ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୁରିଷ୍ଟ ବସ୍‌ ଦୁର୍ଘଟଣା ପ୍ରସଙ୍ଗରେ ପରିବହନ ମନ୍ତ୍ରୀଙ୍କ ପ୍ରତିକ୍ରିୟା, କଳିଙ୍ଗା ଘାଟି ଦେଇ ଯିବନାହିଁ ଟୁରିଷ୍ଟ ବସ୍‌
  • ||
  • କେଦାରନାଥ ଯାତ୍ରାରେ ବାଧକ ସାଜିଛି ତୁଷାରପାତ, ବାରମ୍ବାର ଫସୁଛନ୍ତି ଯାତ୍ରୀ
  • ||
  • ଦେଶରେ କମୁଛି ସଂକ୍ରମଣ, ୨୪ ଘଣ୍ଟାରେ ବାହାରିଲେ ୨୧୨୪ କୋଭିଡ୍ ପଜିଟିଭ୍
  • ||
  • ରାଜ୍ୟରେ ହାରୁଛି କରୋନା, ୨୪ ଘଣ୍ଟାରେ ବାହାରିଲେ ୩ କୋଭିଡ୍ ପଜିଟିଭ୍
  • ||
  • ରାଇରଙ୍ଗପୁର: ଗୋରୁ ବେପାରୀଙ୍କୁ ଗୁଳିକରି ହତ୍ୟା, ୨୦ ଲକ୍ଷ ଲୁଟ୍‌
  • ||
  • ପୁରୀ : ବୁଧବାର ମହାପ୍ରଭୁଙ୍କ ବନକଲାଗି, ୪ ଘଣ୍ଟା ବନ୍ଦ ରହିବ ଦର୍ଶନ
  • ||

ପଶ୍ଚିମବଙ୍ଗରେ ବି ନିର୍ଭୟା ଘଟଣା ; ଦୁଷ୍କର୍ମ ପରେ ଗୁପ୍ତାଙ୍ଗରେ ଭର୍ତ୍ତି କରିଦେଲେ ଲୁହା ରଡ୍

22/10/2018 at 5:21 PM

ଜଲପାଇଗୁଡି ୨୨|୧୦:  ପଶ୍ଚିମବଙ୍ଗର ଜଲପାଇଗୁଡିରେ ଦିଲ୍ଲୀ ନିର୍ଭୟା ଭଳି ଦୁଷ୍କର୍ମ ଘଟଣା ସାମ୍ନାକୁ ଆସିଛି । ଜଲପାଇଗୁଡିରେ ଜମିବାଡି ବିବାଦକୁ ନେଇ ଜଣେ ମହିଳାଙ୍କୁ ତାଙ୍କର ଜଣେ ସଂପର୍କୀୟ ଦୁଷ୍କର୍ମ କରିବା ସହ ତାଙ୍କ ଗୁପ୍ତାଙ୍ଗରେ ଲୁହା ରଡ୍ ଭର୍ତ୍ତି କରିଦେଇଛନ୍ତି । ପୋଲିସର କହିବା ଅନୁସାରେ ପୀଡିତାଙ୍କୁ ଜଲପାଇଗୁଡି ମେଡିକାଲରେ ଭର୍ତ୍ତି କରାଯାଇଛି । ତାଙ୍କର ଅବସ୍ଥା ସଂକଟାପନ୍ନ ଥିବା ସୂଚନା ମିଳିଛି । ପୋଲିସ ଘଟଣାର ତଦନ୍ତ ଜାରି ରଖିଛି ।

ସୂଚନା ଅନୁସାରେ ଧୁପଗୁଡି ପୋଲିସ ଥାନା ଅଞ୍ଚଳରେ ଶନିବାର ରାତିରେ ମହିଳାଙ୍କ ସହ ଦୁଷ୍କର୍ମ କରାଯାଇଛି। ମହିଳାଙ୍କ ଘର ନିକଟରେ ଥିବା ଏକ ଜଳାଶୟ ପାଖରେ ହିଁ ତାଙ୍କୁ ଦୁଷ୍କର୍ମ କରାଯାଇଛି । ସଂପୃକ୍ତ ମହିଳାଙ୍କ ପରିବାର ଏବଂ ଅଭିଯୁକ୍ତଙ୍କ ମଧ୍ୟରେ ପୂର୍ବରୁ ଜମିବାଡି ବିବାଦ ଲାଗିରହିଥିଲା । ଘଟଣା ଦିନ ସଂପୃକ୍ତ ମହିଳାଙ୍କ ସ୍ବାମୀ ଘରେ ନଥିଲେ । ଏହାର ସୁଯୋଗ ନେଇ ଅଭିଯୁକ୍ତ ଏହି ମହିଳାଙ୍କୁ ତାଙ୍କ ଘର ନିକଟରେ ଥିବା ଏକ ଜଳାଶୟ ପାଖକୁ ଡାକିଥିଲେ ଜମିବାଡି ମାମଲାର ସମାଧାନ କରିବା ପାଇଁ । ସେଠାରେ ମହିଳାଙ୍କୁ ସମ୍ପର୍କୀୟ ଧମକାଇବା ସହ ଦୁଷ୍କର୍ମ କରିଥିଲେ । କେବଳ ଏତିକି ନୁହେଁ ଦୁଷ୍କର୍ମ କରିବା ପରେ ତାଙ୍କ ଗୁପ୍ତାଙ୍ଗରେ ଲୁହା ରଡ୍ ଭର୍ତ୍ତି କରିଦେଇଥିଲେ ଅଭିଯୁକ୍ତ । ଅଭିଯୁକ୍ତ ତାଙ୍କୁ ମାଡ ମଧ୍ୟ ମାରିଥିଲେ । ପରେ ସେ ସ୍ଥାନ ଛାଡି ପଳାଇ ଯାଇଥିଲେ । ମହିଳାଙ୍କୁ ଗୁରୁତର ଅବସ୍ଥାରେ  ଜଣେ ରିକ୍ସା ଚାଳକ ଦେଖି ତାଙ୍କୁ ଘରେ ଆଣି ଛାଡିଥିଲେ । ଗୁରୁତର ଅବସ୍ଥାରେ ମହିଳାଙ୍କୁ ରବିବାର ଦିନ ଘରଲୋକ ଜଲପାଇଗୁଡି ମେଡିକାଲରେ ଭର୍ତ୍ତି କରିଥିଲେ । ଏବେ ତାଙ୍କର ଅବସ୍ଥା ସଂକଟାପନ୍ନ ରହିଛି ।

ଘଟଣା ସମୟରେ ଅଭିଯୁକ୍ତ ସହ ଅନ୍ୟ ଜଣେ ବ୍ୟକ୍ତି ମଧ୍ୟ ସେଠାରେ ଉପସ୍ଥିତ ଥିଲେ । ମହିଳାଙ୍କ କହିବା ଅନୁସାରେ ସେ ବ୍ୟକ୍ତି ଜଣଙ୍କ କିଛି କରିନାହାନ୍ତି । ପୋଲିସ ଅଭିଯୁକ୍ତ ଏବଂ ତାଙ୍କ ସାଥୀଙ୍କୁ ଅଟକ ରଖି ପଚରାଉଚରା କରୁଛି ।

   Related Posts