ନୂଆଦିଲ୍ଲୀ ୦୬/୧୦: ସାଉଥର ଲୋକପ୍ରିୟ ଅଭିନେତା ଥଲା ଅଜିତ ଏବେ ଚର୍ଚ୍ଚାରେ। ସେ ତାଙ୍କର କୌଣସି ଫିଲ୍ମ ପାଇଁ ନୁହେଁ ବରଂ ଜଣେ ମହିଳାଙ୍କ କାରଣରୁ ଚର୍ଚ୍ଚାରେ ଆସିଛନ୍ତି। ସୋସିଆଲ ମିଡିଆରେ ଜଣେ ମହିଳା ହସ୍ପିଟାଲ କର୍ମଚାରୀଙ୍କ ଭିଡିଓ ଭାଇରାଲ ହେବାରେ ଲାଗିଛି। ଯେଉଁଥିରେ ସେ ଅଜିତଙ୍କ ଘର ଆଗରେ ନିଜକୁ ନିଆଁ ଲଗାଇବାକୁ ଚେଷ୍ଟା କରୁଛନ୍ତି ଏବଂ ତାଙ୍କୁ ଅଟକାଇବା ପାଇଁ ପୋଲିସ ପ୍ରଶାସନ ପକ୍ଷରୁ ସମସ୍ତ ଉଦ୍ୟମ କରାଯାଉଛି। ସେହି ମହିଳାଙ୍କ ମଧ୍ୟ ଅଭିନେତାଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି।
wp:html/wp:htmlA lady named #Farzana who lost job in hospital tried to set her ablaze in front of #Thala #AjithKumar's house.
— Manobala Vijayabalan (@ManobalaV) October 4, 2021
She has been stopped & detained by the police. pic.twitter.com/RoeJlTA1E7
ସୂଚନା ଅନୁଯାୟୀ,ପୀଡିତାଙ୍କ ନାମ ଫରଜାନା। ସେ ହସ୍ପିଟାଲରେ ଚାକିରୀ କରନ୍ତି। ହସ୍ପିଟାଲରେ ତାଙ୍କ ଚାକିରୀ ଯିବାରୁ ସେ ଏପରି କରିଥିବା ଜଣାପଡିଛି। ତାଙ୍କୁ ଚାକିରୀରୁ ସେତେବେଳେ ବାହାର କରାଯାଇଥିଲା ଯେତେବେଳେ ଅଜିତ ଏବଂ ଶାଲିନୀ ତାଙ୍କ ହସ୍ପିଟାଲକୁ ଆସିଥିଲେ ଏବଂ ସେ ତାଙ୍କ ସହ ଭିଡିଓ କରିଥିଲେ। ଚାକିରି ଯିବା ପରେ ସେ ଅଭିନେତା ଏବଂ ତାଙ୍କ ପତ୍ନୀ ଶାଲିନୀଙ୍କୁ ଭେଟିବା ପାଇଁ ଅନେକ ଚେଷ୍ଟା କରିଥିଲେ ଯେପରି ତାଙ୍କୁ ସେହି ଚାକିରି ପୁଣିଥରେ ମିଳିଯାଉ। କିନ୍ତୁ ସେମାନେ ତାହା କରିବାକୁ ମନା କରି ଦେଇଥିଲେ। ଯାହାପରେ ମହିଳା ଏହି ପଦକ୍ଷେପ ନେଇଛନ୍ତି।
ତେବେ ଘଟଣାକୁ ରୋକିବା ପାଇଁ ପୋଲିସ ଅଜିତଙ୍କ ଘର ପାଖରେ ପହଞ୍ଚି ମହିଳାଙ୍କୁ ଗିରଫ କରିଛି। ତାଙ୍କୁ ପଚରାଉଚରା ପାଇଁ ପୋଲିସ ଷ୍ଟେସନକୁ ନିଆଯାଇଛି।