଷଣା କରିଛନ୍ତି। ମହିଳା ପ୍ରାଣୀଧନ ଡାକ୍ତରଙ୍କ ପୋଡାଶବ ଶୁକ୍ରବାର ରଙ୍ଗାରେଡ୍ଡୀ ଜିଲ୍ଲା ଶାଦନଗର ସହର ବାହାରେ ଜବତ ହୋଇଥିଲା। ସାଇବରାବାଦ ପୋଲିସ ଫାଷ୍ଟଟ୍ରାକ୍ କୋର୍ଟରେ ମାମଲାର ବିଚାର ଲାଗି ନିବେଦନ କରିବ ବୋଲି ଗତକାଲି କହିଥଲା।

   Related Posts