Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ପୁରୀ ହାଜତ ମୃତ୍ୟୁ ଘଟଣାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ
  • ||
  • ଯୋଜନାବଦ୍ଧ ଲୁଟ୍ : ସାଙ୍ଗଙ୍କୁ ଲଗାଇ ଡକାୟତି କରାଇଥିଲା IIFL କର୍ମଚାରୀ ଲାଲା ଅମ୍ରିତ ରାୟ
  • ||
  • ଅଭିନେତା ଆଶିଷ ରାୟଙ୍କ ପରଲୋକ
  • ||
  • ବାତ୍ୟା ‘ନିଭାର୍’ ପ୍ରଭାବରେ ଚେନ୍ନାଇରେ ବର୍ଷା
  • ||
  • ନବରଙ୍ଗପୁର : ଭାରସାମ୍ୟ ହରାଇ ଗଛରେ ପିଟିହେଲା ବାଇକ୍, ୨ ବାଇକ୍ ଆରୋହୀଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୭୧ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୬୪୨ କରୋନା ସଂକ୍ରମିତ, ୩୧୫୨୭୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଆସୁଛି ବାତ୍ୟା ‘ନିଭାର୍’: ୨୫ରୁ ପ୍ରବଳ ବର୍ଷା, ଜିଲ୍ଲାପାଳଙ୍କୁ ଆଲର୍ଟ ରହିବାକୁ ନିର୍ଦ୍ଦେଶ
  • ||

ଚୋରଣୀ ବୋହୁ ; ଶ୍ୱଶୁର ଘରୁ ୧୫ ଲକ୍ଷ ଟଙ୍କା ଏବଂ ୨୫ ଭରି ସୁନା ଚୋରି କରି ପ୍ରେମିକକୁ ଦେଇଥିଲା, ସିସିଟିଭିରେ ଧରାପଡିଲା ପୂରା ଘଟଣା

22/01/2019 at 1:37 PM

ଫିଲୋର ୨୨/୧ : ଜଣେ ବ୍ୟବସାୟୀଙ୍କ ବୋହୁ ପ୍ରେମିକ ସହ ମିଶି ସ୍ୱାମୀଙ୍କ ଘରୁ ୧୫ ଲକ୍ଷ ଟଙ୍କା ଏବଂ ୨୫ ଭରି ସୁନା ଚୋରି କରିଥିବା ଘଟଣା ସାମ୍ନାକୁ ଆସିଛି | ପୋଲିସ ପଡୋଶୀ ଘରେ ଲାଗିଥିବା ସିସିଟିଭି ଫୁଟେଜ ଯାଞ୍ଚ କରି ଚୋରଣୀ ବୋହୁର କାରନାମା ଲୋକଲୋଚନାକୁ ଆଣିଛି | ଫୁଟେଜରେ ବୋହୁ ଚୋରି କରିଥିବା ଘଟଣା ସାମ୍ନାକୁ ଆସିବା ପରେ ପୋଲିସ ଚୋରଣୀ ବୋହୁକୁ ଗିରଫ କରିଛି | ସ୍ୱାମୀଙ୍କ ଘରୁ ଟଙ୍କା ଚୋରି କରି ପ୍ରେମିକ ସହ ଫେରାର ହୋଇ ବିବାହ କରିବାକୁ ଚାହୁଁଥିଲେ ମହିଳା |

ଘଟଣା ଚଣ୍ଡୀଗଡ଼ର ଫିଲୋର ଅଂଚଳର | ଫିଲୋରର ବ୍ୟବସାୟୀ ଇନ୍ଦ୍ରଜିତ ଶର୍ମା ପୋଲିସରେ ଏତଲା ଦେଇଥିଲେ ଯେ, ତାଙ୍କ ଘରୁ ୨୫ ଭରି ସୁନା ଏବଂ ୧୫ ଲକ୍ଷ ଟଙ୍କା ଚୋରି ହୋଇଛି | ଏତଲା ପରେ ଥାନା ଅଧିକାରୀ ଯତୀନ୍ଦ୍ର ବ୍ୟବସାୟୀଙ୍କ ଘରେ ଯାଞ୍ଚ ଆରମ୍ଭ କରିଥିଲେ | ଯାଞ୍ଚ ବେଳେ ପୋଲିସ ସନ୍ଦେହ କରିଥିଲା ଯେ, ଚୋରି ବାହାରର କେହି ନକରି ବରଂ ଘରର କୌଣସି ସଦସ୍ୟ କରିଥାଇପାରନ୍ତି | ଏହାପରେ ପୋଲିସ ପଡୋଶୀରେ ଲାଗିଥିବା ସିସିଟିଭି ଫୁଟେଜ ଯାଞ୍ଚ କରିଥିଲା | ଫୁଟେଜ ଘାଣ୍ଟିବା ପରେ ସବୁ ଘଟଣା ସାମ୍ନା ଆସିଥିଲା | ପୋଲିସ ଚୋରଣୀ ବୋହୁ ରିମ୍ପଲକୁ ଗିରଫ କରିଥିଲା |

ପଚରାଉଚୁରା କରିବାରୁ ରିମ୍ପଲ ନିଜ ଦୋଷ ସ୍ୱୀକାର କରିଥିଲା | ରିମ୍ପଲ କହିଥିଲେ ଯେ, ବ୍ୟବସାୟୀଙ୍କ ପୁଅ ରାକେଶ ସହ ବିବାହ ପୂର୍ବରୁ ଫରିଦକୋଟର ଲଖବୀର ସିଂହ ନାମକ ଯୁବକଙ୍କ ସହ ତାଙ୍କର ପ୍ରେମ ସମ୍ପର୍କ ଥିଲା | ଫେସବୁକରେ ଲଖବୀର ସହ ରିମ୍ପଲଙ୍କ ଯୋଗାଯୋଗ ହୋଇଥିଲା | ଲଖବୀର ଲୁଧିଆନାର ଏକ ଫଟୋ ସ୍ଟୁଡ଼ିଓରେ କାମ କରୁଥିଲା | କୌଣସି କାରଣବଶତଃ କିନ୍ତୁ ଉଭୟଙ୍କ ବିବାହ ହୋଇପାରିନଥିଲା |

୪ ମାସ ପୂର୍ବରୁ ରାକେଶ ସହ ରିମ୍ପଲଙ୍କ ବିବାହ ହୋଇଥିଲା | ବିବାହ ପରେ ମଧ୍ୟ ଲଖବୀର ସହ ରିମ୍ପଲର ସମ୍ପର୍କ ରହିଥିଲା | ପ୍ରେମିକ ସହ ମିଶି ଶାଶୂଘରୁ ଚୋରି କରିବା ଯୋଜନା ପ୍ରସ୍ତୁତ କରିଥିଲା ରିମ୍ପଲ | ଘରୁ ଲକ୍ଷ ଲକ୍ଷ ଟଙ୍କା ଓ ସୁନା ଗହଣା ଚୋରି କରି ପ୍ରେମିକକୁ ଦେଇଦେଇଥିଲା ରିମ୍ପଲ | ଏହାପରେ ଉଭୟ ରିମ୍ପଲ ଏବଂ ଲଖବୀର ଫେରାର ହୋଇ ବିବାହ କରିବା ପାଇଁ ଯୋଜନା କରିଥିଲେ ବୋଲି ରିମ୍ପଲ ପୋଲିସକୁ କହିଥିଲେ | ଅପରପକ୍ଷରେ ଲଖବୀରକୁ ମଧ୍ୟ ଗିରଫ କରାଯାଇଛି |

ସିସିଟିଭି ଫୁଟେଜରେ ପୋଲିସ ଦେଖିଥିଲେ, ରିମ୍ପଲ ଦିନ ଦ୍ବିପହରରେ ଏକ ବ୍ୟାଗ ଧରି ଘରୁ ବାହାରକୁ ବାହାରିଥିଲା | ସାମନପଟୁ ଜଣେ ଯୁବକ ଆସି ରିମ୍ପଲ ହାତରୁ ବ୍ୟାଗ ନେଇ ଚାଲିଯାଇଥିଲା | ୫ ମିନିଟ ପରେ ରିମ୍ପଲ ପୁଣିଥରେ ଏକ ଛୋଟ ବ୍ୟାଗ ଧରି ଘରୁ ବାହାରକୁ ବାହାରିଥିଲା | ଦ୍ୱିତୀୟଥର ମଧ୍ୟ ସେହି ସମାନ ଯୁବକ ପୁଣି ଆସି ରିମ୍ପଲା ହାତରୁ ବ୍ୟାଗ ନେଇ ଚାଲିଯାଇଥିଲା | ଏହାପରେ ରିମ୍ପଲା ଘରକୁ ଆସି ସାଧାରଣ ଭାବେ ଘରର କାମରେ ଲାଗିଯାଇଥିଲା | ଯେପରିକି କେହି ତା’ଉପରେ ସନ୍ଦେହ ନକରନ୍ତୁ |

ଘଟଣା ସାମ୍ନାକୁ ଆସିବାପରେ ଇନ୍ଦ୍ରଜିତଙ୍କ ପରିବାର ବୋହୁ ରିମ୍ପଲର କାରନାମା ଦେଖି ଆଶ୍ଚର୍ଯ୍ୟ ହୋଇଯାଇଥିଲେ |

   Related Posts