ସୋର ୧୯।୯: ଗର୍ଭବତୀ ମହିଳାଙ୍କୁ ଘରୁ ଟେକି ନେଇ ରାତିସାରା ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । ପିଡୀତା ପିଇବା ପାଇଁ ପାଣି ମାଗିବାରୁ ମିଳିଲା ମାଡ । ଏଭଳି ଅଭାବନୀୟ ଘଟଣା ଘଟିଛି ସୋର ଶିଙ୍ଗଖୁଣ୍ଟା ଅଞ୍ଚଳରେ ।
{"id":159582}ସୂଚନାଯୋଗ୍ୟ ଯେ, ସୋର ଶିଙ୍ଗାଖୁଣ୍ଟା ଅଞ୍ଚଳର ଜଣେ ୭ମାସର ଗର୍ଭବତୀ ମହିଳା ଦୁଇ ନଣନ୍ଦଙ୍କ ସହ ଘରେ ଶୋଇଥିଲେ । ଶାଶୁ ଓ ଶ୍ବଶୁର ବାହାରକୁ ଯାଇଥିଲେ । ଗାଁର ଜଣେ ୨୨ବର୍ଷୀୟ ଯୁବକ ପୂର୍ବ ରାଗ ସୁଝାଇବାକୁ ଯାଇ ଗର୍ଭବତୀ ମହିଳାଙ୍କୁ କାନ୍ଧରେ ପକାଇ ନିଜ ଘରକୁ ନେଇଯାଇଥିଲା । ଗର୍ଭବତୀ ମହିଳାଙ୍କୁ ତାଙ୍କ ଘରେ ଦୁଷ୍କର୍ମ କରିବା ସହିତ ମାଡ ମଧ୍ୟ ମାରିଥିଲା । ରାତିରେ ମହିଳାଙ୍କୁ ପରିବାରଲୋକେ ଉଦ୍ଧାର କରିବାକୁ ଯିବାରୁ ଅଭିଯୁକ୍ତ ସେମାନଙ୍ମାକୁ ମାରଣାସ୍ତ୍ରରେ ଆକ୍ରମଣ କରିବାକୁ ଧମକ ଦେଇଥିଲା । ଭୟରେ ପିଡୀତାଙ୍କ ପରିବାରଲୋକେ ଗ୍ରାମବାସୀଙ୍କ ସହାୟତାରେ ତା ପରଦିନ ଭୋରରୁ ମହିଳାଙ୍କୁ ଉଦ୍ଧାର କରିଥିଲେ । ଏହାପରେ ସୋର ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।