Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||
  • ଜଗତସିଂହପୁରରେ ଲଗାଣ ବର୍ଷା, ଧାନ ଫସଲ କ୍ଷତିଗ୍ରସ୍ତ
  • ||

୨୮ ବର୍ଷ ବୟସରେ ଦୁଇଥର ବିକ୍ରି ହୋଇଥିଲେ, ୩ଜଣଙ୍କ ସହ ରହି ୭ଟି ଛୁଆ ଜନ୍ମ ଦେଲେ; ମହିଳା ଜଣକ ଏବେ ଅସହାୟ

9/12/2018 at 12:18 PM

ମନ୍ଦସୌର ୯/୧୨ : ଦେଶ ସ୍ୱାଧୀନ ହେବାର ୭୨ ବର୍ଷ ପରେ ମଧ୍ୟ ସମାଜରେ ନାରୀ ନିର୍ଯ୍ୟାତିତ | ଆଜି ମଧ୍ୟ ନାରୀ ନିର୍ଯ୍ୟାତନା, ଦୁଷ୍କର୍ମ କମିନାହିଁ | ମଧ୍ୟପ୍ରଦେଶ ମନ୍ଦସୌରର ମହିଳା ଏବଂ ଶିଶୁ ବିକାଶ ବିଭାଗର ୱାନ ସ୍ଟେପ ସେଣ୍ଟରରେ ରହୁଥିବା ଜଣେ ୨୮ ବର୍ଷ ବୟସ୍କା ମହିଳାଙ୍କ କାହାଣୀ ସମାଜରେ ନାରୀ ନିର୍ଯାତନା ଏକ ଭିନ୍ନ କାହାଣୀ କହିଛି |

ମହିଳାଙ୍କୁ ଯେତେବେଳେ ୧୧ ବର୍ଷ ବୟସ ହୋଇଥିଲା ତାଙ୍କ ମଦୁଆ ବାପା ତାଙ୍କୁ ମହୀଦପୁରର ନାହର ସିଂହକୁ ୫ ହଜାର ଟଙ୍କାରେ ବିକିଦେଇଥିଲେ | କିଛି ବର୍ଷ ପରେ ତାଙ୍କୁ ପୁଣି ବିକ୍ରି କରିଦିଆଯାଇଥିଲା | ଏଭଳି ତାଙ୍କୁ ୩ ଥର ବିକି ଦିଆଯାଇଥିଲା | ୩ ଜଣ ଭିନ୍ନ ଭିନ୍ନ ଲୋକଙ୍କ ସହ ରହି ସେ ୭ଟି ଛୁଆ ଜନ୍ମ କରିଥିଲେ | ୩ଜଣ ଯାକ ତାଙ୍କୁ ମାରପିଟ କରି ଘରୁ ବାହାର କରିଦେଇଥିଲେ | ନାହର ସିଂହ ସହ ମହିଳା ୮ ବର୍ଷ ରହିଥିଲେ ଏବଂ ୩ଟି କନ୍ୟା ଜନ୍ମ ଦେଇଥିଲେ | ପୁଅ ନହେବାରୁ ନାହର ସିଂହ ତାଙ୍କୁ ମାରପିଟ କରି ଘରୁ ବାହାର କରିଦେଇଥିଲା | କିନ୍ତୁ ୩ଜଣ ଝିଅଙ୍କୁ ନାହର ସିଂହ ନିଜ ପାଖେ ହିଁ ରଖି ପକେଇଲା |

ଏହାପରେ ମହିଳା କିଛି ବାଟ ନପାଇ ନିଜ ବାପାଙ୍କ ପାଖକୁ ଫେରି ଆସିଥିଲେ | ବାପ ଘରେ ସେ ପାଖାପାଖି ୩ ବର୍ଷ ରହିଲେ | ୩ ବର୍ଷ ପରେ ତାଙ୍କ ବାପା ଦେବାସ ଅଂଚଳର ରାକେଶ ଥାପାକୁ ପୁଣି ବିକ୍ରି କରିଦେଇଥିଲେ | ସେତେବେଳେ ତାଙ୍କ ବୟସ ୨୧ ବର୍ଷ ଥିଲା | ରାକେଶ ସହ ରହିଥିବା ବେଳେ ମହିଳା ଦୁଇଟି ପୁତ୍ର ଜନ୍ମ ଦେଇଥିଲେ | କିନ୍ତୁ ଦୁଇଟି ଯାକ ପୁଅଙ୍କ ମୃତ୍ୟୁ ହୋଇଯାଇଥିଲା | ସେଥିପାଇଁ ରାକେଶ ମଧ୍ୟ ମହିଳାଙ୍କୁ ସବୁବେଳେ ମାରପିଟ କରୁଥିଲା | ନିର୍ଯ୍ୟାତନା ସହି ନପାରି ମହିଳା ରାକେଶର ଘର ଛାଡି ଚାଲିଗଲେ |


ଏହାପରେ ମହିଳାଙ୍କ ଜଣେ ଦୂର ସମ୍ପର୍କୀୟ ଦେବେନ୍ଦ୍ର ନିଜ ସହିତ ନେଇଯାଇଥିଲା | ସେ ମହିଳାଙ୍କୁ ବିବାହ କରିବା ବୋଲି କହି ନିଜ ପାଖେ ରଖିଲା | ଦେବେନ୍ଦ୍ର ସହ ରହିଲାବେଳେ ସେ ପୁଣି ଏକ ପୁତ୍ରକୁ ଜନ୍ମ ଦେଲେ | କିଛି ବର୍ଷ ପରେ ସେ ପୁଣି ଗର୍ଭବତୀ ହେଲେ | ତେବେ ଦେବେନ୍ଦ୍ର ଆଉ ଏକ ଛୁଆ ଜନ୍ମ ହେଉ ବୋଲି ଚାହୁଁନଥିଲା | ସେଥିପାଇଁ ସେ ମହିଳାଙ୍କୁ ଗର୍ଭାପାତ କରିବା ପାଇଁ କହିଥିଲା କିନ୍ତୁ ମହିଳା ଏଥିରେ ରାଜି ହୋଇନଥିଲେ | ଫଳରେ ଦୁହିଁଙ୍କ ମଧ୍ୟରେ ଝଗଡା ହୋଇଥିଲା | ତେବେ ମହିଳାଙ୍କ ପଡୋଶୀ ତାଙ୍କୁ ନେଇ ହସ୍ପିଟାଲରେ ଭର୍ତ୍ତି କରିଥିଲେ | ତାଙ୍କ ଅବସ୍ଥା ଭଲ ନଥିବାରୁ ତାଙ୍କୁ ଜିଲ୍ଲା ହସ୍ପିଟାଲକୁ ପଠାଇ ଦିଆଯାଇଥିଲା | ମନ୍ଦସୌରରେ ସେ ପୁଣି ଏକ ଛୁଆ ଜନ୍ମ ଦେଲେ | ତେବେ ତାଙ୍କୁ ହସ୍ପିଟାଲରେ ଭର୍ତ୍ତି କରିଥିବା ତାଙ୍କ ପଡୋଶୀ ମହିଳାମାନେ ତାଙ୍କୁ ପୁଣି ବିକି ଦେବା ପାଇଁ ଯୋଜନା କରିଥିଲେ | କିନ୍ତୁ ହସ୍ପିଟାଲରେ ଭର୍ତ୍ତି ହୋଇଥିବା ଅନ୍ୟ ମହିଳାମାନେ ଏ ସମ୍ପର୍କରେ ଜାଣିପାରି ହସ୍ପିଟାଲ ପ୍ରଭାରୀଙ୍କୁ ସୂଚନା ଦେଇଥିଲେ | ଏହାପରେ ସମସ୍ତ ଘଟଣା ସାମ୍ନାକୁ ଆସିଥିଲା |


୪ଦିନ ପୂର୍ବରୁ ସମାଜସେବୀ ଅନାମିକା ଜୈନଙ୍କୁ ଖବର ମିଳିଥିଲା ଯେ, ଜଣେ ଅସହାୟ ମହିଳା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇଛନ୍ତି | ଖବର ପାଇ ସେ ତୁରନ୍ତ ହସ୍ପିଟାଲରେ ପହଂଚି ମହିଳାଙ୍କୁ ଦେଖା କରିଥିଲେ | ଅସହାୟ ମହିଳା ଜଣକ ନିଜର ସବୁ ଦୁଃଖ ତାଙ୍କ ଆଗରେ ପ୍ରକାଶ କରିଥିଲେ | ସେ ସେହି ହସ୍ପିଟାଲରେ ଶିଶୁ ଜନ୍ମ ଦେବା ଦେବା ପରେ ତାଙ୍କୁ ୱାନ ସ୍ଟେପ ସେଣ୍ଟରକୁ ନିଆଯାଇଥିଲା | କିନ୍ତୁ ସେଠାରେ ସେ ମହିଳାଙ୍କୁ ୧୦ ଦିନରୁ ଅଧିକ ରଖି ପାରିବେ ନାହିଁ | ତେଣୁ ସମାଜସେବୀ ଅନାମିକା ମହିଳାଙ୍କୁ ନିଜ ଗାଁକୁ ନେଇଯିବେ ବୋଲି ଚିନ୍ତା କରିଛନ୍ତି | ତେବେ ମହିଳା ଜଣକ ଏବେ ଯାଏଁ କାହା ବିରୋଧରେ ଏତଲା ଦେଇନାହାନ୍ତି | ସେ ଏତଲା ଦେଲେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିବ ବୋଲି କହିଛି |

   Related Posts