Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ପହଞ୍ଚିଲା ଓମିକ୍ରନ୍‌ ଭ୍ୟାରିଆଣ୍ଟ । କର୍ଣ୍ଣାଟକର ୨ ଜଣ ବ୍ୟକ୍ତି ଓମିକ୍ରନ୍‌ ଭ୍ୟାରିଆଣ୍ଟରେ ସଂକ୍ରମିତ
  • ||
  • ହଜିନି ମାନବିକତା, ପାଇଥିବା ସୁନା ଗହଣାକୁ ଫେରାଇଦେଲେ ଅଟୋ ଚାଳକ
  • ||
  • ଭୁବନେଶ୍ବର : STF ମୋଷ୍ଟ ୱାଣ୍ଟେଡ ଲିଷ୍ଟରେ ଅନୀଲ ପାଣ୍ଡି, ସୂଚନା ଦେଲେ ମିଳିବ ପୁରସ୍କାର
  • ||
  • ଭୁବନେଶ୍ବର : ୩ ନିର୍ବାହୀ ଅଧିକାରୀଙ୍କୁ ବାଧ୍ୟତାମୂଳକ ଅବସର ଓ ଜଣେ ଆରଆଇ ଚାକିରୀରୁ ବହିଷ୍କୃତ
  • ||
  • ନୂଆଦିଲ୍ଲୀ : ବାତ୍ୟା ଅପଡେଟ୍ : ୩ରୁ ଓଡିଶାରେ ବର୍ଷା, ୪ରେ ପବନର ବେଗ ଛୁଇଁବ ୯୦ କି.ମି.
  • ||
  • ନୂଆଦିଲ୍ଲୀ : ଶୁକ୍ରବାରଠୁ ରାଜଧାନୀରେ ସମସ୍ତ ସ୍କୁଲ ବନ୍ଦ, ଘୋଷଣା କଲେ କେଜ୍ରିଓ୍ୱାଲ୍‌ ସରକାର
  • ||
  • ବାଇକକୁ ପିଟିଲା ଜୁସ୍ ବୋଝେଇ ଟ୍ରକ୍, ୨ ଆରୋହୀ ମୃତ
  • ||
  • କଣ୍ଟାବାଞ୍ଜି : ମମିତା ମେହେର ହତ୍ୟାକାଣ୍ଡ ମାମଲା : ADG କୋର୍ଟରେ ଜାମିନ ଆବେଦନ କଲା ଗୋବିନ୍ଦ ସାହୁ
  • ||
  • ସାନଖେମୁଣ୍ଡି : ୩୦ ଏକର ଗଞ୍ଜେଇ ଚାଷ ନଷ୍ଟ କଲା ପ୍ରଶାସନ
  • ||
  • ଘାରିଛି ଓମିକ୍ରନ ବିପଦ : ବିଳମ୍ବିତ ହେବ ଟିମ୍ ଇଣ୍ଡିଆର ଦକ୍ଷିଣ ଆଫ୍ରିକା ଗସ୍ତ ! ସମୟ ମାଗିଲା ବିସିସିଆଇ
  • ||

ଶ୍ବଶୁରଘର ଲୋକେ ବନ୍ଦ କରିଦେଲେ କବାଟ, ମା ଓ ଭାଇକୁ ସାଂଗରେ ନେଇ ଶ୍ବଶୁର ଘର ଆଗରେ ଅନଶନରେ ବସିଲେ ମହିଳା… ତା’ପରେ କଣ ହେଲା ପଢନ୍ତୁ

20/11/2018 at 5:13 PM

ଜୟପୁର ୨୦|୧୧: ଶ୍ବଶୁର ଘର ପିଣ୍ଢାରେ ବସି ନ୍ୟାୟ ମାଗୁଛି ବୋହୁ।ହେଲେ ନ୍ୟାୟ ଦେବେ କଣ ବୋହୁକୁ ଘର ମଧ୍ୟକୁ ବି ପ୍ରବେଶ କରାଇ ଦେଇନଥିଲେ ଶ୍ବଶୁର ଘର ଲକେ। ହେଲେ ବୋହୁ ବି ଛାଡିବା ଲୋକ ନୁହେଁ। ନିଜ ଭାଇ ଓ ମାଆକୁ ଡାକି ଶଶୁର ଘର ସାମ୍ନାରେ ଧାରଣାରେ ବସିଲା।ତଥାପି  ଶ୍ବଶୁର ଘର ଲୋକେ କବାଟ ଖୋଲିଲେନି। ରାସ୍ତାରେ ଯାଉଥିବା ଲୋକେ ବାଟ କାଟି ଚାଲି ଯାଉଥିଲେ ।ସେପଟେ ସ୍ବାମୀ ସବୁ ଦେଖୁଥିଲା କିନ୍ତୁ କିଛି କରୁନଥିଲା । ବରଂ ନିଜ ସ୍ତ୍ରୀ ବିରୋଧରେ ଲମ୍ବା ଅଭିଯୋଗର ଫର୍ଦ୍ଦ ପ୍ରସ୍ତୁତ କରୁଥିଲା।ଏମିତି କିଛି ଘଟଣା ଘଟିଛି ଜୟପୁର ନୂଆଁ ସାହିରେ।ଶେଷରେ ପୋଲିସ ଏଥିରେ ହସ୍ତକ୍ଷେପ କରିବା ପରେ ବୋହୁକୁ ଘରେ ପ୍ରବେଶ କରାଇଥିଲେ ଶ୍ବଶୁରଘର ଲୋକେ।

ବାହା ଘରର ୧୦ ବର୍ଷ ପରେ ବି ଶ୍ବଶୁରଘର ଲୋକେ ନିର୍ଯ୍ୟାତନା ଦେଉଥିଲେ । ଏବେ ଆଉ  ଘରେ ବି ପୁରାଇ ଦେଉ ନାହାଁନ୍ତି ବୋଲି କହିଥିଲେ ପି. ବସନ୍ତା । ଘଣ୍ଟା ଘଣ୍ଟା ଧରି ସେ ଏପରି ଶଶୁର ଘର ସାମ୍ନାରେ ବସିଥିଲେ ବି ଶଶୁର ଘର ଲୋକେ କବାଟ ଖୋଲିନଥିଲେ।ଆଉ ଘର ବାହାରେ ଥାଇ ସ୍ବାମୀ ପି.ଦୂର୍ଗା ସମସ୍ତ ଘଟଣା ଦେଖୁଥିବା ବେଳେ ନିଜ ସ୍ତ୍ରୀଙ୍କ ବିରୋଧର ପ୍ରସ୍ତୁତ କରୁଥିଲେ ଲମ୍ବା ଅଭିଯୋଗର ପତ୍ର।ଅଭିଯୋଗ ଅନୁସାରେ ନବରଂଗପୁରର ପି.ବସନ୍ତା ଜୟପୁରର ପି.ଦୂର୍ଗା ରାଓଙ୍କୁ ୧୦ ବର୍ଷ ତଳେ ବାହା ହୋଇଥିଲେ।ହେଲେ ସେ ବିଭିନ୍ନ ରୋଗରେ ଆକ୍ରାନ୍ତ ହୋଇଥିବା ବେଳେ ତାଙ୍କର ପିଲା ଛୁଆ ବି ନାହାଁନ୍ତି।ତେଣୁ ପ୍ରତି ମାସରେ ତାଙ୍କର ଚିକିତ୍ସା ପାଇଁ ଟଂକା ଖର୍ଚ୍ଚ ହେଉଥିବାରୁ ଶାଶୁ ଘର ଲୋକ ଏଥିରେ ଅମଂଗ।ଆଉ ଏହି କାରଣରୁ ତାଙ୍କୁ ନିର୍ଯ୍ୟାତନା ଦେବା ସହ ଯୌତୁକ ଆଣିବାକୁ ଶଶୁର ଘର ଲୋକ ଦାବୀ କରୁଥିବା ଅଭିଯୋଗ କରିଛନ୍ତି ବୋହୁ ପି.ବସନ୍ତା।

ସେପଟେ ବୋହୁ ବି ନଛୋଡ ବନ୍ଧା।ଶାଶୁ ଘର ଲୋକ କବାଟ ନଖୋଲିବା ପର୍ଯ୍ୟନ୍ତ ସେ ବି ଘର ସାମ୍ନାରେ ଧାରଣାରେ ବସିବା ଜିଦରେ ଅଟଳ।ଆଉ ଏମିତି ଅପରାହ୍ନ ୩ଟାରୁ ରାତି ୧୦ଟା ପର୍ଯ୍ୟନ୍ତ ଚାଲିବା ପରେ ପୋଲିସ ଏଥିରେ ହସ୍ତକ୍ଷେପ କରିଥିଲା।ଉଭୟଙ୍କୁ ଟାଉନ ଥାନା ଆଣି କାଉନସେଲିଂ କରିବା ପରେ ଶାଶୁ ଘର ଲୋକେ ବୋହୁକୁ ଘରେ ପ୍ରବେଶ କରାଇଥିଲେ ।କିନ୍ତୁ ବୋହୁ ବିରୋଧରେ ଆଣିଥିଲେ ସାଂଘାତିକ ଅଭିଯୋଗ।ତାଙ୍କ ବିରୋଧରେ ସମସ୍ତ ଅଭିଯୋଗକୁ ଖଣ୍ଡନ କରିବା ସହ ବୋହୁ ହିଁ ମାନସିକ ଭାରସ୍ୟାମ ହରାଇ ଘର ଲୋକଙ୍କୁ ମାରିବା ସହ କାମୁଡି ଦେଉଥିବା ଅଭିଯୋଗ କରିଥିଲେ।ତେବେ ଏ ନେଇ ଶାଶୁ ଘର ଲୋକ କେମେରା ସାମ୍ନାରେ ମୁହଁ ଖୋଲୁନଥିବା ବେଳେ ଆଗକୁ ଶାଶୁ ଘର ଲୋକେ ବୋହୁକୁ ନିର୍ଯ୍ୟାତନା ଦେଲେ ଆଇନ ଅନୁସାରେ କାର୍ଯ୍ୟନୁଷ୍ଠାନ ନିଆ ଯିବ ବୋଲି କହିଛନ୍ତି ଜୟପୁର ଟାଉନ ଥାନା ଅଧିକାରୀ।

ପୋଲିସ ହସ୍ତକ୍ଷେପ ପରେ ଶାଶୁ ଘର ଲୋକ ସିନା ବୋହୁକୁ ଘରେ ପ୍ରବେଶ କରାଇ ଦେଲେ , ହେଲେ ଛାଡପତ୍ର ପାଇଁ ସ୍ବାମୀ ସ୍ତ୍ରୀକୁ ନୋଟିସ ପଠାଇଥିବାରୁ ସ୍ତ୍ରୀ ବସନ୍ତା ଶାଶୁ ଘରେ କେତେ ଦିନ ରହି ପାରିବେ ତାକୁ ନେଇ ଆଂଶକା ଦେଖା ଦେଇଛି।

   Related Posts