Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ହତ୍ୟାକାରୀ ମା’କୁ ଆଜୀବନ ଜେଲ୍, ୩ ଶିଶୁଙ୍କୁ କୂଅରେ ପକାଇ ନିଜେ କରିଥିଲେ ଆତ୍ମହତ୍ୟା ଉଦ୍ୟମ

4/03/2020 at 3:18 PM

ଆଠମଲ୍ଲିକ ୪।୩: ହତ୍ୟାକାରୀ ମା’କୁ ଆଜୀବନ କାରାଦଣ୍ଡାଦେଶ ସହ ୫୦ ହଜାର ଟଙ୍କାର ଜରିମାନା ଆଦେଶ ଦେଲେ କୋର୍ଟ । ଆଠମଲ୍ଲିକ ଉପଖଣ୍ଡର କିଶୋରନଗର ଥାନା ଅନ୍ତର୍ଗତ ଗୁରୁଜାଙ୍ଗ ଗ୍ରାମରେ ନିଜର ୩ ଶିଶୁପୁତ୍ରଙ୍କୁ କୂଅରେ ପକାଇ ନିଜେ ଆତ୍ମହତ୍ୟା କରିବାକୁ ଡେଇଁପଡିଥିଲେ ଶୋଭାଗିନୀ ବେହେରା । ୨୦୧୬ ମସିହା ସେପ୍ଟେମ୍ବର ୧୦ ତାରିଖରେ ଘଟିଥିଲା ଏହି ଅଭାବନୀୟ ଘଟଣା । ଆଠମଲ୍ଲିକ ଅତିରିକ୍ତ ଜିଲ୍ଲା ଓ ଦୌରାଜଜ୍‌ କୋର୍ଟ ମଙ୍ଗଳବାର ମାମଲାର ରାୟ ପ୍ରକାଶ କରିଛନ୍ତି ।

ସୂଚନାଯୋଗ୍ୟ ଯେ, ଗୁରୁଜାଙ୍ଗ ଗ୍ରାମର ବିନୋଦ ବେହେରାଙ୍କ ସ୍ତ୍ରୀ ହେଉଛନ୍ତି ଶୋଭାଗିନୀ ବେହେରା । ଏକ ଅପରାଧିକ ମାମଲାରେ ବିନୋଦ ଜେଲ୍‌ ଯିବା ପରେ ଘରେ ଶାଶୂ, ଶ୍ବଶୁରଙ୍କ ସହ ଘରେ ନିଜର ତିନି ଶିଶୁପୁତ୍ରଙ୍କୁ ଧରି ରହୁଥିଲା ଶୋଭାଗିନୀ । ନିଜର ୩ ଶିଶୁପୁତ୍ରଙ୍କୁ କୂଅରେ ପକାଇ ନିଜେ ଆତ୍ମହତ୍ୟା କରିବାକୁ ଡେଇଁପଡିଥିଲେ ଶୋଭାଗିନୀ । ପରେ ଦମକଳ ବାହିନୀ ପହଞ୍ଚି କୂଅ ମଧ୍ୟରୁ ଶୋଭାଗିନୀକୁ ସୁରକ୍ଷିତ ଅବସ୍ଥାରେ ଉଦ୍ଧାର କରିଥିଲେ ।

୮ ମାସର ରୋହନ, ଅଢ଼େଇ ବର୍ଷର ରୋହିତ ଓ ୪ ବର୍ଷର ଶିଶୁ ପୁତ୍ର ବୃନ୍ଦାବନର ମୃତଦେହ ମଧ୍ୟ କୂଅରୁ ବାହାର କରାଯାଇଥିଲା । ବିନୋଦଙ୍କ ବାପା ବସନ୍ତ ବେହେରାଙ୍କ ଏତାଲା କ୍ରମେ କିଶୋରନଗର ପୋଲିସ ଏକ ହତ୍ୟା ମାମଲା ରୁଜୁ କରିଥିଲା । ହତ୍ୟାକାରୀ ମା’ ଶୋଭାଗିନୀକୁ ଗିରଫ କରି କୋର୍ଟ ଚାଲାଣ କରିଥିଲା ପୋଲିସ ।

   Related Posts